Psalms 107:38 - Ohiatonhseratokénti

³⁸ Ne tsi waʼhahiathatériste iawetatʼtsáni watkaiasehrón꞉nion, tánon iáh tehothontháton tsi iotitsiókwaiens ne rahothitsenenhókons tionhnónskwahrons, kaiatákeras, teiotinakaronhtónhas ne nakanenhrásthoʼne.

Psalms 107:38 ပူးပေါင်းရင်းမြစ်များ

Genesis 1:28

Rawenni꞉io wahshakoiatatérihste, tánon ne Rawenni꞉io wahshakóhnaʼne, “Sewawatsirowáhna tánon sewentiohkowáhna, tánon thontasewáraʼn ne tsi ionhwentsá꞉te tánon tasewaniarotáhrhok: tánon ietshiiatiaʼtakweʼní꞉iohste ne kentsonʼshón꞉ʼa ne kaniatarakehkowáhne ó꞉ni notsitenʼokón꞉ʼa ne tsi karonhiá꞉te kontitses ó꞉ni kwáh tsi nikón꞉ti ne konnónhne ne kón꞉nes ne tsi ionhwentsá꞉te.”

Genesis 12:2

Ne enkónniaʼte tsi nienhsathwatsí꞉rine naesewatiohkowá꞉nenke, tánon kwáh enkoniaʼtaté꞉rihste tánon enkonhsennó꞉wanahte, ne katiʼ nahsheiatʼateríhsthake nakohrén꞉shon.

Genesis 17:16

Kwáh enkheiaʼtaté꞉riste, tánon sénha ísiʼ nón꞉we kwáh entkón꞉ion naesanekenhterontsheraién꞉tane naonhá꞉ke entkaiènhtahkwe; kwáh entiaʼtaté꞉riste, áonha né kahsótshera enkénhake nonkwehshón꞉ʼahs; tánon ótiaʼkehs enhshakotinontí꞉iokehs nonhkweshón꞉ʼahs né naonhá꞉ke nón꞉we nèntewe.”

Genesis 17:20

Tsi nokwá ne Ishmael, waʼkonwenná꞉ronke; kwáh kíʼ enhiiaʼtaté꞉riste tánon enhitiohkó꞉wanahte ó꞉ni kwáh í꞉ken tsi enhonatiohkowá꞉nenke; tékeni iawén꞉re nihá꞉ti enhonekenhteronʼtsheraién꞉take né꞉ne rotinontí꞉ioʼs enkénhake, tánon né enhiiónniaʼte nahotiohkowá꞉nenke.

Genesis 30:43

Tho kiʼ ní꞉ioht ne Jacob tsi wahokwáhtsheʼne. Wé꞉so ronahskwaièn꞉tahkwe, ronnon꞉kwe tánon konnón꞉kwe roʼnhaʼtsheraièn꞉tahkwe, iotiniaʼkwáhere, ó꞉ni tewahónhtes.

Genesis 31:9

Rawenni꞉io sahonahskwakwenhá꞉ton ne tsiseniʼha, tánon Í꞉ʼi tontahakenahskwawíhon.

Genesis 9:1

Rawenni꞉io wahoiaʼtaté꞉rihste ne Noah ó꞉ni ne raonekenhterontsheraʼshón꞉ʼa tánon waʼhshakawènhase, “Sewahwatsirowáhnha tánon sewentiohkowáhnha, tontasewá꞉raʼn ne tsi ionhwentsá꞉te.

Job Tánon ne Raoronhiakensera 12:23

Sakahonhnién꞉nis nonkweshón꞉as nahatisátstenhne tánon ethò꞉ne enshesakosatstenhseráhkwa; sakotsiokowanátha nonkweshón꞉as, ethò꞉ne enshesakótonhte.

Exodus 1:12

Ók né sénha ne Egyptró꞉nons enhonwatiʼronhiákenhte ne lsraeró꞉nonhs, sénha kíʼ wahonahtsiokowáhnah tánon sénha tenhonwanahréniaʼte ne tsi ionhwénhtsaien. Ne Egyptró꞉nons wahonwatiʼtshá꞉nihke ne lsraeró꞉nonhs

Exodus 1:7

ók ne sakonahterehokónhas, né꞉ne lsraeró꞉nonhs, wéso wahotiʼwirahʼientàsehron tánon tsi nahonahtsiokowàhna tánon wahatiʼtsiokwahnírahne né Egypt nónhwe kwáh ronònhak khók thitahtírahkwe.

Exodus 12:38

Shé꞉kon kanenroʼwáhnen òtsiakes nonhkweshón꞉ʼas ó꞉ni teiotinakaronton꞉ʼa, kahiatákeras, ó꞉ni tionhnónskwahrons skátke rónhne.

Proverbs 10:22

Roiá꞉ner raoiaʼtateríhtshera enión꞉ni naiesakwáhtsheʼne tánon iáh oʼthé꞉nen teká꞉ien ne aiesaʼnikonhráksaʼte.

Jeremiah 30:19

Nonhkweshón꞉a né nónhwe niʼienáhkereh tenhatirihwahkwáhnion ne kanonhwerahtóntshera; kwáh tenhothihénreʼte natonnharáhtshera. Né naʼtiathaterítshera tsi kwáh enhonahtsiokowáhnah; naʼtiathaterihtiérah enthotiháwahse ne kakwenienstátshera.

Ezekiel 37:26

Enhiakwatsanerenserónhni né꞉ne kariwahnhírats ne raotinonhstátʼtshera tsi nénhwe. Kwáh enkhekwatákwahse tánon wéso ahonahtiokowáhna, tánon kwáh oriwí꞉io enkónhni nakenonhsatokénti tsi nénhwe enkátaʼke.

Deuteronomy 28:11

Ne Roiá꞉ner wé꞉so énthion nahisawiraiéntaʼne, ionatiohkowá꞉nen tionónhskwarons, tánon ienkaié꞉rike ne kaienʼthótsheras ne tsi ionhontsá꞉ien ne shakorahratstén꞉ni ne ietsisoʼthokonhkén꞉en tsi enthetsí꞉tion.

Deuteronomy 28:4

“Ne Roiá꞉ner kwáh enhaiaʼtaté꞉riste ne wé꞉so ahisawiraiéntaʼne, ahiowátstonke ne saienʼthó꞉tsheras, ó꞉ni ne wé꞉so ahisanaskwaiéntake ne tionónhskwarons tánon ne teiotinakaronhtón꞉a.

Deuteronomy 30:9

Ne Roiá꞉ner kwáh orihwakwé꞉kon tsi enhahianerásthe tsi nenshahiò꞉ten; kwáh wé꞉so ensawiraiéntake ó꞉ni wé꞉so ensanaskwaiéntake, tánon ne sahethashón꞉as kwáh í꞉ken tsi iawetowá꞉nen enshientwáko. Kwáh thóh nenhatsenhnón:ni tsi enhiakwasésten tsi ki nishakokwasestén꞉ni ne ietsisoʼthonkonhkén꞉en,

Deuteronomy 7:13

Akwáh enhianó꞉ronhkwe ó꞉ni enhiaiaʼtaté꞉riste, káti né꞉ne akwáh ahisewentiohkowá꞉nen ó꞉ni wé꞉so ahisewawiraién꞉taʼne; enhaiaʼtatériste tsi sahenthaké꞉rons, ne káti nahónton nahishanatsaiéntaʼne, onenharataʼsehontsherá꞉keri, tánon ne iakeniewáhtha kénhies; tánon tsi enhiaiaʼtaté꞉riste ne tsi nénhthion ne tionhnónskwarons ó꞉ni ne teiotinakaronhtón꞉a. Akwé꞉kon énthion kí꞉ken kaiataterí꞉tsheras ne tsi nishakorahratstén꞉ni ne ietsisoʼthonkonhkén꞉en tsi énthion.

Deuteronomy 7:14

Iáh ónhka nonhkweshón꞉as ne tsi ionwenhtsá꞉te thóh tahiakohiaʼtateristónhake tsi ní꞉ioht ní꞉se. Iáh ónhka tsi nítson ó꞉ni ne sewatsheʼnenhókonhs ne iáh thaónton nahiotiwiraién꞉taʼne.