Psalms 107:22 - Ohiatonhseratokénti

²² Tánon áhnion ne iehatítat tsi tenhontenonweráton tsi enkonhwateskónten katʼtsénen, tánon ne rontrórhiat ne raohiothénhseras né tsi thenhatiríhwaʼkwe natʼtsenhnoinhniátshera.

Psalms 107:22 ပူးပေါင်းရင်းမြစ်များ

Psalms 116:12

Onhnahó꞉ten ahontahí꞉hion ne Roiá꞉ner asèken tsi nió꞉re tsi tehakerihwásnieʼse?

Psalms 116:17

Kwáh entkónhion ne kariwiʼiosehokónhas tsi tenhkonhnonweráton tánon ienkenáton ne raosénhna Roiá꞉ner,

Psalms 118:17

Iáh kíʼ thaʼkíheie, ók enkónnheke kíʼ, tánon kíʼ enkatró꞉ri tsi nahoténhsons rohioténhen ne Roiá꞉ner.

Psalms 27:6

Nón꞉wa ne kenontsíne kakétskwe éhʼneken í꞉ken tsi rón꞉nes né iónkswenhs kwáh tehionkatiathataséhton, tánon né iéntʼtate ne raothosehrákon enkatienkwahrón꞉niate tsi natenhwakkhénrehte nattienhnonhniátsera; Kwáh tenhkerihwakwáhnion tánon enkaterenhnotónhnion rahohénton ne Roiá꞉ner.

Psalms 50:14

Ítstats ne Rawenni꞉io ne kariwiʼioseokónhas ne tehionhtenonweratónhkwa, tánon thá꞉tion ne Roshaststenhserowanenkówa akwékon tsi nisararátston.

Psalms 73:28

Ók kíʼ ní꞉i tsi nihioiánere tsi tiatákʼta í꞉kes Sewenní꞉io; Né waʼkonhniáton ne Roiá꞉ner Rawenni꞉io rahonháke nón꞉we nenhkatekwáhsen, né nakatró꞉ri akwékon ne sahioténhseras.

Psalms 9:11

Thetserihwákwas ne kanonweratónhsera ne Roiá꞉ner, ne rotkoráston né Zion nón꞉we nihénteron. Satʼró꞉ri ne raohioténhsera nonhkwé꞉ne.

Psalms 9:15

Nonkweshón꞉ha thóh iahonhtinonwírehte nosónhwakon ne roʼtishonhiónhni; ne tsi waʼterísthaien ne roʼnaséhton né꞉ne ronón꞉ha ronsitáke wahotiʼiéna nahá꞉re.

Isaiah 12:4

Tánon enhshí꞉ron né thóh entewenhniseráteke: Tetsenonweráhton ne Roiá꞉ner, iasená꞉ton ne raosénhna; sènest ne raohioténhsehras tsi nòkwah ne iakahontsakeró꞉nons; sehrihówanat ne raosénhna tsi natekarénhsaron.

Leviticus 7:12

Tó꞉ka tsi entéshiesʼthe kí꞉ken né꞉ne tahionteʼnonweráthonʼkwe nahonwátatʼtse ne Rawenni꞉io, ónenk tsi í꞉se ienshát꞉kaʼwe, skátke ne katshénen nahonteskónhthake, né tkaiéston kanátaro tsi iónhni iáh thaʼtekaiéston ne watʼthenkwáhta: tsitnikáien naʼkanatharaʼténʼsonhke né꞉ne ionhniáton ne nothésera ne teweienaʼiéston ne iaʼkeniewáhtha tó꞉ka ó꞉ni ne kaʼkaretserátens né ká꞉ronh ne iaʼkeniewáhtha kénhie tó꞉ka ó꞉ni ne kàret ne ionhniáton ne othésera teweienaiéston ne iakeniewáhtha.

Hebrews 13:15

Ánion tewahtátʼrek, káti, tiotkonʼhónwe ietewáhtat ne kanonwerahtóntshera rahonháke ne Rawenni꞉io né꞉ne onkwahtaʼtewenhniʼiótshera tsi nòkwah ne Ié꞉sos, né꞉ne iewatʼkáwenh tsi nitiawénon ne tsi ieshakáronthe tsi nihiákon ne iakoriwahniráhton tsi rahónha ne Roiá꞉ner.

1 Tiér 2:5

Kásewe tsi ní꞉ioht ne iónnhe onénias, tánon sewathóntat naʼietsiʼiastste tsi akanonsonníhake ne ionnheʼónwe ononsatokénti, thoʼnónwe nensahióten tsi ní꞉ioht ne rotokénti ratsihénstatsi nasétatʼtse kariwiʼiostóntsera tánon ne kaienawasétsera ó꞉ni naontatsenikonraiérite ne Rawenni꞉io rahonháke ne Ié꞉sos Kerístos.

1 Tiér 2:9

Nók í꞉se ne kentiókwa ne ietʼtsiʼiatarákwen, ne Ronontí꞉io rahotsihénstatsis, ne otiokwatokénti, ne kwáh Rawenni꞉io rahonkwetaʼsónha, kahiatarákwen nahontʼróri ne ionerakwathénion ne Rawenni꞉io rahoweiénnas, ietsisewennónkon tsi tetiókaraskwe tánon thonónwe nonsatsisewátʼkawe ne ioriwanerákwat raoskwatetʼtserákon.