Psalms 107:17 - Ohiatonhseratokénti

¹⁷ Ótiakes rotinonwatʼtánikwe né rotironhiakénthakwe ne raotirihwaʼnerahák꞉tsheras, tánon né karihónhniskwe ne raotirihwaʼnerahák꞉tshera tsi tekawisátste tsi rotinonhwatʼtaníhakwe;

Psalms 107:17 ပူးပေါင်းရင်းမြစ်များ

Psalms 14:1

Né tiakotónhnokte rontatró꞉ris, “Iáh teʼkáien ne Rawenni꞉io.” Kwáh ratikwékon tsi ronhnonkwetahétkens, karihwák꞉sens tsi nihotiʼieránions; iáh né saiáta nahioianeréhake né thènen ahohióten ne tkarihwaiéri.

Psalms 92:6

Nek khók ne teiakotenonwaʼroríhtonhte iáh taiekwéni nahiakonikonhraiéntaʼne, ne tiakotónhnokte iáh taiekwéni nahiakonikonraiéntaʼne kí꞉ken:

Proverbs 1:22

“Tsón꞉kwe ne tesewatenonhwarorí꞉tonte! To nikarí꞉wes iáh thaiesewaʼnikonhrá꞉take? To nikarí꞉wes entsonʼweskwenní꞉heke thaietshié꞉ron ne kaweientéhtshera, iáh kenh nonwén꞉ton thaiesewaweientéhtaʼne?

Proverbs 7:22

Thontaiawénhstsi ká꞉ti waháhsere, rohsharí꞉ne tsi shí꞉ken ní꞉ioht ne teiotiná꞉kares waʼkonwarióhsere, tsi shí꞉ken ne oskenón꞉ton iotiaʼkaróntion tsi nón꞉we tewaterístaien

Jeremiah 2:19

Kwáh hiateshiáti sharihwahnerahátʼtshera tsi ensharéwahte, tánon tsi takatʼkahrahthénion ne ensharíhwenhte. Tánon kwáh ensehwehientéthaʼne tsi niwahétʼken ó꞉ni iáh tetʼkarihwahiéri nahionkatewénhthete, ne Roiá꞉ner sahNí꞉io, tánon iáh óhnenh tetsisharihwahtó꞉ken tsi nòkwahʼa ní꞉ih. Í꞉i, ne wahkenonhtí꞉io Watiá꞉ner Keshaststenseroʼwáhnenh, wahkahtáhti.”

Lamentations 3:39

Nontiéren neh thènen ahitewariwakátate nó꞉nen hionkhirewáton nonkwariwanerahákʼtsera tsi nikaríwes sékon tiónnhe?