Psalms 107:12 - Ohiatonhseratokénti

¹² Né꞉ne iohiothenhseranírons waʼthotinikónhriahke; waʼhatihiatsénenhne, iáh ónhka tehonwaʼtisniénon ne tahonsahonwaʼtítaste.

Psalms 107:12 ပူးပေါင်းရင်းမြစ်များ

2 Kings 14:26

Né Roiá꞉ner wahatkáto tsi nateiotenonhianíton tsi nihotironhiáken Nisraeʼró꞉nons; kwáh kíʼ iáh ónhka tewatetʼtsénhrieskwe nahonwatiʼiénawaʼse.

2 Kings 6:33

Iak tshieʼhóson tsi nihatón꞉nionskwe, nó꞉nen ne ronnontí꞉io rahonkwé꞉ta wárahwe tánon wahénron, “Kwáseʼ Roiá꞉ner tasonkwahawíten kí꞉ken tekanikonraráh꞉tsera nontionháke! Onʼnontséren tsi shé꞉kon aonsakateráhrate né knaháiere?”

Nehemiah 9:37

Ók ne iokwáts tsi nihiakwaientkwákwas thóh niewé꞉tha rontinontí꞉ioke né꞉ne ronónha thóh shetéron nahionkhiiatenhnikónraren ne aorihwà꞉ke nonkwahrihwaneraháktsheras. Ne thóh tiniarotá꞉ron nonkwahierónhtas tánon nonkwahtshenenhó꞉kons tionhnónskwahrons tsi nenhthatinón꞉wene, tánon tsi nikowá꞉nen tehionkwahnikòn꞉rare.”

Job Tánon ne Raoronhiakensera 9:13

“Rawenni꞉io kwáh iáh thatahatáste ne raonhakwáhtshera; iekaní꞉hare ne rontatkowanátha tehonaʼtsatʼton ne rahohénton.

Psalms 142:4

Satkáhtho ne tsi keweientetákwen tánon skenhénhion— kwáh iáh ónhka tehiontsénhteres; iáh kahnèka tetsotaténron kahnónhwe nakahtekwáhsen; iáh onhʼthènen tehonsterístha onhnahontsátawen.

Psalms 22:11

Tó꞉sa aíh꞉non nió꞉re taséhsek tsi nón꞉we ní꞉kes, asèken ne tehionikonráhrat ákta í꞉wes tánon iahʼónka tahontetʼtsénri nahionksʼniénon.

Exodus 2:23

Tó꞉ka nihiosehràhke onahkènke ne Ronhnonhtí꞉io ne Egypt wahrénheie, ók né lsraeró꞉nonhs shé꞉kon nihonnonhsèhnahne tsi nihonwatinaskónhni tánon wahthotihén꞉rete nahonwaʼthiʼhiatakèhna. Tsi tehonséntʼthos Rawenní꞉ioʼke niaháhe,

Isaiah 51:23

Tánon né entekhéhion ne iesaronhiakéntha, tsi nikáien né iesénhni, “Tesatsáket, né nahónton nakwahrathatséshon”; tánon né washón꞉niaʼte ne tsi tiónnhe tsi ní꞉ioht nokénhra tánon thóh ní꞉ioht kwáh né꞉ne tsi takanatokénserons tsi nón꞉we nihonténties.

Isaiah 52:5

Nón꞉wa ne kí aoríhwa onhnikatiéra né kénʼen, rá꞉ton ne Roiá꞉ner, tsi tetkanerátie nakonkwetaʼshón꞉has iehonwatiʼhiaténha ne kwáh iáh othènon tetiorihonhníhon? Né ronhwanatʼkoráston tehotihenrétha, rá꞉ton ne Roiá꞉ner, tánon iehotiʼkonhtákwen, kontatsekó꞉wa, naksénhna konwakenrónh꞉ni.

Isaiah 63:5

Watʼkatkatónhnionwe, ók iáh kanèka ne kaienawaséhtshera teká꞉ien; Tiatʼtetkaró꞉taʼne, ók iáh kí ónka kanèka tèienhskwe nahiontiénawaʼse; káti nék ne kenenhtsàke thonkhawíthen naʼtesenhniétsera, tánon naʼkenakwáhtsera né thonkatswaʼnónhna.

Judges 16:21

Ne Philistiaró꞉nons wahonwaiéna tánon wathonwakaratháko. Gaza niahonwahiaténhawe, wahonwaronhkwahsanerénkʼkhon né꞉ne tehiotwístaron otsínekwar, tánon wahonwahiótensthe onátsa wahát꞉thete ne tsi ionhthatenonhthónkwah.

Judges 16:30

tánon wathohénrethe, “Takeríhon skátke tsi ahiakwénheie ne Philistiaró꞉nons!” Kwáh tsi nihoshastsʼténhsera tsi iahá꞉rehke, tánon ne kanónhsa wathotihiathórahrake ne wísk nihotinonhtiʼiotseráke ó꞉ni nakorénhson. Ne Samson sénha ne iakotsokowánenh washakononhwariákon tsi sharénheie tsi ní꞉ioht tsi niháti sakononhwariákon ne tsi nikaríhwes rónhnhekwe.