Psalms 106:45 - Ohiatonhseratokénti

⁴⁵ Asèken rohnónha raotirihwá꞉ke tsi rehiá꞉re ne raoterihwaʼseronniátshera, tánon sahatatiéna ne tahioianénhaʼwe ne iawetatʼtsáni ne iorihwatóken raonoronkwáhtshera.

Psalms 106:45 ပူးပေါင်းရင်းမြစ်များ

2 Samuel 24:16

Ók nó꞉nenh neraronhiakeró꞉non wathanéntseste iathatókente Jerusalem nahá꞉tonhte, ne Roiá꞉ner tonsahotiriwathénien ne tó꞉sa sénha ishiʼnónwe nahiontatréwate, tánon wahawénhase ne raronhiakeró꞉non tsi rahón꞉ha tahaháwine ne atkaronhniátsera rononháke nonkwé꞉okon, “Kwáh totʼnikónhak; thontashatsanónhnek.” Ne raronhiakeró꞉non ó꞉nenh thóh shières tsi tsetethákwas tkaswenhkarakwenhtaron ne Araunah ne Jebusite nónwe.

2 Kings 13:23

ók kíʼ ne Roiá꞉ner kwáh í꞉ken tsi thorihwaʼiérikwe tánon shakoténhrakwe. Iáh tesahkorihwáʼwi nahonwanáthonte, ók kíʼ washakorihwáʼwase tsioríhwa tsi ronaʼtsanerenhserónhni ne Abraham, Isaac, tánon ne Jacob. Kwáh kíʼ iáh nonwénton teshakoiatanikonrénhʼen ne rahonkweʼtashón꞉as.

Psalms 105:8

Tiókonte ne réhiare ne raoterihwaʼseronhniátshera, né nowenhnasónhas ne rótston tsi nisakorahratsténhni ne tewenhniawehetsherásen nío꞉re iatehiotereserá꞉ne,

Psalms 135:14

Asèken ne Roiá꞉ner entesakóne ne rahonkwetaʼshón꞉has, tánon ensakó꞉thenre ne raonhatserashón꞉has.

Psalms 136:23

Kwáh seh rahónha ne iáh tesonhkwahiatanikonhrénhen nó꞉nenh sihionkhisénhnion; asèken ne iorihwatóken raonoronhkwáhtshera tsi nénhwe enkátake;

Psalms 51:1

Takiténhrat Ó Sewenní꞉io, né tsioianénhaf ne iorihwaʼtó꞉ken sanoronkwátshera; né tsioianénhaf tsi niʼiawetowánen í꞉ken ne sanitenhrá꞉tshera sasehrón꞉ko nakerihwanerahát꞉tshera.

Psalms 69:16

Teskerihwaʼserákwas, Ó Saiá꞉ner, asèken ne sanoronhkwáhtshera ne iorihwaʼtóken tsi nihioiánere; ne tioianénhaf tsi niʼiawetowáʼnen ne senhténhrat, takwatkátho.

Psalms 90:13

Tohʼnikaríhwes, Saiá꞉ner, tsi ensanakwenhénhake? Sashatátiene, tánon takwénhtenr í꞉ih ne sanhatsheraókons í꞉ken!

Exodus 32:14

Káti ne Roiá꞉ner tonhsahoteriwaténien tánon iáh tetʼthó꞉ha ne kariwaieshátshera tsi nihaterónhkwahkwe.

Isaiah 63:7

Kwáh enskatʼró꞉ri tsi niʼkanoronhkwahtsenhrénhaʼwe ne raoʼhioténhseras ne Roiá꞉ner, tehiotonhontsóhon ne tahiontenonweráton tsi nihó꞉ienhre ne Roiá꞉ner, tsioríh꞉wa né norihwaʼkwékon nètho Roiá꞉ner tsi nishonʼkwahtiéraʼse, tánon né teiotenonʼianíton wahatenóronste tsi kanónshoʼte ne Israerʼronónke né tsi nisakonatón꞉ni né tsoianénha né raoʼtaniténhrat, né tsoianénha né iaʼwetatsáni né iorihwatóken raonoronkwáhtshera.

Jeremiah 18:8

ók ethonʼne nonhkweshón꞉ʼa tonshahiontkaratéhni tsi nihiakonhkwetahétken, kwáh iáh ethohʼthatiéren tsi niwáhken.

Lamentations 3:32

Thokanónwa kanikonrakséntshera enteshóntion, nók kíʼ ne raononronkwáhtshera kwáh nen:ne ioriwí꞉io ó꞉ni kasáste.

Ezekiel 16:60

Ók kíʼ entkwénienste ne ateriwahsehronhniátshera ne wák꞉son tsi natetiátere ne꞉ne shithiʼshahiónha, tánon enkónhni nateriwahsehronhniátshera tsi natetiátere ne꞉ne tsi nénhwe enkáthake.

Hosea 11:8

Onh ní꞉ioht tsi akonhiatsakwaríhsi, Ephraim? Onh ní꞉ioht tsi iakonhiát꞉kawe O Israel? Onh ní꞉ioht tsi thóh nakonhión꞉ni tsi ní꞉ioht ne Admah? Onh ní꞉ioht tsi thóh nakonhiatsérase tsi ní꞉ioht ne Zeboiim? Nakwé꞉ri tehiowishónkwa nakonhà꞉ke; nakenoronhkwáhtshera tsotarí꞉hens tánon ionétskas.

Leviticus 26:45

Kwáh á꞉se enskónhni naʼterihwasehronhniátshera tsi niwát꞉son rononháke ne sakotisotʼthonkonhkénʼens nó꞉nen nonhontsakwékon shaʼkhenatónhas nakeshastsʼténshera tsi thonthakhehiatínekenhwe ne Egypt, né nahónton tsi, Í꞉i, ne Watiá꞉ner, nonhtiérenk Raotiní꞉io akénhake.”

Amos 7:3

Ne Roiá꞉ner tonshahoteriwahthénien né꞉ne aorihwà꞉ke tánon wahèn꞉ron, “Tsi nahó꞉ten wahsatʼkátho iáh é꞉tho tahiá꞉wenhne.”

Amos 7:6

Ne Roiá꞉ner shé꞉kon tonshahoteriwathénien tánon wahèn꞉ron, “Iáh nonhné꞉e kí꞉ken é꞉tho tahiá꞉wenhne.”

Deuteronomy 32:36

Ne Roiá꞉ner kwáh ki tensakohiatorete ne rahonkweʼtashón꞉as, kwáh ki enshakoténhre tsi nihiá꞉kon ne ronhwahiò꞉tenhse, nó꞉nen enhatkátho ne rahotishatsténhsera tsi iehiotsaháton, nó꞉nen enhatkátho tsi iáh othé꞉nen tehatístha.

Judges 10:16

Sók kíʼ é꞉ren shahatihawithánion ne rahotihiatonhnisónhas tánon wahonwasénhnaien ne Roiá꞉ner; tánon waʼtathatenikonhráhren tsi nòkwah ne nʼIsraerʼró꞉nons rahotironhiakénsera.

Judges 2:18

Kát꞉ke ne Roiá꞉ner nashakahonkwéton nʼIsraerʼró꞉nons nahonwatihéntenhse, ne Roiá꞉ner enhosniénon nètho shakohéntenhse tánon enshakonónsthate nonhkweshón꞉as tsi nòkwah ne tehontátʼtsons kwáh kíʼ tsi nikaríhwes enhrónhnheke nètho shakohéntenhse. Né Roiá꞉ner kwáh ensakoténhre tsioríhwa tsi nihononhsèhna ne rahothironhiakensehrákon ó꞉ni tsi nihotiwísens.