Psalms 105:44 - Ohiatonhseratokénti

⁴⁴ Né waʼsakahonhtsawí꞉hon nakorénshons raononhontsashón꞉has, tánon né waʼhatiʼientʼwakwenháton nakorénhshons rotiʼientʼthó꞉serons,

Psalms 105:44 ပူးပေါင်းရင်းမြစ်များ

2 Kings 17:37

Kwáh kíʼ tiókonte tsi ensewatewénhnarakwe ne kaianerénhseras tánon ne karihwatátʼtseras né kwahʼhiatónhni. Kwáh kíʼ iáh tehiówenk naietʼtsiwénhnarakwe nó꞉ia niʼiohokónhas,

Psalms 78:55

Waʼsakohiatínekenhwe nonkweshónha né nón꞉we nihatiterónhtaʼkwe nó꞉hen thóh shahónhne; waʼtesakohiakónhase nonhóntsa nahontsénawasʼte tánon thóh nón꞉we nasakóteron Israerʼró꞉nons ne tsi rotinonshó꞉tonkwe ne nón꞉we nihatiʼterónhtaʼkwe.

Psalms 80:8

Egypt niteskwahiaténha kwáh shí꞉ken né꞉ne waʼtenenharíhsehres nihiakwaiató꞉ten; waʼsehiatékwahte ne tihononhontsátes tánon thóh nón꞉we nonsaskwénhteron ne rahononhontsákes.

Jeremiah 32:23

Ók shonsahónneʼwe ne kénʼen ionhontsiáien ó꞉ni wahontsiénawasʼthe, iáh tehonatewenhnahráhkwen tsi nisehró꞉ri tó꞉ka ó꞉ni thóh ní꞉ioht tsi ahonnónhnheʼke tsi nisehrihonniénni; kwáh iáh othènen etʼtehothiʼiéren tsi nisehríhonte. Tánon káti tahshá꞉we akwékon kí꞉ken kakahronniátshera ne ronónhake.

Joshua 11:23

Ne Joshua kwáh ohontsakwé꞉kon wahatié꞉nawatste, tsi ki nihoró꞉ri ne Roiá꞉ner ne Mahís. Ne Joshua Israerʼró꞉nons thasaká꞉wen nahonawenhkónhweke tánon tenkahiakhónhnionke, énska ne sohthitioiókwah enhatiienà꞉seron. Káti nonhkweshón꞉as wahonorihsénhthane tsi waterí꞉io.

Joshua 21:43

Káti ne Roiá꞉ner thashaká꞉wen Nisraerʼró꞉nons akwé꞉kon nohóntsas ne kwáh rorihwanirá꞉ton tsi shakorahratstén꞉ni ne sakotisoʼthonkonhkén꞉en tsi enteshaká꞉wen. Ne nó꞉nen shihonatiaʼthakwehniióstons, thóh nón꞉we nahontená꞉taien.

Joshua 23:4

Tkwá꞉wi ne senhwenhtióhkwas akwé꞉kon ne tsi ionhontsá꞉iens né꞉ne Jordan Kaniatarathátie tiothásawe né꞉ne nà꞉kon nòkwah ne Mediterranean Kaniatarakeʼkowáhne né꞉ne tsi iaʼtewatséntos nòkwah. Tkwawí꞉hon akwé꞉kon nohóntsas ne ratikwé꞉kon né꞉tho nonhkweshón꞉a iethisénhnion, tánon ó꞉ni nonhóntsas né꞉tho nonhkweshón꞉as naré꞉kho teieʼthisénhnion.

Joshua 24:13

Thakwahion nohontsa ne iáh nonhwénhton thènen thóh tesewahiotenhen ó꞉ni ne kanató꞉wanens ne iáh nonhwénhton i꞉se tesewatenatonhni. Tánon ónenh é꞉tho nónhwe nisehwanakere sehwanenharakons né꞉ne iáh i꞉se tesewahietʼthon, tánon ne iakeniewátha karonhthasonhas iáh i꞉se tesewaronhthaietʼthon.’

Joshua 24:8

Ethòne thóh nónhwe niakwahiatenhawe rahó꞉nonhontsakes ne Amorʼró꞉nons, né꞉ne nàkon nòkwah ratinakeré꞉kwe ne Jordan. Wesehwateriio, ók thakwahion natesenhnietshera tsi wahéʼtsisenhni. Wesehwatienawasthe ne rahó꞉nonhontsa, tánon wakhehiathonthe tsi niahisewe.

Joshua 5:11

Nó꞉ia sahiorénhne ne thontié꞉renhte wahónhneke ne kákhwa ne Canaan nónhwe nihiothonhníhon: né꞉ne kanatsakeríton tánon né꞉ne watenatharónhni ne iáh thaʼtekaiéston ne ionttenhkwátha.