Psalms 105:16 - Ohiatonhseratokénti

¹⁶ Nó꞉nen shontahaténieʼte natonkarhiákon ne tsi ionwenhtsáte, akwékon waʼhahiá꞉ke tsi nihotiʼientʼthó꞉seron nonátsia,

Psalms 105:16 ပူးပေါင်းရင်းမြစ်များ

Genesis 41:54

tánon ó꞉nen tontáhsawen ne tsá꞉tak niiohserá꞉ke nikarí꞉wes naiontonhkáriake, kwáh katíʼ tsi nithá꞉wen ne Só꞉se. Kwáh ó꞉ni tsi niaʼtekanakerahserá꞉ke tsi wahontonhkariá꞉khon, ók ne tsi niwatonhontsá꞉ien ne Egypt tsi rotikhwaièn꞉tahkwe nenʼ ne ʼeh.

Genesis 47:13

Nón꞉wa kwáh iáh oh thé꞉nen tekakhwaièn꞉tahkwe nonhontsakwé꞉kon, aseʼkénh natonhkariá꞉kon tsi naʼteiotenonhianíhton. Tetsá꞉ron ne tsi ionhontsá꞉ien ne Egypt tánon tsi ionhontsá꞉ien ne Canaan nonkwehshón꞉ʼa iakoʼnikonhráhtonhskwe ne natonhkariá꞉kon tkarihón꞉nihskwe.

Genesis 47:19

Nontiéren tsi kthaʼtehská꞉nere thóh aiakwénheie, nonkwátiaʼkeʼs tánon nontionhóntsa? Takwaiaʼtahninónnion tánon nontionhontsaʼshón꞉ʼa ne taiakwatatawístahkwe ne kákhwa. Iakwakwé꞉kon tánon nontionhontsaʼshón꞉ʼa iakwanáhskwa eniakwá꞉ton raonhá꞉ke ne Pharaoh; nek khók táhstion ne kanenhaʼshón꞉ʼa, ne katiʼ naón꞉ton aiationhnheke tánon tóhsa aiakwènheie, tánon nétho ohóntsa tóhsa aionhontsaiéhsha.”

2 Kings 8:1

Ó꞉nen ne Elisha raró꞉ri ne iónkwe ne Shunem nón꞉we nikanákerekwe, né naón꞉ha roʼiénha tsi sahonnhéton, nètho Roiá꞉ner tsi thaʼtenietháʼne natonkariá꞉kon ne tsi ionwénhtsaien, né꞉ne tsáta niʼioseráke nikaríhwes tsi enwatenatseranó꞉ronhne, tánon kíʼ tehiotonhontsóhon niaiakoiaténhawe nahowátsire tánon ákte nón꞉we niahonsahonhnákerate.

Psalms 104:15

tánon onenharatasehontsherákeri enhontʼnekónhni né nenhné꞉e nahontsenhnonniátaʼkwe iakeniehwáhtha kénhie enhonthatókaʼwe ne ratikonhsáke ne nenhné꞉e nahontkatotsherihióhake, tánon kákhwa né꞉ne tsakosasthenhseráwis.

Isaiah 3:1

Asèken Nón꞉wa ne Ronontí꞉io ne Sakoiá꞉ner, ne ronterí꞉ios ratironhiakeró꞉nons, Seshakokwenhátie ne Jerusalem ó꞉ni ne Judah tsi nihonwatisnié꞉nons tánon ne kentsiókwas— akwé꞉kon tsi nihatiʼieniahésen ne kanátaro, tánon akwé꞉kon tsi nihatiniahésen nonékanos—

Ezekiel 4:16

Tánon iaháieste, “Rónhkwe iaiénha, Enkhéhiakske ne kanáhtaro ne Jerusalemró꞉nons. Nonhkweshón꞉ʼa né nónhwe tenhonnikonhráhren tánon rotinikonhrahronhiáken tsi nihonathatiénhni ne kákhwa tsi nihónneks tánon tsi nihatinekírah nonèkanos.

Leviticus 26:26

Kwáh entkhonkwí꞉iakʼse, nèkati noiéri nikónhti énskak khók iontenatharonhtákwa entsotiʼiéntake nakwékon akonhtenatarónhten tsi naʼtahionatonhontsóniʼke. Kwáh tenkonhtenónhianiʼte, tánon nó꞉nen akwékon sewanatará꞉kon, shé꞉kon kíʼ ensewatonhkarhiáseʼke.

Amos 3:6

Rontatístha kenh ne iehonrawátstha ne kanatowanén꞉ke, tánon nonkwehó꞉konʼs iáh thaiakóhteronʼne? Ne karihwaiesáhtshera kaièn꞉tas kenh ne tsi kanatowanén꞉ke, nek khok tó꞉kaʼ ne Roiá꞉ner thóh nenháhsa?

Haggai 2:17

Kwáh wakonhkarón꞉ni tánon akwé꞉kon ne saienʼthó꞉tsheras ó꞉ni tsi nisahiothenʼen ne iakaténiehte ne kwáh ioweraʼtaríhen tánon takakher꞉fonten ó꞉ni wahonenʼón꞉ti; nek kík sá꞉ka iáh thetsisatatrewáton, rá꞉ton ne Roiá꞉ner.

Acts 7:11

Ehʼthóhʼne wahonthonkariák꞉kon ne Egypt ó꞉ni ne Canaan, kwáh íken tsi iakotiokowánen waheronʼiáken. Nonkwasotʼtseraʼokonkén꞉en iáh tewátonsʼkwe nahatikwatsénri,

Revelation 6:8

Watkatkathónhnionwe tánon thóh í꞉rate rotashó꞉kwen koshá꞉tens! Ne ró꞉she né꞉ne ronwá꞉iats kenhé꞉iat norenis, tánon tsi tiohontsá꞉ien ne kenhé꞉ion rononterátie thonwaná꞉wi nahontiaʼtakwehní꞉ioste énska enkár ne tsi ionwenhtsá꞉te, ne nashakotinonhwariaʼkonhnion asareʼkó꞉wa aónste, ashakononkarhiát꞉te, ó꞉ni kannratarinhétshera, ó꞉ni né꞉ne kontí꞉rios kontiʼtshé꞉nens ashakonásten ne tsi ionwenhtsá꞉te.