Psalms 105:13 - Ohiatonhseratokénti

¹³ rotinatenháwisʼkwe tsi ienakeré꞉nion nonkweshón꞉ha, tehotiʼnakerasehrawénhron tsi ratinakeréron nonkweshón꞉has,

Psalms 105:13 ပူးပေါင်းရင်းမြစ်များ

Genesis 12:10

Ó꞉nen kíʼ waʼontonhkariá꞉khon ne tsi ionhwentsá꞉ien. Ká꞉ti ne Abram Egypt niahá꞉re, iáh kíʼ tekarí꞉weʼs tho tshiahré꞉sheke, aseʼkénh natonhkariá꞉kon kwáh í꞉ken tsi teiotenonhianíhton né nón꞉we niiohontsá꞉ien.

Genesis 12:9

Eʼthó꞉ne ó꞉nen né Abram wahonatenʼawíhson, shé꞉kon kíʼ Negeb nón꞉we iaʼthaʼoienhátie.

Psalms 56:8

Sateriéntare tsi natewakanikónhrahre; sateweientónhnion tsi nisatá꞉rion natkaséris ne kattshétakon. Iáh kén tesahiatónhnion ne sahiatonhserákon?

Exodus 1:11

Káti ne Egyptró꞉nons né꞉ne ratiʼniakátstes waʼhonwaʼtiriʼhónten ne tashakoʼtishatsʼtenserhiàʼke Né꞉ne iohiotensehrahníron tsi ashaʼkotiʼiótensthe. Ne lsraeró꞉nonhs wahatiʼnahtonhniánion né꞉ne Pithom ó꞉ni ne Rameses né꞉ne tsi nónhwe nenhateweienthónsehke tsi nahoténsons tahothonwenhtsóniʼke ne Ronhnonhtí꞉io.

Zechariah 2:8

Nónhka akénhake nahieshakahré꞉wahte wahekahré꞉wahte tsi nahò꞉ten ne kwáh kanó꞉ron nakerihwà꞉ke.” Káti ne Roiá꞉ner Roshatstenhserowá꞉nen tahakahthéniete nahontatʼkháwe kí꞉ken aterihwahnhothátshera ne rahothirihwà꞉ke tsi nihá꞉ti ne shakothinénhskwen ne rahonkweʼtashón꞉a: