Psalms 105:1 - Ohiatonhseratokénti

¹ Ó tetsisewaʼnonweráton ne Roiá꞉ner, tsi sewaʼsénhnaien, ietʼtsirorhiánion nonhkweshón꞉ha ne raoioténhseras.

Psalms 105:1 ပူးပေါင်းရင်းမြစ်များ

1 Chronicles 16:34

Ó tetsisewaʼnonweráton ne Roiá꞉ner, asèken thorihwaʼiéri; ne iorihwaʼtóken raonoronhkwáhtshera kwáh tsi nénhwe enkénhake!

1 Chronicles 25:3

Né iá-iak niháti ne Jeduthun rahonekenteronhtsheraʼsónhas: né꞉ne Gedaliah, Zeri, Jeshaiah, Shimei, Hashabiah, tánon ne Mattithiah. Né꞉ne ronhwaníha ensakohéntenhse né ronatróri ne Rawenni꞉io raoterihwanothátshera, né enhonwatiʼiénawaʼse ne ionhterenhnothakwahsónhas nonowakówas, tánon tenhatirihwakwáhnion ne kanonwerathóntsheras ó꞉ni tenhonwanonweráton ne Roiá꞉ner.

1 Chronicles 29:13

Ó꞉nenh kíʼ OnhkwahʼNí꞉io, tekwahnonwerátons, tánon teiakwahtenonhwerátons tsi nishasenhnaneráhkwat.

1 Chronicles 29:20

Ethó꞉ne ne Táwit washakothárahse nonkweʼshón꞉as, “Tetsisewanonweráton ne Roiá꞉ner Sewaní꞉io í꞉ken!” Tánon kíʼ kwáh kanenhrahkwé꞉kon ne iakotsataró꞉ron watonhwanonweráhton ne Roiá꞉ner, né Sakoní꞉ioʼkwe ne sakotisotʼtonhkonhkénʼen, tánon kwáh ehtáke tsi wathontʼtsákete tánon tahónhion ne kakwenienstátshera ne Roiá꞉ner ó꞉ni ne ronnontí꞉io.

Psalms 106:1

Tehonwaʼnonweráton ne Roiá꞉ner! Ó tetsisewaʼnonwerá꞉ton ne Roiá꞉ner, asèken ne tsi nithorihwaʼiéri; asèken ne iorihwaʼthó꞉ken raononronhkwáhtshera tsi nénhwe enkátake.

Psalms 89:1

Kwáh thenkeríhwaʼkwe né tsi niwatróris tsi ní꞉ioht tsi tiókonte sehnorón꞉kwah ne shonkwetaʼshónhas; sénha kíʼ isiʼnónhwe níken; Kwáh tsi nénhwe enkatroríheʼke tsi nisarihwaʼtó꞉ken tsi nòkwah ne shonkwetaʼshónhas.

Psalms 96:3

Ietsiró꞉ri ne raoʼiataʼnerakwáhtshera nonkweʼshón꞉as, tsi nihiorihwaʼnerá꞉kwas ne raoʼioténhseras nonkwetaʼkwé꞉kon akorihwá꞉ke.

Psalms 99:6

Ne Mahís tánon ne Aaron ronónha ó꞉ni ne rahonkwetaʼkénʼen kènʼne thóh nihiatarákwen raotitsiókwahkon ne rothikháres, Samuel ó꞉ni thóh raosénhnakon ne Roiá꞉ner nón꞉we nihaterénhnaiensʼkwe. Ienhonwaʼnáton ne Roiá꞉ner, tánon thensakorihwaʼserákwahse.

Isaiah 12:4

Tánon enhshí꞉ron né thóh entewenhniseráteke: Tetsenonweráhton ne Roiá꞉ner, iasená꞉ton ne raosénhna; sènest ne raohioténhsehras tsi nòkwah ne iakahontsakeró꞉nons; sehrihówanat ne raosénhna tsi natekarénhsaron.

Isaiah 51:10

Í꞉se ken ne watsʼtátʼthate ne kaniatarakhekó꞉wane, né꞉ne iohnotésonhne; í꞉se wasatʼthahónhni thóh nón꞉we tsi nihionótes ne kaniatarakheʼkówane né꞉ne tiontatheniaʼkénton thóh nón꞉we natahatihiáiaʼke.

Daniel 3:29

“Ó꞉nen kiʼ nón꞉wa entianerenhserón꞉ni ne kwáh tsik naienekwenhsoténhake, naionhsohkoténhake, tsi naiewennoʼténhake ne oʼthé꞉nen ahonwahsénhten ne Raotiʼní꞉io ne Shadrach, Meshach, tánon Abednego, enhonwaiaʼtaratsón꞉ko kwáh tsi niió꞉re thostiéntare, ó꞉ni entkení꞉kwekte ne tsi ronóhnsote aiotstohkó꞉take tsi ní꞉ioht tsi takahríhton. Iáh teká꞉ien ne akó꞉ren akenhá꞉ke ne Rawenni꞉io ne ahakwé꞉ni ne éhthoh ní꞉ioht tsi aonsahshakoʼniá꞉kenhte.”

Joel 2:32

Eʼthò꞉ne tsi nihiá꞉kon nenhienáton ne raoshén꞉na ne Roiá꞉ner kwáh kí enhionthatenónsthate; asè꞉ken ne tsi Iononte ne Zion tánon ne Jerusalem kwáh thóh nón꞉we nenhieniá꞉kenhne, tsi kí ninihá꞉wen ne Roiá꞉ner, tánon thóh nón꞉we tsi nihiá꞉kon ne iateiakotathénhron né꞉ne ronónha ne Roiá꞉ner sakoiatará꞉kwen.

Numbers 23:23

Iáh othènen ne iótkon akénhake, iáh thahóten tekáien natenhennaráhtshera akénhake, Né꞉ne ahónsthonke tsi ratiʼtiókwahien Isarerʼró꞉nons Nónhwa tsi nenhiaiéron nonhkweshón꞉ʼas tsi nòkwah Israerʼró꞉nons, ‘Sewatʼkátho tsi nihoiéren ne Rawenni꞉io!’

Acts 9:14

Tánon Damascus nontáre tsi nithoʼsastenseráwi ne ratsihenstakweʼní꞉io nasakoiéna tsi niʼiákon ne iesasén꞉naien.”

Romans 10:13

Tsi niwáton nhowenʼnatokénti, “Nónka ienhonwanáton ne Roiá꞉ner nenhonwaniáhese kwáh entieniákenʼne.”

1 Corinthians 1:2

Ne thonwetákwen ne Rawenni꞉io thóh nónwe ne Corinth, tsi nihiákon ieiontatenáton ne Rawenni꞉io raotiokwahtokénti akénhake, tsi rahónha rahonkwetaʼshónha ne tsi tehonaterihwahshóntere ne Kerístos Ié꞉sos, rahtikwékon ne kwáh tsik nonwéson ne ronwahsénnaiens ne Ié꞉sos Kerístos, rahónha ne Shakoiáner ó꞉ni nonkwáhtiakes;