Psalms 104:31 - Ohiatonhseratokénti

³¹ Waʼkaterénhnaien ne raohiatanerakwáhtshera ne Roiá꞉ner, iataiókʼten né꞉ne tsi nénhwe enkénhake; waʼkaterénhnaien ne Roiá꞉ner ahontsenhnonníhake tsi nahoténhsons rosahá꞉nion

Psalms 104:31 ပူးပေါင်းရင်းမြစ်များ

Genesis 1:31

Rawenni꞉io wahatkáhtho orihwakwé꞉kon ne rohsaʼánion, tánon kwáh í꞉ken tsi ioiánere. Tánon tho iaʼókarahwe tánon iaʼóhrenʼne, né꞉ne iaiákhaton niwenhniserakéhaton.

Psalms 102:16

Nó꞉nenh ne Roiá꞉ner enshatehnatónhni ne Zion nón꞉we; kwáh raoiatanerakwahtsherákon tsi enhathotáshion.

Exodus 31:17

Ienhiokonhtákwen tsi enwenésthonke tsi natehiakwáhtere nonhkweshón꞉ʼas nIsraerʼró꞉nonhke tánon Ní꞉i, tsioríwa tsi Í꞉i, ne Watiá꞉ner, wákson ne tsi karonhiáte ó꞉ni tsi ionhwenhtsáte né iáh-iak nónhta, tánon ne tsatákhaton shiʼwenhniserakéhaton watékʼtahne tsi watióte tánon wakenhniseraiérite.”

Isaiah 62:5

Asèken kwáh tsi ní꞉ioht ne kentiʼthohiónha rónkwe wahatateniát꞉then ne kén nitsohiónha iónkwe, né kí nón꞉neʼe ó꞉ni ne iesanonsonhniénhnis wesewaniáke, tánon tsi ní꞉ioht né roniákon rotonnáhere ahonhàke ne rotiʼniá꞉kon, káti né Rawenni꞉io enhiaʼtonhnahéraʼse nonníse.

Jeremiah 32:41

Kwáh akatʼtsennionniatseráhkon tsi nenhkhehiatsiérahse ne iohiáneres, tánon kwáh iehiokonhtákwen tsi enkhétheron ne kén nónhwe nihionhóntsaien.

Zephaniah 3:17

Né Roiá꞉ner sah Ní꞉io sewanenrí꞉hen í꞉res; roshatstenhserowá꞉nen tánon énthion natesenhniétshera; kwáh shonhà꞉ke nón꞉we nenhatonhnáren, kwáh atsenhnonhniatsherá꞉kon tsi á꞉se enshiónhni ne raonoronhkwahtsherá꞉kon, tenhohénrehte tsi nihotsenhnón꞉ni ne shonhà꞉ke tsi natehorihwákwen,

Romans 11:36

Asèken oriwakwékon Raónha Rawenni꞉io róhson, ó꞉ni akwékon Raónha roteriwahtentsiáton tánon kwáh hiatehaʼiáti. Ahonwasénʼnaien ne Rawenni꞉io ne tsi nihohiatanerákwat tsi nénwe! Éhʼthoʼnaiáwenʼne.

Galatians 1:5

Tetsitewanonweráton ne Ní꞉io tsi nienhénwe ó꞉ni tsi nénwe! Ehʼthoʼnaiáwenne.

Ephesians 3:21

Rawenni꞉io ne kahiatanerakwátsera tsi kentiókwaien ne hiakoriwiʼióstons ó꞉ni rahonháke ne Kerístos Ié꞉sos kwáh tiókonte enkénhake, tsi nénwe ó꞉ni tsi nienhénwe. Ethonaiawenhne.

2 Timothy 4:18

Tánon kíʼ ne Roiá꞉ner kwáh ensakeniákenthe kwáh oriwahkwékon ne kariwáksen ó꞉ni kwáh skenènʼtsi tsi ienhatiaténhawe ne Rahonakeraserákon ne karonhiáke. Rahónha ne kahiathanerakwátsera tsi iénhenwe ó꞉ni tsi nénwe! Éhʼtho nenʼiáwenʼne.

1 Tiér 5:11

Rahónha ne kasatsʼténsera tsi nénwe! Éhʼtho naiáwen꞉ne.

2 Tiér 3:18

Nók iasewatasónteren sewatehiáron thóh nónwe ne rahotenretserákon ó꞉ni ne rahotʼthokhatserákon ne Sonkwaiáner ó꞉ni Sonkwaiatákwen Ié꞉sos Kerístos. Rahónha ne kahiatanerakwátsera, nónwa ó꞉ni tsi nénwe! Éhʼtho naiáwenʼne.