Psalms 104:3 - Ohiatonhseratokénti

³ waʼtesehrontawenhrahnion ne tsi sanón꞉shote tsi nón꞉we nihiokenhnó꞉res ne tsi iotsikeraʼrónhnions, ne tsi iotsatarónh꞉nions otsiónkwah waʼsatesehretónhniaʼte, ne tsi iahóte né wesahiathénhaʼwe,

Psalms 104:3 ပူးပေါင်းရင်းမြစ်များ

2 Samuel 22:11

Ne wahosáten Cherub, tánon wathá꞉ten; ronhwáken neh roʼhá꞉wi tsi iowerá꞉re.

Psalms 139:9

Tó꞉ka thóh nónh꞉we iatátʼthen ne kwáh ahínon ít꞉ken ne tsitkarakwínekens nòkwah niáke khés ne thóh nónhwe iakathatíteron ne kwáh ahínon i꞉tken ne kaniatarakhekówa,

Psalms 148:4

Tetsisewanonweráton, í꞉se ne kwáh éhʼnekens karonhiátes, tánon ní꞉se onekasónhas ne éhʼneken sewatohetstákwen ne tsi karonhiátes!

Isaiah 19:1

Nateriwanoʼtátshera ne aorihwàke Egypt. Satkátho, ne Roiá꞉ner ne rohonwí꞉sere ne tehiotsaʼtáka tánon wáhraʼwe ne Egypt nón꞉we; nahohiatonhniʼsónhas ne Egypt kwáh thenhiowí꞉shonkwe ne rahohénton, tánon ne raonerhiaʼnéshon ne Egyptró꞉nons kwáh enhotiʼwistanáwenhse ronhnonháke.

Amos 9:6

raónha rotatenatonhniénhni ne karonhiá꞉ke, tánon róson ne iononwaró꞉ron ne tsi iohontsá꞉te; raónha iehanekákwas ne kaniatarakeʼkowáne, tánon thóh eʼneken tanekawérons ne tsi ionhontsá꞉te— né raosénhna né꞉ne Roiá꞉ner.

Nahum 1:3

Ne Roiá꞉ner roiaʼtakenhé꞉ion nahonáhkwen ók roshatstenhserowá꞉nen, tánon ne Roiá꞉ner kwáh iáh ne thakarihón꞉ni nasakoiatothároh iakoní꞉kon. Tsi nihaweienó꞉ten thóh nón꞉we niká꞉ien tsi niwatsiskaionhniá꞉tha tánon tsi natekawé꞉ratases, tánon tsi nihiotsatarónhnions ne ne tsi niioienkwárote ne rashí꞉take.

Matthew 26:64

Tontahenron ne Iesos; akȣa tasierite; kenh nii kaien enkonrori, tsi onȣa enȣatasaȣen entsiseȣaken nʼOnkȣe Roienha, enhataȣeiate enhanistskȣaren oni tsi raȣeientetakon roosastenserakon ne Niio, nok otsikerakesson tsi Tkaronhiate tenthaientakȣe.

Deuteronomy 33:26

Tsónhkwe ne Israerʼró꞉nonhke sewanákere, iáh nó꞉ia ne ní꞉io teká꞉ien ne thóh nahahiatoténhake tsi ní꞉ioht ne sewaNí꞉io, kwáh iorá꞉se tsi ní꞉ioht tsi rohonwí꞉seres ne tsi karonhiá꞉te, tsi iotsikerarón꞉nions nón꞉we nenhthonhonwí꞉sere nahonthahiaiathakenásera.

Revelation 1:7

Satkáto! Tahawenonhátie thóh otsikerakéhsons; kwáh niatekaká꞉rake tsi enhonwá꞉ken, iekaní꞉hare tsi nihá꞉ti ne ronwaháson; tánon raónha enharihón꞉ni akwé꞉kon ne iená꞉kere tsi ionwenhtsá꞉te kwáh enwaktsithó꞉ko. Káti kwáh thóh nenhiá꞉wenhne.