Psalms 104:2 - Ohiatonhseratokénti

² ne tesatʼwahwenhétʼthon ne kaswatʼthétsera tsi ní꞉ioht natʼtserónhnia akénhake. Waʼtestakwáhrihte ne tsi karonhiátes tsi ní꞉ioht natóhsehra,

Psalms 104:2 ပူးပေါင်းရင်းမြစ်များ

Job Tánon ne Raoronhiakensera 36:30

Satkátho, tehareniátha ne tewaninekarawánions rahiataʼtónhtie tánon raró꞉roks ne kaniatarakeʼkowáhne kanonwákons.

Job Tánon ne Raoronhiakensera 9:8

ónhka iatehahiátit khók tehotakwahríhton ne tsi karonhiá꞉te tánon waharatatséshon ne tsi ionontakwahronhtón꞉nions ne kaniatarakeʼkowáhne;

Isaiah 40:22

Kwáh séh rahónha ne thóh rénskote ne tsi tehiotwenón꞉ni ne tsi ionwenhtsàte, tánon né thóh ienákere ne teshontiérens ne tsistáraʼre; rahónha ne tehatakwahríhtha ne tsi karonhiáte tsi ní꞉ioht ne ioharénhton, tánon tehatakwahríhtha tsi ní꞉ioht natóhsehra ne thóh ahieterónhtake;

Isaiah 45:12

I꞉i wakonhontsíshon, tánon kehiatíson nonkweʼshónhas thóh khéteron; né꞉ne katsanákes tehiotakwahríhton ne tsi karonhiátes, tánon I꞉i kheriwáwi ratikwé꞉kon ne ratironhiakeró꞉nons.

Daniel 7:9

Tsi náhe tekkà꞉nere, ne ontanitskwahraʼtsherotónnion ne wanitskwahraʼtsheranó꞉rons. Raónha tsi niká꞉ien ne shironnheʼón꞉we ó꞉ni tsi nén꞉we enhrónnheke, sewanitskwahràhtsera tsi nón꞉we nahá꞉tien. Né raoʼtsherónnia eʼtho nikarà꞉ken tsi ní꞉ioht ne ó꞉niehte, tánon ne raonónhkwis ne shá꞉ka tsi ní꞉ioht ne aʼóskon ononwéhron. Ne raonitskwà꞉ra, ne iokahkwenʼtontáhkwen né ótsire, kwáh kenʼtonhkowá꞉nen tsi iotéʼkha.

Habakkuk 3:4

Tsi néntʼre, thóh nateoswátʼte tsi ní꞉ioht ne tahonhninekárahwe; tewaʼnitonkwarítʼkons tkaiá꞉kens ne ratsá꞉nake, thóh nón꞉we nihoséhton ne raoshatsténhsera.

Zechariah 12:1

Ne kí꞉ken nateriwanhothá꞉tshera tsi nokwáh ne Israel Roiá꞉ner nón꞉we nitsawé꞉nonh, ne Roiá꞉ner raónha tehotakwahrí꞉ton ne tsi karonhiá꞉te, róshon nonhwénhtsa, tánon teshakó꞉wi natónhnhets nonhkweshón꞉ʼa. Rá꞉ton,

Matthew 17:2

Nok rahotihenton etho ȣathatteni; eh nahakonsotenne tsiniiot ne karakȣa, nok ne raotseronniat eh nakenrakenne tsiniiot noniete.

1 Timothy 6:16

Kwáh rahonhatsíwa khók ne ronnhehónwe; kaskwatʼthetserákon nónwe nihénteron ne꞉ne iáh ónhka taiekwéni ne aktahaiénthe; Kwáh iáh nonwénton ónhka tehonwáken; tánon iáh ó꞉ni nonwénton tahónton nónka ahonwáken. Rahónha tahonwarénsaron ó꞉ni tsi ionnheʼónwe ne kashatsʼténsera! Éhʼtho naiáwenʼne.

1 Sawátis 1:5

Tsi nihionkwarónken naʼteriwanhothátsera tsi nisonkwaróri ne Roiénha ó꞉ni kén ní꞉ioht tsi rorihowannáton: Rawenni꞉io seh ne kaskwatʼthétsera íken, tánon kwá iáh tahóten ne tahotahiokaráseke ne rahonháke.