Psalms 104:15 - Ohiatonhseratokénti

¹⁵ tánon onenharatasehontsherákeri enhontʼnekónhni né nenhné꞉e nahontsenhnonniátaʼkwe iakeniehwáhtha kénhie enhonthatókaʼwe ne ratikonhsáke ne nenhné꞉e nahontkatotsherihióhake, tánon kákhwa né꞉ne tsakosasthenhseráwis.

Psalms 104:15 ပူးပေါင်းရင်းမြစ်များ

Genesis 18:5

Toh ostón꞉ha tkekhwénhahf, ne naonsesewaʼsháststenʼne, eʼthó꞉ne enwá꞉ton ensewatóhetsteʼ—ne tsi wahskwakwénienhste tsi tésewe tsi wakenónhsote, kwáh kiʼ tenkwahrihwás꞉niese.” Waʼthatirihwaʼserá꞉ko, “Niawenhkó꞉wa eniakwahié꞉na.”

2 Samuel 13:28

Ehʼthóhʼne ne Absalom wasakónhane ne raonhatseraókons, “Sewatenhnikonrá꞉ren nó꞉nenh ne Absalom kwáh í꞉ken wé꞉so tsi ronekíren notsítsa, tánon nó꞉nenh enkwaró꞉ri, ‘tsi sewáient ne Amnon,’ ehʼthóhʼne tsi sewanonwarhiá꞉khon. Tó꞉sa sewatsá꞉nik; iáh kén í꞉i tekwanhá꞉on? Sewanikonratsanihtónhak tánon sewashátstet.”

Psalms 105:16

Nó꞉nen shontahaténieʼte natonkarhiákon ne tsi ionwenhtsáte, akwékon waʼhahiá꞉ke tsi nihotiʼientʼthó꞉seron nonátsia,

Psalms 23:5

Í꞉se waskatekwaratseraʼserón꞉nien, thóh raotihén꞉ton ne iónkshons; í꞉se kénʼie waskenontsistókaʼwe; nakétʼtie teiontʼnekontákwa ontawénhrate.

Psalms 92:10

Ní꞉se thóh naskeshaststenhseró꞉wanaʼte tsi ní꞉ioht ne karakonró꞉non tehonákares; aweiéhnase waskeienhnó꞉kaʼwe.

Proverbs 31:6

Kí꞉ken iohnekahní꞉ron nenʼné꞉ʼe raoná꞉wen ne ronnihé꞉ions tánon rotiʼnikonhráksenʼs.

Proverbs 31:7

Sheríhon nahatihnekí꞉ra naonsahotiʼnikónhrhen tsi rotí꞉ten tánon iáh tehotí꞉ien natonhnhahráhtshera.

Ecclesiastes 10:19

Nensahtekónhni entíson nasatʼtsenhnónhni tánon notsítsa enshanikonhkétsko, ók kíʼ tetsáronh iáh tahónton nahisaiéntahne tó꞉ka iáh tesawísthaien.

Ecclesiastes 8:1

Nek khók ne ronhtenikonhratʼthókhas ronahteriéntare nahó꞉ten kwáh kéntons noriwahsónhas? Tánon iónhnis tsi ronatkonhwarakʼsáhton nahonsónhton.

Ecclesiastes 9:7

Wáhs satatʼthén꞉test—tesatskáhon tánon satonnhárak; snekíra ne sanèka otsiatsa tánon satʼtsenhnonhnihák. Thóh seh nihotenikonhrónhni ne Rawenni꞉io nashé꞉re.

Isaiah 3:1

Asèken Nón꞉wa ne Ronontí꞉io ne Sakoiá꞉ner, ne ronterí꞉ios ratironhiakeró꞉nons, Seshakokwenhátie ne Jerusalem ó꞉ni ne Judah tsi nihonwatisnié꞉nons tánon ne kentsiókwas— akwé꞉kon tsi nihatiʼieniahésen ne kanátaro, tánon akwé꞉kon tsi nihatiniahésen nonékanos—

Isaiah 55:10

Asèken nokenhnoréseras tánon nó꞉niete tsi karonhiáte tewá꞉sens, tánon iáh eʼthohʼnónwe tseskonhnétha tsík eniakotinekánonʼte tsi ionwenhtsáte, né iónhnis nahontaká꞉reke tánon nahontakánio, thóh꞉wis ne kanenhasónhas ne rotsinetarónhtses tánon kanatàroh ne ienátaraks.

Jeremiah 31:12

Kwáh tentʼthónʼne tánon tenhatiʼriwáhkweh naʼthonnharáhtshera ne tsi iononhtáhereh ne Zion tánon ne enhontsennonhniáthaʼkwe tsi nenhkhehiawíhon— enkhenahtsiawíhon óni ne iaʼkenʼiehwáhtha kénhie, enkheʼnaskwahwíhon ne teiotinahkarontónʼa óni ne tionónhskwahrons. Kwáh enthonenhiotónhake tsi enhonahtennisehraʼténionʼke tsi ní꞉ioht ne kwáh konwahtiʼnekanónhten ne kahéthaien; kwáh tsi nahó꞉ten ne tahonahthonwenhtsioníhaʼke kwáh akwékon enhathiʼiéna.

Ezekiel 14:13

“Rónhkwe iaiénha,” wahénron, “Tó꞉ka ne kanakeráhsehra akarihwánerahke tánon iáh tehiorihwahtó꞉ken nakonháke, Iatenhkanenhtsháthaʼte tánon enkhéhiatse tsi ní꞉ioht tsi rothikwahiéntas. Ienkaténieʼthe nahthonkarhiákon tánon enhothinonhwahrhiákhon nonhkweshón꞉ʼa ó꞉ni ne katʼtshénenhs.

Ezekiel 4:16

Tánon iaháieste, “Rónhkwe iaiénha, Enkhéhiakske ne kanáhtaro ne Jerusalemró꞉nons. Nonhkweshón꞉ʼa né nónhwe tenhonnikonhráhren tánon rotinikonhrahronhiáken tsi nihonathatiénhni ne kákhwa tsi nihónneks tánon tsi nihatinekírah nonèkanos.

Ezekiel 5:16

Kwáh éntiake tsi nisakʼkhwaiéntas tánon enkonhionkárhiakʼte. Kwáh ensatʼtó꞉ke tsi nahtenshawehesthánion nathonkarhiákon tsi ní꞉ioht ne iohiothí꞉ie kaiénkwire iewahteniéton nahishawénhtho.

Leviticus 26:26

Kwáh entkhonkwí꞉iakʼse, nèkati noiéri nikónhti énskak khók iontenatharonhtákwa entsotiʼiéntake nakwékon akonhtenatarónhten tsi naʼtahionatonhontsóniʼke. Kwáh tenkonhtenónhianiʼte, tánon nó꞉nen akwékon sewanatará꞉kon, shé꞉kon kíʼ ensewatonhkarhiáseʼke.

Zechariah 10:7

Nisraheró꞉nonhs kwáh thonenhathiʼshátstekes tsi ní꞉ioht ne ronterí꞉ios, ronatʼtsenhnón꞉ni tsi ní꞉ioht ne ónhkak otsí꞉tsa iakonekí꞉ren. Ne iesheshakotiienokónha kwáh enhonnehiá꞉rahke kí꞉ken atesenhnié꞉tshera tánon enhonahthonnharahke tiorì꞉wa tsi nihoié꞉ren ne Roiá꞉ner.

St. Mark 14:23

Ȣahatsetarako nok ȣahaiatateriste, nok iashakaon; nok akȣekon ȣahatinekira.

Luke 7:46

Iah teskoka naȣenhieniiohake; nok naonha neh nakȣa ȣenhienakon ȣakasitokasta.

Ephesians 5:18

Tóhsa sanonwaráthont tsi nasnekíra notsítsia, kwáh nènʼne nek khók nensakarón꞉ni; khék, neh tiatanahnónhak ne kanikonrí꞉io.

Deuteronomy 28:40

Iakenhiewá:tha karonhtaʼshón꞉as enwatón꞉ni ne sonhontsá꞉kes ók iáh ki othé꞉nen tahisaiénhtaʼne ne iakeniewá꞉tha kén꞉ie, tiorì꞉wa ne iakenhiewá꞉tha kahíks tsi enwasénhne.

Deuteronomy 8:3

Tsi nió꞉re tsi waʼtsitionhkarià꞉the, tánon ethò꞉ne kákhwa thatsí꞉tson nahí꞉sewake, né꞉ne kákhwa ne ietsisoʼthonkonhkén꞉en iáh nonhwénton tehoné꞉kon ne tiotierénhton. Ne ki aorí꞉wa thóh nahá꞉iere ne naʼtsisewarihón꞉nien né꞉ne tó꞉sa ki kákhwa kók sewaniahesénhak nahitsónhetste, ók né꞉ne kwáh orihwakwé꞉kon tsi nahoʼténhsons ne Roiá꞉ner ratón꞉nions.

Hebrews 1:9

Sehnorónkwah nahóten ne tkariwahiéri tánon skenrónni nahóten ne iáh tetkariwahiéri. Né ká꞉ti aoríhwa ne Rawenni꞉io, ne Shaʼní꞉io, í꞉se iahiatará꞉kwen nahisanontí꞉ioke tsi ní꞉ioht nón꞉kak akóren rónkwe, tánon sénha wé꞉so thowéron natʼtsenhnonhniátshera ne shonháke sénha tsi ní꞉ioht ne ronátsiakes roʼtinontí꞉ios.”

1 Sawátis 2:20

Nók sewaientáʼon ne Ronikonriʼióston tsi nitotórion ne Kerístos, nekáti aoríwa sewakwékon sewateriéntare noriwiʼioʼónkwe.

Judges 19:5

Né siʼhioronhkené꞉ha ne kaieríhaton siwenhniserakéhaton ohronhkéstsi wahontkétsko tánon wahontateweienénhthaʼne nahonsahonthénhti. Ók ne iakonhwe ronhwaníha wahawénhase ne Leviró꞉non, “Niá꞉rekwe tesaskáhon. Kwáh nènhne enshonnihióhake. Ísiʼnonhwéha thóne shasathénhti.”

Judges 9:13

Ók kíʼ né ratenenharíhsehres waʼtharihwasehráko, ‘Nakwatʼkórasthe, Ónenk kíʼ tsi enkátʼkaʼwe tsi khenónhnis nonenharatasehontserákeri, né nènhne iakahonhniénhnis ne niʼiohokónhas ó꞉ni nonhkweshón꞉as nahonthonhnáren.’

Judges 9:9

Né iakenhiewátha karónhta wakʼtariwasehráko, ‘Né nakwatkórasthe, ónenk tsi enkátʼkaʼwe tsi keienónhnis, né꞉ne rónstha nahonwatikwéʼniensʼte ne niʼiohokónhas tánon nonhkweshón꞉has.’