Psalms 104:14 - Ohiatonhseratokénti

¹⁴ Í꞉se sónhnis nahontakahontánio ne tionhnóns꞉kwarons akónhneʼke, tánon ne kaientʼthó꞉tsheras nónkwe áhionste nahionthetón꞉niaʼte, thóh kíʼ ní꞉ioht tsi ahotikhwaientane tsi onhontsake entkanio,

Psalms 104:14 ပူးပေါင်းရင်းမြစ်များ

Genesis 2:5

iáh oʼthé꞉nen tekaiéntakwe ne kaienthóhtshera ne tsi ionhwentsá꞉te iáh ó꞉ni ne kanenhaʼshón꞉ʼa oʼthé꞉nen tetká꞉nios, asékenh ne Roiá꞉ner Rawenni꞉io ne tsi iáh á꞉reʼkhok tehokennoréhston, tánon iáh ónka tehaonkwé꞉taien ne tahonʼkenhrawénrie;

Genesis 2:9

Tho nonhwenhtsá꞉ke ne Rawenni꞉io niaʼtekarón꞉take waharontonniánion nahontaká꞉nio ne kwáh iorontaskatsténion ne nón꞉we naʼkontehiá꞉ron ó꞉ni nahontakáhawe ne kwáh wahí꞉ioʼs ne꞉ne kakkhwa akénhake. Ne kwáh shaʼtekahehtí꞉hen tho iorón꞉tote né꞉ne tiakó꞉wis naiakonhnhekeʼónwe, nó꞉ia karón꞉ta né꞉ne tiakó꞉wis nattokhátshera ne ioiánere tánon ne karihwáksen.

Genesis 3:18

ohí꞉kta tánon ohnión꞉wara, entká꞉nio ne sarihwá꞉ke; tánon né꞉ne nohonteshón꞉ʼaʼs ne kanatsoháhrha enhséksheke.

Genesis 4:12

Nonenh thensatonhontsarihte, kwáh iáh othé꞉nen thaontakahawe nahoshaststénhsera; ensanahthenhawison tanon enhsonhontsaié꞉sha.”

Genesis 9:3

Kwáh tsi nahó꞉ten ne kontoriá꞉neronʼs ne konnónhnhe ne sákhwa enkénhake; tánon kwáh tsi nitkonhiá꞉wi nohoteʼshón꞉ʼas ne iotenénha, akwé꞉kon takón꞉ion.

1 Kings 18:5

Né Ahab wahawénhase ne Obadiah, “Ánion thóh iétewe tewatʼkénhsera kwáh tsi niaʼtekahiónhake ó꞉ni ne kahionhathátse ne tsi wathonhontsáien nahitewatʼkátho tó꞉ka kén iaʼtekaiéri tsi níkon ahíitewahontatʼtsénhri naʼiehthihiateweiénthon ne kosáthens tánon ne tewahóntes nahonhnónnetsthe. Tó꞉ka nónhwa iáh thaʼtehiothonhontsóhon né skahiátha aietʼthinonhwarhiákon nonhkwahtsenenhókons.”

Job Tánon ne Raoronhiakensera 28:5

Ók nonhontsà꞉ke, kaienʼthó꞉tshera ne ratiientwákwas; ók ne ohontsó꞉kon akwé꞉kon tekaríhton.

Job Tánon ne Raoronhiakensera 38:27

Ónhka sakonekanón꞉tens ne iahonwentsathénhake tánon ne iáh othé꞉non tehionhontsástha, tánon rónhnis nahontakahontánio?

Psalms 136:25

Sakokʼkhwanónhtens ne kwáh tsi niaʼtewatonnhetʼtseráke, asèken ne iorihwatóken raonoronhkwáhtshera tsi nénhwe enkátake.

Proverbs 27:25

Enhsenekerí꞉iaʼke thó꞉ne enhshathóntiaʼke tsi tionontatsnénhton tsi nikarí꞉wes ne ó꞉ia tsonatehiaróntie ne awennékeri.

Joel 2:22

Tó꞉sa sewatéron, í꞉se ne kaʼtshé꞉nens nisewahiató꞉tens ne tsi kahentaiéntons, asè꞉ken ne tsi konwatiterontáhkwas ne iahonwentsiaʼthénhake ioʼtonhtón꞉ni; ne tsi keríhtons ioientón꞉nions, ne tionhnionwaronhtonhakó꞉wa tánon ne watenenharíseres tsi nitsionát꞉re.

1 Corinthians 3:7

Tsi nikáien ne raiéntʼthos tánon ne shahkonekanóntens kwáh nèn꞉ne iáh thènen tewatsterístha, kwáh kík Rawenni꞉io khók rariwáhstha, tioríwah tsi rahónha ráhnios ne kaientʼthótshera.

Deuteronomy 11:15

tánon entkahonʼtánio ne sewahentà꞉kes ne sewatshenenó꞉kons akónhneke. Kwáh tsi ní꞉kon tesewatonwenhtsóni ne káhkhwa tsi ensewaiéntake.