Psalms 103:20 - Ohiatonhseratokénti

²⁰ Tetsisewaʼnonweráton ne Roiá꞉ner, Ó í꞉se ne sewaʼronhiakeró꞉nons, í꞉se ne sewáʼsháststes ne sewaʼtewenhnarákwah tsi nihorihwaʼtáton, nisewaʼtahónsate tsi nahoténhsons ratónhnions.

Psalms 103:20 ပူးပေါင်းရင်းမြစ်များ

2 Kings 19:35

Thóh siʼiokarasnéha ne Roiá꞉ner raʼohronhiakeró꞉non tsi thonanáhtaien ne Assyriaró꞉non niaháre tánon 185,000 niháti ronhterí꞉ios washakononwarhiákon. Sahórenhne thóh ratiʼiatakerónhton, ratikwékon ronenhéion!

Psalms 148:2

Tehonwanonweráton, ratikwékon ne raoronhiakeró꞉nons; tehonwanonweráton, ratikwékon ne raoronhiakerononʼókons ronterí꞉ios!

Psalms 148:5

Ánion tehiontenonweráton ne raosenhna ne Roiá꞉ner, asèken tsi nihothennháhon tánon onhtonniánion.

Psalms 29:1

Tetsisehwanonweráton ne Roiá꞉ner, Ó sewaronhiakeró꞉nons, tesehwaʼtenonweráton ne raoiatanerahkwáhtsera tánon ne raoshaststénhsera.

Psalms 78:25

Né thiʼkánionk ónhkwe kwáh ne sahatít꞉kwah tèken tsi tehonskáhons tsi ní꞉ioht ne ratironhiakeró꞉nons; iawetatʼtsáni tasakoteniéten ne káhkhwa.

Isaiah 6:2

Seraphs é꞉neken tsi renskwáhere thóh ratíties, né satiʼhiatátʼtshons iáʼiak natehatinerahontʼtshóntons: tèkeni ne raotinerahóntsas né iororótʼtons ne ratikonsáke, tánon nó꞉ia tekanerahontsákes ronhsí꞉takes né iororókston, tánon nóia tekanerahontsákes né꞉ne rónstha tsi tenhatíten.

Daniel 11:1

Raónha rorì꞉waien ne ahatsniénon tánon ne aontahakénnhe.

Joel 2:11

Ne Roiá꞉ner kwáh enhatá꞉ti raotihén꞉ton ne raonkweʼtashón꞉as ronterí꞉ios; ne raonkweʼtashón꞉as ronterí꞉ios iáh tewashé꞉ton tsi nionatiokowanen, nón꞉ka enhatewénhnaraʼkwe ne raorihwatatʼtsera enhashátsteke ki! Asè꞉ken ne rawenhní꞉sera ne Roiá꞉ner tsi enwenhniserowá꞉nen tánon thenhiotenonhianì꞉tonke! Ónhka iaiekwé꞉ni nahiontakátsthate?

Matthew 26:53

Iah kenh tasere aontonse nahineken ne Rakeniha nonȣa, akȣa ok oni aiononteratie ahontahakatennietase oni ne isihnon tekeni iaȣenre nikentiokȣake Ratironhiakeronon?

Matthew 6:10

Aiesaȣenniiostake! aiesaȣennarakȣake nonȣentsiake tsinitiot ne Karonhiake tiesaȣennarakȣa.

Luke 1:19

Nok ne Raronhiakeronon Tontahenron: II ne Kabriel rahohenton ne Niio ihkete, nok neh tionkatoriatakȣen ne tahetenitharen, oni nakonrori neh nikariȣiios.

Hebrews 1:14

Nahóten nen꞉ne ne ratironhiakerónons? Né꞉ne rotihiatatokéntis ronwahʼiótense ne Rawenni꞉io tánon rahónwah teshakotóries nashakotisniénon tsi nihiákon neniehiéna ne kaiatakenhátshera.