Psalms 102:9 - Ohiatonhseratokénti

⁹ Asèken kahkénhrats tsi ní꞉ioht nahkenatará꞉ke; tánon akʼkáseri tewaʼtsésta tsi entʼnekíra,

Psalms 102:9 ပူးပေါင်းရင်းမြစ်များ

Job Tánon ne Raoronhiakensera 3:24

Tsi níioht ne thakaskáhon, Wakatsiónhnion, tánon ne tsi niwakonséhnen kwáh tsiowé꞉ron tsi ní꞉ioht nohnékanos.

Psalms 42:11

Tsi nió꞉re tsi waʼkenikonhrák꞉sens, Ó akwahtón꞉nhets, tsi nió꞉re tsi tewakanikónhrahre? Kwáh Rawenniʼióke nón꞉we nénhtsen nakwahrahrát꞉tsera, asèken shé꞉kon kíʼ thenshiʼnonhweráton, rahónha sahkeskonthákwen tánon akeʼNí꞉io í꞉ken.

Psalms 42:3

Natkháseri thó꞉khok ní꞉ioht tsi waʼkeniatanawésthaʼkwe ne tsi niwenhnísehres tánon ne tsi niwasónhtes, thóh ná꞉he ne iónkswenhs ionkerihwanontónhnis, “Kaʼníres ne Saní꞉io?”

Psalms 69:21

Nónen sakatonkárhiake kanonkwatserák꞉sen waʼhonkènonhte, tánon tsi onhkeʼniatátʼthen iotsitsiát꞉ken waʼhonknékanonhte.

Psalms 80:5

Tásʼtsion ne kanikonraksénhtshera naiákwahke kwáh tsi ní꞉ioht tsi iakwahnátaraks tánon okaséhrihs aiakwahnekíra tsi ní꞉ioht tsi iakwahnekíra nonèkanos.

Isaiah 44:20

Né ranón꞉tens né wakenronʼtákwen; né kanikonraʼtátshera onikónra né wahotʼthaharákwahte, tánon iáh thaʼhakwéni nahatatenónsthate khés nahénron, “Iáh kén kí꞉ken nahó꞉ten niʼkháwe ne tsi kaweientethá꞉kwen kanikonrá꞉ton í꞉ken?”

Micah 1:10

Tó꞉sa othé꞉nen satró꞉ri ne Gath nón꞉we, kwáh tó꞉sa othé꞉nen tesashéntho; ne Beth-leaphrah nón꞉we tiatsatakaraténiat okenrá꞉ke.

Micah 7:17

Kwáh enhatikanón꞉ton nokénra tsi ní꞉ioht nó꞉niare; kwáh tsi ní꞉ioht nonhontsá꞉ke kontésehres; entkontiiá꞉kenhne tsi ionattionhionton; kwáh enhotiiatíshionkwe raohén꞉ton ne Roiá꞉ner Onkwaní꞉io, kwáh enhotiʼterónhne í꞉se enserihón꞉ni.