Psalms 102:4 - Ohiatonhseratokénti

⁴ Thóh ní꞉ioht tsi katʼtókas tsi ní꞉ioht ne iohontát꞉then tánon ónhkat iakoratatséʼson; tánon kwáh iáh teskhekwanónhwats.

Psalms 102:4 ပူးပေါင်းရင်းမြစ်များ

2 Samuel 12:17

Ne rotikstenokón꞉ahs ne tsi ronónshote rahiaták꞉ta wahthatítane, ronwaretiárons ne tahontaʼhatkétsko nonhontsáke; ók iáh tehathóntats, khéhs ó꞉ni ne skát꞉ne tahontón꞉te.

Ezra 10:6

Ethò꞉ne thóh niahá꞉re ohén꞉ton nononhsatokentihkó꞉wane iahathawehiáte ne tsi thénhteron ne Jehohanan ne roʼní꞉ha né꞉ne Eliashib, tánon thóh wahasonhtí꞉iake roʼnikonhráksens tsi nih iáh tehotirihwató꞉ken ne ronanahkerá꞉kwenhne. Kwáh iáh othé꞉nen tehawé꞉kon iáh ó꞉ni thé꞉nen tehonekí꞉ren.

Job Tánon ne Raoronhiakensera 10:1

“Wakaterihonkotá꞉ni tsi nikónnhe; kwáh ki enkátkaʼwe tsi nakerihwakathénhtshera; kwáh enkatá꞉ti tsi nihiorihwaiéntat tsi nikónnhe.

Job Tánon ne Raoronhiakensera 30:30

Ne tsi wakenewá꞉re kahón꞉tsi nahá꞉wenhne, tánon naktienshón꞉as iótets tsi niioʼtarí꞉hen.

Job Tánon ne Raoronhiakensera 33:20

káti ne tsi rónhnhe ratkhwásons, tánon iekaníhare toh niathahonsakakwihiósonke nahatkátho enhokenráten ki.

Job Tánon ne Raoronhiakensera 6:4

Asè꞉ken ne raoiènkwires ne Roshatstenhserowá꞉nen ne tewatiatawehéston, naotinonkwatseraktséntsheras ne ionekí꞉ren nakatónnhets; ne raoterón꞉tshera ne Rawenni꞉io wakanenhraserón꞉ni nahontahionkatiaʼtón꞉ti.

Psalms 102:11

Ne tsi kónnhe kwáh iostóre ienhwaʼtésa tsi kíʼ ní꞉ioht nokarasné꞉ha tsi waʼtasátara kénk tsénhwe nó꞉nen tahiokáraʼwe; thóh nitiatóthen tsi ní꞉ioht ne iahonhontát꞉then.

Psalms 102:9

Asèken kahkénhrats tsi ní꞉ioht nahkenatará꞉ke; tánon akʼkáseri tewaʼtsésta tsi entʼnekíra,

Psalms 37:2

Kwáh iostóre enhonatashókwahse tsi ní꞉ioht nonékeri; tánon iostatʼthénhen tsi ní꞉ioht ne kaienthó꞉tsera.

Psalms 42:6

tánon akeNí꞉io í꞉ken. Kénʼen tsi nón꞉we niwatwahéston tewaʼkerhiasarihonhátie, ká꞉ti rahonháke ne Rawenni꞉io nòkwah ionhsakanontón꞉nionhwe. Tsietsiononteráhtses takatheniethénhnis ne kanikonhratsénhtsera ne tsi kónnhe; tsik tsieiawénhon tsi ní꞉ioht tsi tewaʼkonhnarikʼkons kwáh tsi ní꞉ioht ne iohwehnó꞉tons. Kwáh ehʼní꞉ioht tsi iohrá꞉kare tsi ní꞉ioht ne tsi tewasénhʼtha waʼhonawakárehre ne tsik kaniatarathátsie ne Jordan; tsi nitsawé꞉non ne tsi tionón꞉te ne Hermon tánon ne Mizar, waʼkeskó꞉tha.

Psalms 69:20

Tsi nihionkenikonrakarewáʼton ne iónkshons ne waʼkerhiasanonwát꞉tha, ká꞉ti iáh testiewénhtas. Karohtónhtsera kèsasks, ók iáh teketsénhries; tánon nón꞉kak ahionkenikonraniráton, iáh kíʼ nonʼné꞉e tekhehiatatʼtsénhrion.

Psalms 77:3

Riʼianontónhnions ne Rawenni꞉io, tánon wakonséhnen; waʼkanontónhnionwe, tánon waʼkanikonrók꞉ten. Selah

Isaiah 40:7

Nóhonte wastátʼthens, notsítsa watashó꞉kwas, nó꞉nenh ne rahonhnísera ne Roiá꞉ner thóh enwatón꞉rie; oriwiʼiohónwe nonkweʼshónhas tsi óhonte nahatiʼiató꞉tens.

Lamentations 3:13

Kwáh í꞉ken tsi wahtióserenʼne tsi ní꞉ioht tsi wahtewákʼkwate tsi nahakoʼiahákʼkon ne rahoiénkwires ne tiatáke.

Lamentations 3:20

Tiotkonhónwe né kanonthonniónkwas, tánon nakatónnhets tionikonrénhen.

Acts 9:9

Nehne ásen niwenniseráke kwáh iáh thènen thesákenʼkwe, tánon thoʼnikaríwes kwáh iáh thènen tehawékon iáh ó꞉ni thènen tehonekíren.