Psalms 102:26 - Ohiatonhseratokénti

²⁶ Né tsi karonhiáte ó꞉ni tsi ionwentsiáte enwatohéstste, ók ní꞉se tsi né nénhwe ensónnheke; kwáh akwékon enwaʼkáionʼne ó꞉ni iahothènhnon tahonsakarihwasthátonhke tsi ní꞉ioht nathakwénia. Thensehténi tsi ní꞉ioht natakwénia, tánon enhontóhestste;

Psalms 102:26 ပူးပေါင်းရင်းမြစ်များ

2 Kings 19:15

tánon waʼhaterénhnaien, “O Saiá꞉ner, ne Sení꞉io Nisraeʼró꞉nons, sanitskwáhraʼne siskwaʼhé꞉re é꞉neken tsi rón꞉nes ne tehatinerahontiónhtons kontí꞉rios, sonhá꞉hak khók ne Saní꞉io í꞉ken, satkorástons akwé꞉kons tsi kanakeraseraké꞉rons tsi ionhwenhtsáte. Í꞉se shasaháʼnion ne tsi ionwenhtsáte ó꞉ni ne tsi karonhiáte.

Job Tánon ne Raoronhiakensera 38:4

“Kaʼnón꞉we ní꞉seskwe nó꞉nen shakisthenrakwéntaro ne tsi kenskwáhere tsi ionwenhtsá꞉te? Tatró꞉ri, tó꞉ka sá꞉ien ne kaʼnikonhraientátshera.

Psalms 102:12

Ók ní꞉se, Ó Saiá꞉ner, kwáh ensanontí꞉ioke tsi nénhwe enkénhake; ne sasénhna thenkawisásteʼke tsi waʼkawatsiratátse.

Exodus 3:14

Ne Rawenni꞉io wahénron, “Í꞉i ne kwáh oriwi:io íken. Óʼnenk tsi enseró꞉ri: ‘Tsi nikáien nétho ronhwáiats Í꞉i tahakató꞉ri tsionhàke.’

Isaiah 34:4

Akwékon tsi nihioteriwatiéren ne tsi karonhiáke kwáh enhiotishatstenhserónhti, tánon ne tsi karonhiáte kwáh enwatʼwenónhni tsi ní꞉ioht nohorótha. Akwékon nahoshatsténhsera kwáh enhiotistatáse kwáh tsi ní꞉ioht nónerate iostatʼtenhenhátie ne tsi watenenharíseres, khés ne káhik iostatʼthenhénhase ne tionnionwarontonhakówa tsi kérite.

Isaiah 51:6

Satarakétsko tsi karonhiáte niashatiérat, tánon iasatʼkátho nákon ne tsi ionwenhtsáte; asèken ne tsi karonhiáte enwatóhetste tsi ní꞉ioht noienkwáhra, ne tsi ionwenhtsáte enwakáhionhne tsi ní꞉ioht natserón꞉nia, tánon tsi niʼiá꞉kon né nón꞉we niʼienákere kwáh kí enhiaʼiéheie tsi ní꞉ioht ne kén nikatsinonwásas; ók naʼkatanithenrá꞉tshera kwáh kí nenhnéʼe tsi nénhwe enkénhake, tánon naʼkatesenhniéntshera kwáh iáh nonwénton tsiahontókten.

Isaiah 65:17

Asèken ónenh thó꞉wa ahonsakón꞉ni ná꞉se tsi aonsakaronhiáteʼke tánon ná꞉se tsi aonsaionwentsáʼteke; né tiotihénton nahorihoténhsons kwáh iáh tahonsawehiáraʼke khès nahonshonʼnonhtónhnionʼke.

Isaiah 66:22

Asèken né á꞉se enskarónhiaʼte ó꞉ni nʼá꞉se tsi entionhontsátete, né꞉ne kwáh í꞉ih enkónhni, kwáh kí akʼkhénton enkaiéntake, rá꞉ton né Roiá꞉ner; né kí nonʼnéʼe né tsiswaswatsiratátie tánon né sasénhna enhiotaténronhʼke.

Matthew 24:35

Karonhia Onȣentsia entiatohestste, kenh kaien nakeȣenna iah neneh nonȣenton tiiaontohestste.

Luke 21:33

Karonhia, onȣentsia enȣatohestste, nok nakeȣenna iah neneh nonȣenton tiiakontohestste.

Romans 8:20

Rawenni꞉io waharíwente akwékon tsi nahoténsons kasahánion naionáti tsi nihiothirihóten, iáh ohnónha thoʼtihiotirihón꞉ni, nók neh kíʼ tsi Rawenni꞉io thoʼní꞉ioht tsi hiathoriwaiéntase. Iáh kíʼ thènen tehiotiéren Rawenni꞉io neh kíʼ raskánekskwe

Revelation 20:11

Eʼthó꞉ne wakatkáto kowá꞉nen wanitskwaratserará꞉ken tánon tsi niká꞉ien ne thóh renskó꞉te; nohón꞉tsa tánon ne tsi karonhiá꞉te tsiatkontí꞉ten ne raohén꞉ton, tánon iáh ká꞉neka tahonsaiontʼká꞉tho.

Revelation 21:1

Eʼthó꞉ne wakatkáto ne á꞉se tsi karonhiá꞉te ó꞉ni ne á꞉se ionhontsá꞉te; asè꞉ken ne tiotierén꞉ton tkaronhiátekwe tánon ne tiotierén꞉ton tionhontsá꞉tekwe ionatohéston, tánon ne kaniatarakeʼkowáhne iáh othén꞉nen tésken.