Psalms 102:15 - Ohiatonhseratokénti

¹⁵ Né ronhnonhontsakeʼró꞉nons enhatitsaʼnísehke ne raosénhna ne Roiá꞉ner, ratikwékon ne ronhtinontí꞉ios ne tsi ionhontsáte enhatitsanísehke ne raoshaststénhsera.

Psalms 102:15 ပူးပေါင်းရင်းမြစ်များ

1 Kings 8:43

satʼthóntek ne rahonaterénhnaient. Thóh karonhiáke nónhwe, tsi nónhwe teshí꞉teron, tsiatʼthóntet tánon thóh nátser tsi nihiarihwaʼnonhtónhnis, né káti nonhkwetaʼkwékon tsi nihiohóntsa ahiakoteriéntaraʼne tánon naʼiesawenhnarákwaʼke, tsi né nihatiʼiéra ne shonkwetaʼshón꞉as Nisraerʼró꞉nonke. Ethòne kíʼ enhonateriéntarahne kí꞉ken Ononsatokentiʼkówa ne wakenonhshí꞉son tsi thóh nónhwe nenhieshasenhnaiénthakwahke.

Nehemiah 1:4

Tánon nó꞉nenh shonkaʼthóntene kí꞉ken owenhnashón꞉ahs wakátsien tánon watkaséntʼto tánon wakaktiónhnion tó꞉ka nón꞉ta nikarí꞉wes; tánon onkwentón꞉tiete tánon wakaterén꞉naien raohénton ne Rawenni꞉io tsi karonhiá꞉te.

Nehemiah 2:17

Eʼthó꞉ne wakheién꞉hase, “Sewatkáto tsi natekanikonrarahtseráhien tsi nón꞉we nitewes! Jerusalem kwáh onatóskon í꞉ken tánon ne ahotenhenrashón꞉ahs iotéken. Káts tánon kwáh entsitewasontonhniánion ne Jerusalem tánon kwáh iáh shé꞉kon tahonsetewatehénseke.”

Nehemiah 2:3

Tánon wahiièn꞉hase ne ronnontí꞉io, “Aiá꞉wens ne ronnontí꞉io karí꞉wes arón꞉nheke! Ohnontié꞉ren ne konksáke ne tó꞉sa ahontahionikonrénhen, Nónh ne kanatowanénhke tsi nón꞉we ne rakeʼní꞉ha ní꞉ken ne raotsatónhkwa, kwáh iáh othé꞉non tèken tánon nahʼtenhenrashón꞉as ótsire ne ioʼtsaháton?”

Psalms 138:4

Ratikwékon ne rontinontí꞉ios ne tsi ionhontsáte theniesanonhweráton, Ó Saiá꞉ner, asèken rotiwenhnarónhken ne tsitsakáronhte tiohiakénhen.

Psalms 72:11

Waʼkaterénhnaien ratikwékon ne rontinontí꞉ios tahontsákete raohénton, tánon onhkwetaʼkwékon enhonwahiótenhse.

Psalms 86:9

Í꞉se ratikwékon sehiatíshon nonkweshón꞉has, ká꞉ti kwáh shonháke nòkwah nentʼtón꞉ne tánon sahénton thenhontʼtsákeʼte, Ó Saiá꞉ner, tánon kwáh eniesasenhnatokéntisʼte.

Isaiah 55:5

Satʼkátho, ní꞉se kwáh iensheʼnónkʼkon ne ronhnonhontsaʼkeró꞉nons né꞉ne iáh teseienhtéris, tánon ne ronhnonhontsakeró꞉nons ne iáh teiesaientéri kwáh kí thentsesaratáte, né rahorihónhniat ne Roiá꞉ner sahʼNí꞉io íken, né꞉ne Rahonháhak khók Roʼiatatokénti íken NʼIsraerʼronónke, asèken í꞉se iahiaʼtanerakwáhton.

Revelation 11:15

Eʼthó꞉ne ne tsá꞉takhaton rarón꞉hiakeronon wahá꞉tatiste ne raowenk iehonrawatsta, tánon tsi nontontsaró꞉ko ne karonhiá꞉ke, rontón꞉nions, “Naonhnontiió꞉tshera ne tsi ionwenhtsá꞉te ne iahón꞉ton rahonhnontiiótshera ne Sonkwahiá꞉ner tánon ne Roiatarákwen, tánon raónha enthaniarotároke tsi nén꞉we ó꞉ni tsi niénhwe enkénhake.”

Revelation 21:24

Ne ronnón꞉hontsakeró꞉nons kwáh thóh nón꞉we natenhón꞉tekhahakwe nahoswát꞉thetshé꞉rakon, tánon ne rontinontí꞉ios ne tsi ionwenhtsá꞉te enthatihá꞉we ne raotiiá꞉tanerakwahtsheras ne nón꞉we.