Psalms 101:5 - Ohiatonhseratokénti

⁵ Ónhka ne ataséhtonhke sakonikonhrakarewáʼtha ne tehonnonsanéken kwáh kí enhiʼiátonhte. Kwáh iáh taʼihiatáktsthaʼte ne rónhkwe ne ratatónhni ó꞉ni ratatkowáʼnen.

Psalms 101:5 ပူးပေါင်းရင်းမြစ်များ

Psalms 138:6

Asèken iawerohátien ne Roiá꞉ner tsi nió꞉re tsi éhʼneken thénteron, tesakoteriéntare kí ne iakothenténion; tánon ne iontatónhni iáh thahónton naiesathaséhten.

Psalms 15:3

Ne rawenhnáson iáh tewatátis ne karihwahét꞉ken í꞉ken. Khés nashakokarónhni nakóren, khés nashakonikonrakaréwate ne tehononsanéken.

Psalms 18:27

Ne rotiʼiá꞉nere í꞉ken ní꞉se waséneste iateshiá꞉ti tsi sariwakwarí꞉shion, tánon ne tehonahtsiátʼton ní꞉se waséneste tsi sarihwaníron í꞉ken.

Psalms 50:20

Sathateweienhnenhtáhon né thènen ahonthatsérase ne tiatatekénʼha; tseriwattsiénhriase ne sanisténha ronhwaiénha.

Exodus 20:16

“Tó꞉sa satshokenhtónni nasanowénhten nakóren aiontʼkaronhni.

Exodus 23:1

“Tó꞉sa tesateriwaréniaʼt nonówenhs, tánon tó꞉sa shieʼiénawas ne roʼtiníkon tóhsa sanówen nahontateriwiʼiósten.

Proverbs 10:18

Ónhka ionhséhtha atatswénhsera iakonó꞉wen. Ónhka teionterihwarenià꞉tha tánon teierihwenhawíhtha iakononhwaró꞉ri kiʼ.

Proverbs 20:19

Ne tekarihwenʼahwí꞉ton iáh nonwén꞉ton thaʼonteriʼwáhsehte. É꞉ren í꞉seht nón꞉kwe ne iakoterihwatié꞉ni.

Proverbs 21:4

Nón꞉kwe iakorihwanerenʼákskon ne iakoniarawá꞉kon tsi iontatkweniénhstha tánon iontatón꞉ni ne ká꞉ti kí꞉ken karihwáksen.

Proverbs 25:23

Taierihwenhá꞉wihte nek tkáhas kanaʼkhwénhsera ne taié꞉ren tsi oʼthorè꞉ke ówera tewatenniéhtha naiokén꞉nore.

Proverbs 30:13

Ótiaʼke nón꞉kwe tsi ronnonhtónnion kwáh í꞉ken tsi thonnonkweʼtaié꞉ri—tsi rontatkaʼén꞉ions kwáh í꞉ken tsi thotirihwaié꞉ri!

Isaiah 2:11

Tsi tehakánere ne ratatkowánen rónkwe kwáh kíʼ ehtsioserónhnenhte, tánon ne hionthatónhni onhkwetakwékon kwáh kíʼ entsionhnítenhte; tánon rahonhatsíwa ne Roiá꞉ner enhatʼtsenhnakaráthate nètho entewenhniseráte.

Ezekiel 22:9

Ótiakes ne shonkwetaʼsónhas washakonahnhowenhtaniónhase nakorénhsons onhnaiáwenhne ne ahonwatinonhwahrhiákon. Ótiakes wahónnheke ne ronahtewahratʼtsaháton né konwahthitáti ne kahiatónhnis. Ótiakes tiókonhte né꞉e ronatatekikonhriʼiostonhátie ne rahonaskanéktsheras.

Daniel 4:37

“Ó꞉nen káti, í꞉i, Nebuchadnezzar, enhihsénnaien, tenhirénhsaron, ó꞉ni enhiiatanehrákwahte né Ronnontí꞉io né Karonhià꞉ke Thèn꞉teron. Kwáh tsik nenhá꞉iere akwé꞉kon tkarihwaié꞉ri ó꞉ni thoriwaié꞉ri, tánon ó꞉ni enhakwé꞉ni ne tahshakawentshó꞉ten ónhka ne iontatón꞉ni.”

Leviticus 19:16

Tó꞉sa tesewaterihó꞉kwah noʼnówens ne tsík ónhka akénhake, tánon nónen nónhkak tehonwahiatorétha ne tsi rónhnhe, sewathátiat ne sewarihwanhiʼrátshera tó꞉ka ahoiénawaʼse. Í꞉i ne Watiá꞉ner.

Luke 18:14

Oriȣiio tsi kȣarori: neh kehiken shotiatokeȣenhatie tsi shotentionhatie nok iah ne saiatat: aseken onka iontatharatasts ehtake niienhentsion; nok onka ehtake iontatonni enhiontharatate.

1 Corinthians 5:11

Nahóten kítons kí꞉ken níse tóhsa tesewahteriwáies nónkah ne ratatenatónkwah tawetákwen nók rohnonwahróri tóhkaʼ óni rotétien tóhkaʼ óni kaiatónni rasénnaiens tóhkaʼ ó꞉ni rawennákʼsen tóhkaʼ ó꞉ni rahkekakástha tóhkaʼ óni ranénskwas. Akwékon tóhsa skát꞉ne tsátien ne taitiátonthe né nihionkwetóten.

1 Timothy 3:11

Neh konhnónkwes onónha ó꞉ni ahówenk nahiotihianerenserihióhake tánon iáh tehiówenk nakonkʼtsiokentónni; kwáh ahówenk niatahiononniáton ó꞉ni kwáh tsík nahorihothénshons tsi ahioterihwathokénhake.

Titus 2:3

Kwá nòn꞉ne ne sáka ietʼtsirihónnien ne tiotíʼions konnónhkwe, nahkonterihwahténtiate tsi nahtehiothonwentióʼon ónhka ne iakoriwiʼióston tsi ahiakónnheke. Iáh teiówenk nónhka ahiakotisennákshate tóhkaʼ ó꞉ni tahiotirenkénnion nakontinikírake notsítsia. Ónenk tsi enhiakotirihónnien nahóten ne ioiánereh.

1 Samuel 2:3

Tó꞉sa isiʼnónwe nonsashatáti shó꞉tsi kwáh ashenáieʼke, tó꞉sa serí꞉hon natatʼkowahnátshera thóh nahontáwe tsiʼtsakáronʼte; asèken ne Roiá꞉ner ne ne Ní꞉io nakwé꞉kon tseoteriéntare, tánon rahón꞉a tsi niʼieweiennótens nónkwe rakontieríhara.