Psalms 101:3 - Ohiatonhseratokénti

³ iáh thakatʼtónhtate nakatiátaren nahó꞉ten ne iáh tetkarihwaiéri ó꞉ni tsi nahóten ne iáh othènen tekariwástha. Khéshons tsi nihiákon ne iáh teiakorihwató꞉ken rahonháke ne Rawenni꞉io; kwáh enkheiaʼtsiatonhtákwahse.

Psalms 101:3 ပူးပေါင်းရင်းမြစ်များ

Job Tánon ne Raoronhiakensera 31:1

“Waʼkatatianerenhseronhnién꞉ni ne khá꞉rake; onkáti ní꞉ioht tsi akʼkenhé꞉ion ne kawí꞉non?

Psalms 119:113

Khésons tsi niháti ne thatehotinikónhrahke, ók kenorónhkwah kíʼne saianerénhsera.

Psalms 119:37

Tó꞉sa takeríhon nahontakheiéthakwe ne iotinówenhs kahiatonhnisónhas; tasarihwaiénrik nakonháke ne tsi nisahrahráts꞉ton;

Psalms 125:5

Ók tsi nihiákon ne ákte niehiakotseráton ne tsi natehiotsátʼton nakoweiénhna ne Roiá꞉ner kwáh ensakohéntenhse éhren ensakohiathenhawite ne karihwahét꞉kens tsi nihonhtséra. Skénnonk tikénhak ahonháke ne Israel!

Psalms 139:22

Kwáh iohiánere tsi khésons; thóh nithékhete tsi ní꞉ioht ne taiakwahtatʼtsiónhseke.

Psalms 14:3

Kwáh ratikwékon ronwatsiathatiskwáhton ne Rawenni꞉io, skát꞉ne tsi wahononkwetahétkenhne. Iáh ónhka ne tehionterihwaʼthentsátha ne tkarihwaiéri, iáh ne tionkwéta.

Psalms 36:3

Nó꞉nen enhontáti akwékon tehiotsákton í꞉ken tánon kanikonhráton; iáh ó꞉nen né teshotihiótens nahó꞉ten ne tkarihwaʼiéri tánon ioiánere.

Psalms 39:1

Waʼkíron, “Enkatenhnikonhráhren tsi nikeweienhnó꞉tens né꞉ne tó꞉sa akeriwáʼnerake ne kenhnasáke ákatsʼte; enkatskwentóroke kwáh tsi nikaríwes ne iónkswenhs tiatákʼta rónhnes.”

Psalms 40:4

Iakotáskats tsi nihiákon thonwetákwen ne Roiá꞉ner, iáh kahiatonhnishónhas tekonwaʼtihniahé꞉sen, khés niahonwaʼnatsatárahse tsi nihiákon ne kahiatónhni konwaʼtisénhnaiens.

Psalms 41:9

Iekaníhare ne kwáh waʼkateroserí꞉ios ne kheniahé꞉sen, né꞉ne skát꞉ne tehiakwáhtontskwe, waʼhonkatkónten.

Psalms 78:41

Waʼhonwateniénten ne Rawenni꞉io thon tahontashaʼwénhʼses, tánon ronhwanakwí꞉son ne rotokénti í꞉ken Israeronónke.

Psalms 78:57

ók tonsahontkaraténi tánon iáh othenènon tethonethákwen kwáh kíʼ tsi ní꞉ioht ne sakotisotʼthonhkonkénʼen; thóh nió꞉re tsi iáh othènen tehathirihwástha kwáh né꞉nen tehiotʼwatáse kaiénhkwire.

Psalms 97:10

Né Roiá꞉ner sakonorónh꞉kwah tsi niʼiákon ierihwáshonhs ne karihwaʼhét꞉kens; ranikónhrare tsi ronhnonnhénions ne rotirihwaʼtóken rahonkwetaʼshón꞉has; shesakoniakéntha tsi nòkwah ne raotisasthenhserákon ne ronhnonkwetaʼhét꞉kens

Exodus 20:17

“Tó꞉sa saskaʼnékset nakóren rónhkwe tsi roʼnónhsohte; tó꞉sa sheʼiaskáʼnek ne ró꞉ne, ne raoʼnhatsheraókons, ne rahotsenenhókons nahontonakonwatiʼnonhtatáko, ne raotsenenhókons tewahóntes, tó꞉ka ó꞉ni nohiásons nahoténson ahoiéntake.”

Exodus 32:8

Ónenk ahéren ronéthon tsi ní꞉ioht tsi kheró꞉ri nahaʼtísehre, owistanó꞉ron wahatiwisthanáhwenhte tánon né wahonwahiaʼtónhniate ne tionónhskwaron rátsinn owíra tánon wahonwasénhnaien ó꞉ni tahóntkawe nètho ahonteskónhthe. Ronhton né kí꞉ken nonhkwaní꞉io, tsi nikáien ne tethesakohiatinekénʼen ne Egypt.

Proverbs 6:12

Iáh shaʼtékena té꞉ken tsi nihatiiaʼtó꞉ten ne rotirihwaneraʼákskon ne tsi tió꞉konteʼ ronnonwenhtánions.

Proverbs 6:13

Rontkahrokeríkhons tánon tehonnisnonhsaieronnionhá꞉tonʼs naiesaʼnikonhrhá꞉ten.

Proverbs 6:25

Tóhsa ká꞉ti iesahskanékten tsi niiotiiaʼtáhskats; tóhsa ne akarihón꞉ni aiesaié꞉na tsi kontkahrokeríkhonhs.

Proverbs 8:13

Nó꞉nen entskwénienhsteʼ ne Roiá꞉ner, énhtswen kiʼ ne karihwáksen; íhkswens naʼkatkáhtho tsi nihatiweiennò꞉ten nónhka iontatón꞉ni, ó꞉ni ne karihwanéren tánon ne owennaʼshón꞉ʼa ne kaʼnikonhrhá꞉ton.

Ecclesiastes 6:9

Kwáh iáh othénenh tehioríhonthe; kwáh thóh ní꞉ioht tsi shí꞉ken ní꞉ioht ne ówera konhwáhsere. Sénha ne tsiohiá꞉nere nahisehrientihiósehke tsi nahoténsons sáien tsi ní꞉ioht ne tiókonhte óia nahoténsonhs tesahthonwenhtsióhni.

Isaiah 30:11

É꞉ren í꞉set ne tsi iohatátie, ó꞉ia sashaʼthahítha, Tó꞉sa shé꞉kon tionkwaʼtónhtenn tsi nòkwah ne Roiatatokénti í꞉kenk ne Israel.”

Isaiah 33:15

Tsi nikáton né thóh nón꞉we nihiakothahí꞉taʼke ne kariwakwahrihʼshiontsherákon tánon ne iakotharáhkwen ne tkarihwaiéri í꞉ken, rotikenrá꞉tani né thènen ahatiʼiéna ne kawisenhehióntshera akarihónhni, tehonhnentsateníhons skonwatʼtátha ne kanikonrá꞉ton né꞉ne tó꞉sa ahatiʼiéna, tehonatahonthaʼkwékton né꞉ne tó꞉sa ahonatʼtónhtene naienékwah tánon tehonatateronhwékon né꞉ne tó꞉sa ahontkátho ne karihwahetkénhsera,

Jeremiah 22:17

Ók nék khók satkátos ne hiateshiáti ahisahianerásten; sehnonhwahrhiákons ne iaʼtehotiníkon tánon kwáh kahetkénsera tsi sehronhiakéntha ne shonkwetaʼshon꞉a. Ne Roiá꞉ner rotahtíhon.

Micah 2:2

Nó꞉nen enhonskáneke nahatiié꞉na ne kahentaʼshón꞉a, tánon kíʼ enhontsiatakweʼní꞉ioste; ne nónhne sá꞉ka ne kanonsahshón꞉as, enshakotíkwah; thensakonanonhnaríhkon ne tsi ratiwaʼtsirakérons tánon ne tsi rotinonshó꞉tons, nonhkweshón꞉as o꞉ni ne raotiienthátsheras.

Zechariah 8:17

Tó꞉sa ne sehwateʼnikonhrón꞉ni ne tahisehwatatkaré꞉wahte. Tó꞉sa ne tasátkaf ne iáh thokenskeʼtéken nó꞉nen shariwahnirá꞉thon. Íksons nonhó꞉wenh, ne iáh tetkarihwaié꞉ri, ó꞉ni ne kariwahetkénhsera.”

Matthew 5:28

Katon kati nii, ok satekariȣaneren neneok oni takonȣakanerake ne tsiothonȣisen nakonȣaskanek-sekʼe.

Romans 12:9

Kanoronkwátsera ónenk tsi ienhiokontákwen enhioriwatokénhake. Sewáson ne kariwáksen, neh sewatienawasthónhak ne iohiánere.

Galatians 4:9

Nók kíʼ tsi ónen tsi sewaientéri ne Ní꞉io—tóhkaʼ ó꞉ni tehiotonwentióʼon nakíron, ónen ne Rawenni꞉io tsi sewaientéri—onhnihiotiéren tsi ísewerhe thóh niahonséhsewe néhtho iáh thènen tehotisatsʼtenseráien tánon iotathiténrat tsi kwáh iáh thènen sathekéna tsi nihatihiathótens.

Deuteronomy 13:17

Tó꞉sa othé꞉nen sewathateweientónhas tsi nahó꞉ten ne í꞉se iewátion nahontkarón꞉ni, tánon ethò꞉ne ne Roiá꞉ner tensatkaraté꞉ni tsi nihonaʼkhwén꞉en tánon ataniténron ensnianaʼtónhase. Kwáh enshienténhre tánon entsitsónhnien nahisewentioʼkowá꞉na, tsi ki nishakorahratstén꞉ni ne ietsisoʼthonkonhkén꞉en,

Deuteronomy 15:9

Tó꞉sa sewateʼnikonráksat ne tsík nahoʼténhsons aieʼtsíni, né꞉ne ahisewateriwahkèn꞉serahkwe tsi ó꞉nen tó꞉wa iahonsakáhewe nóhsera nó꞉nen tsi nón꞉we nihiakotkaró꞉tons ne tenskanakónhke. Tó꞉sa sewatʼthontat ne niwanonhtonʼnionhtseráksen iahontáwehiaʼte ne sewanikonhrá꞉ke. Tó꞉ka ensaterihwaié꞉saʼte nasewístani, iaʼtenhonsèn꞉tho raonhà꞉ke ne Roiá꞉ner tsi nokwáh ní꞉se ók kwáh enshaʼnonhtà꞉nake.

Hebrews 10:39

Iáh ki tionkwe né tahonsetewatʼkarahté꞉ni tánon aitewahiataton. Khé꞉khók, ionkwáh꞉ien ne tewetakwen ó꞉ni ionkwahniakén꞉en.

Joshua 23:6

Káti sewathateʼnikónhrarak sewatewénhnarak tánon orihwakwé꞉kon thóh naʼsewáier tsi nikaiáton ne kahiatonhserá꞉kon ne Mahís rahoianerénhsera. Tó꞉sa othé꞉nen sewakénron ne thé꞉nnen akénhake,

2 Tiér 2:21

Sénha ne ioiánereʼkwe ne rahotiriwáke neh tóhsa nonwénton ahotiʼienteráʼon ne tkariwaiéri tsi ní꞉ioht nahonateriéntarake tánon káti ahontarónti ne iotokénti ahtiawenrátʼtshera thonwanáwi.

1 Sawátis 2:19

Nètho onkwesónha kwá iáh tetʼthonetákwenʼne nahionkiʼiatiátarase, neh tioríwa sahionkiʼiatiatarákwase; Tánon tóhkaʼ síken neh sahonkweʼtiókwa akénhake, kén kíʼ aihtewakwekónhake. Nók sahionkihiatiathontákwen neh꞉ne ahwénehne tsi kwá iáh neh sahonkwentiókwa tèken.

1 Samuel 15:11

“Skaʼtateriwástahni tsi rinontiʼióston ne Saul, asèken tonsahatkarahténi tsi ratʼnonteráhtieskwe, tánon iáh tehorihwaieríton nakatiawenhráseras.” Ne Samuel tsi nahonhákwen; tánon iathaséntʼtho rahonháke ne Roia꞉ner asontahkwé꞉kon.