Psalms 10:5 - Ohiatonhseratokénti

⁵ Tsi nihaweienó꞉ten kwáh tiókonte tsi roʼhianerasthénis; ne sarihwenhthátseras kwáh í꞉ken tsi tiótʼte, aí꞉nonh nió꞉re ítken ne rahonháke; tsi nòkwah ne tehontátʼtions, sahkonitskeró꞉seras.

Psalms 10:5 ပူးပေါင်းရင်းမြစ်များ

Genesis 6:12

Tanon ne Rawenni꞉io waʼhatkáhtho ne tsi ionhwentsà꞉te tánon wahatkáhtho, tsi niió꞉re tsi karihwahétken iaʼkotón꞉on nonkweʼshónʼa ratikwé꞉kon thó꞉non nihonnonhnhétie ne karihwaksèn꞉ke.

2 Samuel 5:6

Ne ronnontí꞉io tánon ne raonkweʼtashón꞉ahs wahatinenhraserónhni tsi niahónhne Jerusalem iasakonatsatónhti ne Jebusites, ne thóh ratinákerehkwe tsi ionwenhtsá꞉ien, ronón꞉ha wahonwénhase ne Táwit, “Ní꞉se iáh kén꞉en tahontáse, iekaníhare ne teieronhwékon ó꞉ni ne iontsinhokátha kwáh tenhtsesakaraténi”—tsi nihonnontónhnionskwe, “Ne Táwit iáh tahakwéni ne kén꞉en nahontáhre.”

1 Kings 20:13

Kwáh kènhnahe, rothó꞉kense Ronhnonhtiioke Ahab niaháre tánon wahénron, “Ne Roiá꞉ner ráton, ‘Tó꞉sa sheʼtsánik thíken kenhtsiokowánen ronhterí꞉ios! Entkónhion naʼtesenhniétsera nónhwa wenhniseráthe, tánon kíʼ ensateriéntharaʼne tsi Í꞉i ne watiá꞉ner í꞉ken.’”

Job Tánon ne Raoronhiakensera 24:23

Nontié꞉rent enhshakorí꞉hon ne skén꞉nonk thahonónhneke; ók kwáh tió꞉konte tsi teshakokanerátie.

Psalms 12:5

“Tioríhwa tsi nikarihwahétken tsi nihonwatiʼiérase ne tehonthonhnakárias, tioríhwa, tsi niotironhiáken né tehonthonhnakárias, kwáh ónenk thóh nénhtiere,” ráton né Roiá꞉ner; “kwáh entkákʼkakwe né kaienawaséhtshera tsi nithonskáneks.”

Psalms 73:3

Asèken khenósʼsaskwe ne rontatonkweʼtowaʼnátha; nó꞉nen sakatkátho tsi niʼioiánere ne raotirihwashónhas ne ronhnonkwetahét꞉kens.

Proverbs 1:19

Ne ónhka ienénhskwas, kenhé꞉ion ieniakoiaʼténhawe—tho kiʼ niiá꞉wenʼs nónhka ionteriiohseraʼnón꞉we.

Proverbs 15:24

Nón꞉kwe ne teiakoʼnikonhráthe ne enionthahíta ne iónhnhe ne è꞉neken nieiawé꞉non, iáh ki tsi niiohahó꞉ten ne ehtà꞉ke ne nieiawé꞉non kenhé꞉ion.

Proverbs 2:13

né꞉ne ónhka iakohtkà꞉wen ne ioterihwakwaríhshion tho enhatiʼteròn꞉take tsi nón꞉we tetió꞉karas tánon karihwanerenʼèn꞉ke,

Proverbs 2:15

tánon iáh thaʼón꞉ton nahsheniáhese nónhka iáh tetionkweʼtaié꞉ri.

Proverbs 24:1

Tóhsa sheiahská꞉nek ne rotirihwanerenʼákskon, tóhsa sateʼnién꞉ten nahsheiatenroʼserónnien.

Isaiah 10:1

Sathaʼtenikonráhrat, í꞉se ne tsanerenhserón꞉nis ne iáh tetkariwaiéri kaianerénhseras, í꞉se shiá꞉tons ne karonhiakénsera kaianerénhseras,

Isaiah 26:11

Ó Saiá꞉ner, ne satsianàke iotharatáhton, ók iáh kí tehontksatos. Sheríhon nahontkátho tsi nisateriwaién꞉ni ne shonkwetaʼshónhas, tánon ronhtéhen. Serí꞉hon nótsire ne iesáskwenhs ne ahonátonhte.

Isaiah 28:15

Tsioríwa tsi í꞉sewenh, “Iontsiónhni ne aterihwaseronhniátshera skát꞉ne ne kenhé꞉ion, tánon ne tsi tsiohontsáien ne kenhéion ionkwaienʼnateriwasehronhniátshera; nó꞉nenh ne teiotenonhianíton karehwatátshera iatenhiót꞉kaʼwe kwáh iáh kíʼ tahionkwahiatórenhne; asèken ionkwanhowènton nonkwané꞉tshera, tánon thóh onowénhtake nón꞉we iehionkwataskwáhereh”;

Isaiah 42:25

Sók kí tahawe:ron rahonhàke ne iotaríhen raoʼnakwáhtshera tánon nateriatitkhóntshera nateriʼiósera; kwáh wathokwahtásete tsi wahoiatáteke, ók iáh kí teonikonraientáhon; wahohiaʼtáteke, ók iáh kí tsèhio ne raweriá꞉ne.

Isaiah 5:12

Rotinowahién꞉tons ne ne, kén nikanakwá꞉as, ó꞉ni né ohoró꞉ta ionhterenhnotákwah tánon ne otsítsa, ók sanontonhniónko nètho ne raohioténseras ne Roiá꞉ner, khés nasatʼkátho naohioténhseras ne ratsanákes ioriwakanonhníhon!

Hosea 14:9

Tsi nihiá꞉kon ne iontenikonraʼthókha iakonikonraiéntas kí nahorihothénsons; tsi nihiá꞉kon ne ieierihwákens iakoteriènhtare. Asè꞉ken ne raoweiénhnas ne Roiá꞉ner tkariwaié꞉ri í꞉ken, tánon ne tionkweʼtaié꞉ri thóh nón꞉we nihiakothaí꞉take, ók ne rotiriwanerahátskon né꞉ne tonasitsiátstha.

Hosea 9:9

Kwáh í꞉ken tsi tehionó꞉tes tsi nihonatatʼtetkentén꞉ni tsi kí niiotónhne shiotenhniseraténionkwe ne Gibeah; kwáh kí enrehiárake ne raotirihwaneraháktshera, kwáh kí ensakoréwate ne raotiriwaneraháktsheras.

Romans 3:16

nek iehonénras tsi nahoténsons ne tenhatirithánion ó꞉ni kwáh íken tsi ionikonratsentserowánen ne kwáh tsík nonwéson nienhónne.

Judges 9:27

Ratikwékon tsi rotinenharaientʼthóserons niahónhne tánon wahatinenharáko, né wahontnekónhniaʼte ne onenharatasehontserákeri, tánon wahontenikonhró꞉ri. Ethò꞉ne ononsatokentikowáhne niahón꞉ne ne raotiní꞉io, wathonská꞉on ó꞉ni wahatinekí꞉ra, tánon thahonwaié꞉ron ne Abimelech.

Judges 9:38

Ethòne ne Zebul wahawénhase, “Kaʼietsawénon tsi nitsakarowánen? Í꞉se wáhi né sarihwanónhton onhnihiotséren tsi atsitewahiótenhse kí꞉ken rónhkwe Abimelech. Né kí꞉ken ne ronhnónhkwe né thisehierónhakwe. Káti wáhs ónenh sewaterí꞉io.”