Psalms 10:4 - Ohiatonhseratokénti

⁴ Né ronkwetahétken tsi nihotatkowaná꞉thon tsi nihanontónhnions né Rawenni꞉io iáh othènon thahakerihwatsiénriase iáh othènon tehatsterístha.

Psalms 10:4 ပူးပေါင်းရင်းမြစ်များ

Genesis 6:5

Nó꞉nen ne Roiá꞉ner wahatká꞉tho tsi nihonnonkweʼtahétkenʼs nonkwé꞉shon꞉ʼa ne tsi ionwentsá꞉te, tánon ó꞉ni kwáh thotikontáhkwen tsi nihatiʼnikonhrahétkenʼs.

Job Tánon ne Raoronhiakensera 22:17

Wahonwénhase ne Rawenni꞉io, ‘Tó꞉sa othé꞉non thakwatsté꞉ris,’ tánon ‘Nahó꞉ten ahakwé꞉ni ne Roshatstenhserowá꞉nen ne thé꞉nen nashonkwahié꞉raʼse?’

Psalms 101:5

Ónhka ne ataséhtonhke sakonikonhrakarewáʼtha ne tehonnonsanéken kwáh kí enhiʼiátonhte. Kwáh iáh taʼihiatáktsthaʼte ne rónhkwe ne ratatónhni ó꞉ni ratatkowáʼnen.

Psalms 18:27

Ne rotiʼiá꞉nere í꞉ken ní꞉se waséneste iateshiá꞉ti tsi sariwakwarí꞉shion, tánon ne tehonahtsiátʼton ní꞉se waséneste tsi sarihwaníron í꞉ken.

Psalms 27:8

“Káts,” wáʼton nakwé꞉ri, “séhsak ne tsi rakonsón꞉te.” Tsis konhsón꞉te, O Saiá꞉ner, né késaks.

Psalms 36:1

Nó꞉nen nón꞉kwe enhieriwáʼnerake, kwáh éhʼtho ní꞉ioht tsi shí꞉ken ní꞉ioht nón꞉kak ahiontattharáhnike nakawerhiáne; tsi ionhnontónhnions iáh thatehiotonhontsóhon nahitshaníhsehke ne Rawenni꞉io.

Psalms 53:1

Né tiakotónhnokte rontatró꞉ris, “Iáh teʼkáien ne Rawenni꞉io.” Kwáh ratikwékon tsi ronhnonkwetahétkens, karihwák꞉sens tsi nihotiʼieránions; iáh né saiáta nahioianeréhake né thènen ahohióten ne tkarihwaiéri.

Psalms 73:11

Tánon rónhton, “Orihwiʼiohónwe né Rawenni꞉io iáh tahoteriéntaraʼne tsi niʼiawenhenhátse? Ne kwáh toshaststenhserowánen iáh taharihwatsénhri tsi nitewáʼtserah?”

Exodus 5:2

“Ónhka nènhʼne ne Roiá꞉ner?” ne Ronhnonhtí꞉io wahariʼwahnónhton. “Ónhʼnonhtié꞉ren tsi né nahiʼhiatahónshataʼte tánon nakatʼthóntate akhehiáʼtkawe ne lsraeró꞉nons? Iáh tehiʼientéri ne Roiá꞉ner; tánon iáh kíʼ takhehiátʼkaʼwe nʼIsraerʼró꞉nons.”

Proverbs 21:4

Nón꞉kwe iakorihwanerenʼákskon ne iakoniarawá꞉kon tsi iontatkweniénhstha tánon iontatón꞉ni ne ká꞉ti kí꞉ken karihwáksen.

Proverbs 30:13

Ótiaʼke nón꞉kwe tsi ronnonhtónnion kwáh í꞉ken tsi thonnonkweʼtaié꞉ri—tsi rontatkaʼén꞉ions kwáh í꞉ken tsi thotirihwaié꞉ri!

Proverbs 30:9

Tókaʼ só꞉tsi wé꞉so aontáhskon nón꞉wa, enkí꞉ron iáh thaʼteskoniatonhwentsó꞉ni. Nok tókaʼ wakí꞉ten, tókaʼ nón꞉wa enkenénhsko tánon enhiiatéhaʼte Akení꞉io.

Ecclesiastes 8:11

Onhnontiéren nonhkweshón꞉ʼa tsi nihiakotateweienhnentáhon ne kariwahétken tsi nahióntiere? Tsoríwa tsi iáh óksak tehonwatirewáhtha ne kariwahétken rotihióthe, iáh kíʼ ónhka né tehionhnonhthónhnions né thé꞉nen ahonhetkénthake tsi nahióntiere ne kariwahétken.

Isaiah 2:11

Tsi tehakánere ne ratatkowánen rónkwe kwáh kíʼ ehtsioserónhnenhte, tánon ne hionthatónhni onhkwetakwékon kwáh kíʼ entsionhnítenhte; tánon rahonhatsíwa ne Roiá꞉ner enhatʼtsenhnakaráthate nètho entewenhniseráte.

Isaiah 3:9

Tsi nihatikonshó꞉tens ne tsi iakorihwanirátis; rontró꞉ris ne raotirihwaneraháktsheras kwáh né꞉ne Sodom, iáh kí tehotirihwaséhton. Enshontateriwáhsten! Asèken ronónha iahontátʼkwaʼse ne karihwahetkénhsera.

Isaiah 59:7

Né ronhshiʼtákes thóh nienkatá꞉ke tsi nó꞉kwah ne wahhét꞉ken í꞉ken, tánon teoʼtisteríhens nahonwahnéh꞉kwahte ne iáh othènon tehoníkon; né raonanontonhnióntsheras né꞉ne wanontonhniontsheráksens í꞉ken, né nahatiʼrihwéntʼtho tánon atkaronhniátshera í꞉ken ne tsi ronahatátie ne iohahowánens.

Isaiah 65:2

Iaʼtewakatsá꞉takwe kwáh kontatsekó꞉wa rononháke né ronteriʼioseranónhwe onhkweʼshónha, né ronónha thóh nón꞉we nionathahítake né iáh teioiánere, né ratísheʼre né iatehatiʼiáti tsi nionatenikonrón꞉ni;

Jeremiah 2:31

Israerʼró꞉nons, sahtahónshatat tsi nikáton. Tsi kénh ní꞉ioht ne kahráhkon thóh nitsiathótenʼne tsi nòkwah ní꞉se, tsi ní꞉ioht ne tetiókahras ó꞉ni iotonwenhtsiátʼteron? Nonhtséren, káti, tsi sáhton tsi thóh nénhsehre tsi nenhtesehnónhwehʼne, kwáh iáh nonhwénhton íhne nòkwah tahthahóntahse?

Jeremiah 4:14

Jerusalem, sehnóhareh ne karihwahétken ne serhiáne, ne nahionthónʼon ahonshasehniákenʼne. Tohʼnikaríwes tiotkonhónwe ne enshaʼnonhthonniónsehke ne karihwaneraháktsheras?

Zephaniah 1:12

Tánon kwáh é꞉tho nenhkaháwike entiatísake ne Jerusalem iehasehrénhas énkatste, tánon kwáh enkheréwate nonhkweshón꞉as ne iontatón꞉ni ók thóh ratitskwáhere raotiriwanerathatʼtserakon, tsi nihiákon ne iónhton nakawériane, “Né Roiá꞉ner kwáh iáh thahóthen tahontaharihwaié꞉rihte khés ne thé꞉nen karihwahétken aohiò꞉then.”

Zephaniah 2:3

Tsi sewahiatí꞉sak ne Roiá꞉ner í꞉se seweriasí꞉ios ne tsi nionhontsá꞉te, ronónha ratísehre ne raorihwataʼtsheras; sewésak ne karihwakwahrihsónhtsheras; sewésak ne skén꞉non nonhtié꞉rek kwáh enietsihiataséhte nenhtewenhniseráteke ne Roiá꞉ner.

St. Mark 7:21

Aseken ne ieiatakon ok ne ens naȣeriane, tkontiiakens ȣanontonniontseraksens, kentesera, onkȣe aiontateriio.

Acts 8:22

Sahsatatréwat, káti, kí꞉ken tsi nikariwahétken ne sáwenk, tánon hiasaterénʼnaien rahonháke ne Roiá꞉ner nahónton nahonsahianikónrense tsi niwanonthonniontseráksen kí꞉ken.

Romans 1:21

Ronwaientéri ne Rawenni꞉io, nók iáh kíʼ theʼtonwáwis ne kakweniesthá꞉tshera tsi natehiothonwentióʼon, tóhkas ó꞉ni tahonwanonweráton. Sénha wahathitaráhetʼte tsi nihonanonthonniontserótens tánon ononwaroríhta iahónton tánon tsi iáh thènen tèwah ne rathinontsínes neh káti kananónkton ne kariwáksens.

Romans 1:28

Nonkwesónha tsi ratiriwásons nahonʼnonthónnionwe ne kwáh thokénʼen ahonwanikonraiéntaʼne ne Rawenni꞉io. Tóh nòkwa iesakotʼkáwen tsi nòkwa neh rathinikonrahétkens, neh tsi éhʼtho nihathiʼiéra tsi nahoténsons neh iáh tatehiotonwentióhon neh nahathiʼiéreh.

Ephesians 2:12

Né sontakahá꞉wi í꞉non tesewáʼterekwe ne Kerístos. Thí tsionʼhontsiáteʼkwe tánon ó꞉ni iáh í꞉se tèken ne Rawení꞉io sakoʼiatarákwen. Kwáh iáh othé꞉nen tesewaʼiátare nateriwahseronniatseráʼkon, tsi nón꞉we nikarahtás꞉thon tsi nisakorahrástenni ne Rawení꞉io rahotió꞉kwa, tánon kén tsi ionwentsá꞉te nón꞉we nitsonnhétie tánon kwáh iáh othé꞉nen tesewáʼraʼre ne othé꞉nen ahisewaʼhianerás꞉ten tánon iáh ó꞉ni tesewaʼkwé꞉kon ne Rawení꞉io.

Deuteronomy 8:14

ioriwihióhak ne tó꞉sa ahshená꞉ieʼne tánon ahtiataʼnikónhren ne Roiá꞉ner saNí꞉io tsi raónha shianiakénton ne Egypt nón꞉we, tsi nón꞉we tsesanaskón꞉niskwe.