Psalms 10:14 - Ohiatonhseratokénti

¹⁴ Ók í꞉se kwáh satkáthos né atkaronhniátshera ó꞉ni karonhiakénsera, né iakokarewáton tsi nihiakoiátawens í꞉se tiesáwis; iʼséke sheshehiatákwas ne tehiontonhnakáriaks; í꞉se teshenes ne teiontonnahkarions.

Psalms 10:14 ပူးပေါင်းရင်းမြစ်များ

Genesis 21:17

Tánon kí ne Rawenni꞉io wahowennà꞉ronke ne raksá꞉ʼa; tánon kíʼ ne raoronhiaʼkehró꞉non ne Rawenni꞉io iahaná꞉ton ne Hagar karonhiá꞉ke nontá꞉we, tánon wahrènhahse, “Nahó꞉ten tesatateʼnikónhrhare, Hagar? Tóhsa sáhteronʼn; asèkenh Rawenni꞉io wahowenná꞉ronhke ne raksá꞉ʼa tsi nón꞉we ní꞉res.

Genesis 31:12

Tánon wahén꞉ron, ‘Satahrakétsko tánon shé꞉ken ratikwé꞉kon ne kaiaʼtákeras ratí꞉tsiʼn nétho enhshakotiné꞉rontste ne otiʼnhéhtienʼs ne iotihaténionʼs, iotirahkwarónnionʼs, tánon iotitsistohkwarónnionʼs; aseʼkénh orihwakwé꞉kon wakatkahthon ne Laban tsi nihiaieraʼsehátie.

2 Samuel 16:12

Nontiérenk sèh ne Roiá꞉ner enhatkátho nakeriwahetkénsera, kwáh neh tensakeriwaserá꞉kwase ne ioiá꞉nere tsi niʼionkeriwaieshaténhni nón꞉wa wenhniserá꞉te.”

2 Kings 9:26

‘Wakatkátho tsi nahonwásete ne Naboth tánon ne roʼiénha né theténre. Tánon kíʼ wakaráratsʼte tsi kwáh kénʼen né sakahénta nón꞉we nenhkonréwate.’ Ká꞉ti iahásaf ne Joram rahoierónhta,” ne Jehu wahó꞉nahne ne roiénawase, “tánon kahentàke iasáti né꞉ne Naboth rahohentáke, né꞉ne akaná꞉ne né Roiá꞉ner tsi nihorarátston.”

2 Chronicles 24:22

Né ronnontí꞉io iáh othènen tesré꞉hiare tsi nihiorihwató꞉kenʼne rohiótenhskwe nètho Zechariah ronikénʼen Jehoiada tsi naʼtehorihwasnieséhakwe, tánon wahaténhnahne nahonwanonwariáhkon ne Zechariah. Tsi nirenhéions ne Zechariah, waʼthohénrete, “Aiáwens ne Roiá꞉ner ahatkátho tsi nisewatiérah tánon atsisewaréhwaʼte!”

2 Chronicles 6:23

O Saiá꞉ner, tashatahónsatat thóh karonhiáke tánon tesheiatóret ne sanhátsheras. Seréwat ne rotiníkons tsi naʼtehonaténhtion tánon sahsehiatotaríhsi ne iáh tehiakoníkon.

Psalms 146:9

Ne Roiá꞉ner sakonikonrarátses ne tíʼiete; sakoiénawase ne tehiontonhnakárias tánon ne ionateréhons, ók tsi nihatiʼweienótens ne ionkwetahétkens sakorihwathóntha nénhe.

Psalms 22:11

Tó꞉sa aíh꞉non nió꞉re taséhsek tsi nón꞉we ní꞉kes, asèken ne tehionikonráhrat ákta í꞉wes tánon iahʼónka tahontetʼtsénri nahionksʼniénon.

Psalms 31:8

tánon iáh tieskatiakwahríhshion ronnónhake ne iónkshons; theteskáwi nakathatewenhniʼiósehra né kwák tsikʼnón꞉we niáke tsi nahontakaskáneke.

Psalms 35:22

Í꞉se satkáton, Ó Saiá꞉ner, tó꞉sa sakʼthasathatónhni! Ó Saiá꞉ner, tó꞉sa ahí꞉non nió꞉re taséhsek tsi nón꞉we níkes!

Psalms 55:22

Tsi natesahnikónhrare Roiá꞉ner hiatsiénhas; tánon rahónha kwáh entʼthiáne; kwáh iáh nonwénhton tahatʼtónhtate ne tionkwetaiéri iahionthatesénhni.

Psalms 68:5

Né Rawenni꞉io, ne rahónha thóh rénhteron ne raononsatokentiʼkówaʼne, tánon rahónha tesakorihwásniese ne tehontonnakárhias ratiksaokónhas tánon tesakohiatoré꞉tase ne ionateréhons,

Psalms 68:6

Né rothinatenháwis Rawenni꞉io sakonatʼtasehronniénhnis né tahontsiásehte ne ratiwaʼtsíraiens; sehsakothatewenhniʼiohseráwis ne ratinhó꞉tons ne nahonsahontatonhnakéna, ók ne ronhnerhiasaníron tsi né nón꞉we nihiahontsiatʼthénʼen nenhathinákerehke.

Exodus 2:25

Wasakóken ne lsraeró꞉nonhs tsi nihotironhiàken tánon watiátʼtoke tánon nasakohiaʼtakèhna.

Exodus 22:22

Tó꞉ka sehiateweiennaksáten ne ionateréhons ó꞉ni ne tehonthonnakárhias ratiksahokónhas.

Exodus 22:26

Tó꞉ka iénsawe nónhkak akotewehiaráhkwa nahionkaraiéntakwe ne tsi enshiakáriakʼse, ónenk tsi thenthetshion nohénton iakarákwenhne,

Proverbs 15:25

Roiá꞉ner enhsakononhsaríhshien ne rontatón꞉ni, nek tsi enhanónhstate tsi nahò꞉ten iakó꞉ien ne iakotehré꞉ʼonʼs.

Proverbs 15:3

Roiá꞉ner tehaká꞉nere tsi niiá꞉wenʼs tsik nón꞉we, tetehshonkwaká꞉nere tsi nitewatiéhrha tókaʼ kenh tkariwaié꞉ri tókaʼ ó꞉ni tewarihwanérakʼs.

Isaiah 10:3

Ónh nénh꞉shere nenhtewenhniseráte ne karehwahthátsera, natkaronhniátshera né꞉ne kwáh ahí꞉non nió꞉re nènhtewe? Ónka aiesaiénawaʼse, tánon kaʼnónwe nénhshien ne satsokowátshera,

Jeremiah 16:17

Akwékon katkáthos tsi nihontiérah. Kwáh iáh othènen tehiothaséhton nakonháke; ne rahotiriwahneraháktshera iáh tekaniá꞉kens tsi tetkánereh.

Jeremiah 23:24

Iáh ónhka thaʼhiekwéni nahionkahthaséhten. Shaʼteriéntharakki ne karonhiáke tsík nonhwésons nónhwe níkes ó꞉ni nonhwenhtsiákes?

Jeremiah 49:11

Í꞉i takwahthaʼkweniahénhas ne sewakshatashónhas ne tehonthonnahkhárhias, tánon Í꞉ih enkhehiaʼtewehnénhton. Ne ionahtheréhons enwáhton ne Í꞉i ahionkeniáheʼse.

Jeremiah 51:56

Ne rathiʼnenhrahtóntha ronterí꞉ios iekonhwahtsathóntion ne Babylon. Ne rathishástsʼtes ahonkwetashón꞉a ronwahtiʼiénenh, tánon ne ronhteriʼiostákwah ronhtsanáhke tekáris. Asèken ne Roiá꞉ner Rawenni꞉io rahónʼa tatʼkáhwas ne tkaiéri karewahtátshera, tánon tahahawihátie ne Babylon akwékon tsi natehioténhtion.

Lamentations 3:59

Tsi tenshatórete taskhéʼnhe, sateriéntare tsi nihionkatʼkontáhon.

Lamentations 3:60

Sateriéntare tsi nióre tsi hiónkswens, neh hiónkswens tánon ó꞉ni tsi natehionkwaskótani.

Hosea 14:3

Ne Assyria iáh ne nonwénhton tahkakwé꞉ni nahionkwanónsthate; kwáh iáh nonhwén꞉ton tahionkwsáhthen ne koshá꞉tens; kwáh iáh í꞉si nón꞉we tahonsahiakwénhron, ‘Ónhkwah Ní꞉io,’ tsi nihionkwahiò꞉thens ne iakwahtsánakes. Shonhà꞉ke ne tehontonhnakárias ratitsénhries ne kenténhron.”

Hosea 14:4

Kwáh ensehkhetsénthe tsi níhia tehotirihwató꞉ken; Kwáh iáh othé꞉nen thatakeninerénhke tsi enkhenorónhkwe, asè꞉ken nakenakwáhtshera tetsiotʼton ne rononhà꞉ke.

Joel 3:4

Onhní꞉se nenskatiérase ní꞉i, O Tyre tánon Sidon, tánon tsi niwatonhóntsa ne Philistia? Tó꞉ka ní꞉se ahonshasetkariakséken thensetkaraté꞉ni ne senihiothénhseras seninontsí꞉ne ensétren enhiostó꞉rehke tánon thenhiokátonhke.

Habakkuk 1:13

Ne skará꞉ke shó꞉tsi iotokenskéhonwe nahontkáto ne kariwahetkénhsera, tánon ní꞉se iáh taskwénhni ne tasatkáneren ne tewaterientawenhriéhon; nontié꞉ren tsi ne teskánere ne iáh othé꞉non tekariwástha, tánon tateshá꞉tote nó꞉nen ne ronhnonkweʼtahét꞉kens sakonatónhtha tsi niiá꞉kon ne sénha rotiiá꞉nere tsi ní꞉ioht ne ronón꞉ha?

Deuteronomy 10:18

Orihwí꞉io rón꞉nis ne tehontonhnaká꞉rias ó꞉ni ne ionaterè꞉ons ioiánere tsi takonhwatiriwásnieʼse; shakonorónhkwa ne thihononhontsá꞉tes ne skátke ratinákeres nonhtionhkweʼtashón꞉a, tánon shakonónhtens ó꞉ni shakotaʼkweniá꞉wis.

2 Timothy 1:12

tánon neh kíʼ ahoríhwah wahkeronhiáken kí꞉ken nahorihoténsons. Onk sékon kíʼ wahkenikonraníron, tioríhwah wahkateriéntare ónhka thiʼietákwen, tánon kwáh orihwí꞉io wahkónni rohkwénion nahatiatanónstathe tsi nióre ne tewenniseráte tsi nahóten rakeniahesáʼon.

Hebrews 4:13

Kwáh iáh thahóten thaónton nahotashéten ne Rawenni꞉io; kwáh tsi nahoténshons ne kashahánion tehkatakwahríhton ne raohénton. Tánon rahonhà꞉ke nón nihionkwahteriwahiénni akwékon entiohétsthe tsi nahionkwahtiéren.

1 Tiér 4:19

Nekáti, tsi niháti ne rotironhiáken neh tsi Rawenni꞉io thóh nisakoriwisenʼénni, iehontasónteren ne rohtihióten ne tkariwaiéri iehiokontakwénhak ronwaniahesénhak ne Sakohiatíson, rahónha tiotkonhónwe rariwaiérits tsi nihorahrátston.

1 Tiér 5:7

Rahonháke nonnáh꞉tsen tsi nahóten tesanikónrare, tioríwa tsi tehiatheriéntare.

Judges 1:7

Ne Adonibezek wahénron, “Iehioteratsʼton tsáta niwáhsenh niháti ró꞉tinonhtiios khetsiwehionkariá꞉kon ó꞉ni ne ronhhiakwirowánen, nes rónhneks nakatekhwaʼratieróhkon tehiótharons. Ónenh kíʼ ne Rawenni꞉io thóh nonhsahatiéraʼse tsi kíʼ nikheiérashe ne ronónha.” Jerusalem niahonwahiaténhaʼwe, thóh nónhwe iarénheʼie.