Psalms 1:4 - Ohiatonhseratokénti

⁴ Ók ne rotirihwáneren iáh né èhʼthoh tèhiot, né꞉ne teshontiéren tsi ní꞉ioht nahiónsehwe tsi iahó꞉te ieká꞉has.

Psalms 1:4 ပူးပေါင်းရင်းမြစ်များ

Job Tánon ne Raoronhiakensera 21:18

Asè꞉ken ne ronónha thóh nahiotón꞉hake tsi ní꞉ioht ne kawá꞉he ne tsi iówerare, tánon tsi ní꞉ioht nosehwaséhri tsi iahó꞉te iaʼkáhawe.

Job Tánon ne Raoronhiakensera 8:13

Thóh nihotihahóthens ratikwé꞉kon nón꞉ka enhonwahiatanikónren ne Rawenni꞉io; ahiawenhskénhen ne iáh teotinihioserá꞉ien kwáh ahatihiathá꞉ton.

Psalms 35:5

Ánion thóh nihatiʼhiathothénhak tsi ní꞉ioht ne kahwáeh nó꞉nen iahó꞉te né ieká꞉has, né꞉ne Roiá꞉ner raoronhiakeró꞉non sakotorihátsie!

Psalms 37:36

ók ishiʼnonwéha éhʼtho nón꞉we nonhsakatóhetsthe, tánon iáh éhʼtho thésresʼkwe; Wahiʼhiathíshaʼke, nók iáh tehihiatatʼtsénrion.

Isaiah 17:13

Ne iakahontsaʼkerónons iakoronkwénstatre kwáh né꞉ne wé꞉so watnekíne, ók kí ensakoʼtewenhnaiéntonhwe, tánon kwáh enhontèko nahí꞉non nónwe nienhónhne, ensakósehre tsi ní꞉ioht ne kaʼwàhe ne tsi iononhtarónhnions nohénton takáwerakwe tánon tsi niʼhioienkwáhrote nohénton thenkaweraʼtáse.

Isaiah 29:5

Ók tsi nihiakotsiokowánen ne ieshá꞉shons thóh nenhiotónhake kwáh né꞉ne kénk niwakénras í꞉ken, tánon tsi nihonatsiokowánenh ne ratinenhrénhtha kwáh né꞉ne kawáhe kontítses. Tánon kwáh óksak, thontaiawénhstsis,

Jeremiah 13:24

Ne Roiá꞉ner kwáh ne he tsi watʼtatthó꞉kwahte tsi ní꞉ioht ne kahwáhe né꞉ne hiehióha ne kahentahkekó꞉wa tehiowerahtháse.

Hosea 13:3

Eʼthó káti kwáh thóh nenhatihiató꞉theken tsi ní꞉ioht noronhnekéha iahonhawí꞉non khés kwáh né꞉ne iohawéien ne iostó꞉re teskahawehiákwah, tsi ní꞉ioht ne kawá꞉he kwáh skenénha kátses noskwenhkarà꞉ke ne tsi iethetáhkwa khés ne tsioienkwahró꞉te tsi tekatsiserá꞉ton.

Matthew 3:12

Rahaȣe ne rasheȣata, akȣekon enhaseȣe ne rahonatsia, rahononsoharake ienhateȣeienton; nok ne kaȣahe otsirake nʼiah teȣasȣas ienhoti.