Psalms 1:2 - Ohiatonhseratokénti

² Khèʼkok, ronhnerientiʼióstha nahontewénhnarahkwe ne Roiá꞉ner raohianerénsera, kwáh tsiókonhte tsi rotiwenhnanóte ó꞉ni rononthonhniónkwas nahorihonhnienhnítshera niaʼtwenhniseráke tánon niaʼtehiokaraʼtseráke.

Psalms 1:2 ပူးပေါင်းရင်းမြစ်များ

Genesis 24:63

Tánon né Isaac iahahiá꞉kenʼne ne kenʼk sitioʼkará꞉ʼon kahentà꞉ke waʼthatekhahahkwá꞉na nok wahatahrakétsko tanon wahshakó꞉ken iotiniaʼkwáhere takón꞉ne.

Ezra 7:10

Ezra wahaterihwatokénsthe ne tsi rónhnhe nahatéweiensthe ne Roiá꞉ner rahoianerénhseras, nahahioténsthe, tánon nashakorihónhnien oriwakwé꞉kons ne kaianerénhseras tánon tsi nikaianerenhseró꞉tens nonhkweshón꞉as Nisraerró꞉nonke.

Job Tánon ne Raoronhiakensera 23:12

Akwé꞉kon thóh niwatiéren tsi nihakerihwathá꞉ti; wakenorónston ne raowenhnaó꞉kons ne tsi rasakà꞉ronte sénha tsi ní꞉ioht ne kákhwa tsi natahonkatonhontsó꞉nike.

Psalms 104:34

Waʼkaterénhnaien naʼkewenhnaókons ahontahonikonhraiénrihte, asèken rahonháke ne Roiá꞉ner nón꞉we niwaʼkatón꞉nahere.

Psalms 112:1

Tehonwaʼnonweráton ne Roiá꞉ner! Iakotáskats tsi niʼiákon ronhwaʼrihwaʼkweniénstha ne Roiá꞉ner, kowáʼnenh tsi iakotonhnáhere tsi iontewenharákwa ne raotsiawenhrá꞉tseras.

Psalms 119:1

Iakotáskats tsi nikákon ne tsi niʼieweienhnótens iáh othèhnen tekanitserénhawe, thóh nón꞉we nihiakothahítake raohianerenhserákon ne Roiá꞉ner.

Psalms 119:11

Akweriá꞉ne nón꞉we niwahkatewenhiénton ne sawénhna, ne natkwéni ne tó꞉sa akerihwánerake tsi nòkwah ní꞉se.

Psalms 119:35

Tó꞉sa takeríhon ne iáh thakatewénhnarakwe tsi nisatsiawenhráton, wahkerientí꞉ios tsi ít꞉sehre ne saianerénseras.

Psalms 119:72

Ne kaianerénhsera ne teskáwi wé꞉so kéntons nakerihwáke sénha tsi níkon káien ne kawistará꞉kens ne tsi ionhontsáte.

Psalms 119:92

Tó꞉ka ne saianerénhsera iáh ne thahónta hiotasahwénhni nakatʼtsenhnonhniátshera, kwáh ahonkihéionhke tsi niwahkeronhiákenkwe.

Psalms 40:8

Kenón꞉wes nahontakonhnikonhraiérihte, Ó akeʼNí꞉ioʼ ne sahianerénhsera akwerhiá꞉ne nón꞉we nikahiáton.”

Psalms 88:1

Ó Saiá꞉ner, í꞉se Sewenní꞉io natiatakená꞉tsera, Nó꞉nen, ienhiókaraʼwe, Iathenkaséntʼtho shonháke,

Jeremiah 15:16

Wahsekthárahse, tánon kwáh tsi niaʼtekawénhnahke tsi wahkathahonshá꞉thaʼte. Ní꞉i i꞉se sonkwétha, Saiá꞉ner Sewenní꞉io Shaʼshastsʼtenserowáhnen, tánon káti ne shaʼwénhna wahkánhaʼne nakwerhiáne natʼtsennónhnia ó꞉ni natnonnharáttsera.

Luke 18:7

Nok ne Niio, iah onteken tataontasakonnhe ne sakoiatarakȣen tiotkon onȣe iatehotihenretha raonhake, ethoneh ne sane roniskohe nahatreȣate ne rononha raotiriȣake.

Luke 2:37

Onen neh nahoten satekon niioserasen nok kaieri tsinahe siiotereons; Ononsatokentike titkanakerekȣe, aȣentakon aterennaientatserakon oni tsi rosennaiens ne Niio.

Romans 7:22

Nakweriáne kwáh wahtsiennonʼniathákwa tsi nitkáhas neh Rawenni꞉io rahohianerénsera.

1 Thessalonians 2:9

Orihwiʼioʼónwe sewahteriéntare, tewahtenrosónhas, tsi ní꞉ioht tsi ionkwahiotén꞉en tánon ioioʼtenhserahní꞉ron! Kontahsésons tánon asontakwékʼkons wahonkwaióten né꞉ne tóh꞉sa thènen takwahnikonráhren tsi enkwahteriwahnótʼthase ne karíhwí꞉ios tsi nitsawénon ne Ni꞉ióʼne.

1 Timothy 4:15

Satewéiens kí꞉ken nahorihoténsons tánon serihwahnóronk, ehnahóntawe ne ronatiakhésons nahontʼkátho tsi nisatheriwatsʼteristonhátie.

2 Timothy 1:3

Theʼinonwerátons ne Ní꞉io, tsi nikáien ne rihiótense tsi kwáh akeriaióskon íken, kwáh tsi nihoteiéren ne khesotʼtonhonkonkén꞉en. Theʼinonwerátons tsi kwáh tiókonte kwèhiare nakaterennaientaʼtserákon tsi niwasóntes ó꞉ni tsi niwenníseres.

Joshua 1:8

Iorihwiióhak né꞉tho kahiatónhsera ne kaianerénhsera tsi tió꞉konte enwatewenhnanót꞉thake nenhshaterén꞉naien. Shatéweiest tsi niwenhniseréhsons ó꞉ni noʼkarasnéha, tánon orihwí꞉io sónhni tsi enshatewénhnaraʼkwe akwé꞉kon tsi nikahiatónhnion. Ethò꞉ne ki kwáh enshahianerásten tánon enshaterihwaténtiaʼse.

1 Sawátis 5:3

Nonkwanoronkwátsera ne rahonháke ne Rawenni꞉io ne kéntons tsi entewatewénnaraʼkwe ne rahoriwahókons. Tánon ne rahoriwahókons iáh sóhtsi tehioníron nonkwariwáke,