Proverbs 9:9 - Ohiatonhseratokénti

⁹ Iáh oʼthé꞉nen tewatsterístha nahò꞉ten ienhsheiatátiaʼse ne ronttókha sénha nen né꞉ʼe enhonttókhaʼne. Tsi nahò꞉ten enhsehró꞉ri ne rotirihwakwaríhshion ne karihwí꞉io sénha kiʼ enhotiʼnikonhrowáhnha.

Proverbs 9:9 ပူးပေါင်းရင်းမြစ်များ

Proverbs 1:5

Kí꞉ken karihonnienníhtshera enká꞉nahne attokháhtshera sénha enhotiʼnikonhrowáhnha ne rotiʼnikonhrowá꞉nenʼs enhshakotiʼnikòn꞉ron ne ronateweiénhston.

Proverbs 10:14

Ne ronttókha akwé꞉kon enhatiié꞉na ne karihonnienníhtshera tsi ní꞉kon enhatikwé꞉ni, nok ne rotinonhwaró꞉ri nó꞉nen enthontá꞉ti, kaʼnikonhrharáhtshera iáh í꞉non téteweʼs.

Proverbs 25:12

Nónhka aiesahronká꞉ten ne orihwí꞉io tsi iakoterién꞉tare tánon nónhka iakotateweienentá꞉ʼon aiontahónhsatate, ne sénha shaʼtékena tsi ní꞉ioht ne ohwistanó꞉ron anisnónhsawi tánon ne kwáh tiohskatsténion ohwistanoronʼshón꞉ʼa.

Hosea 6:3

Ánion ionkwahterientáran, tewá꞉rek natsitewaienterahʼne ne Roiá꞉ner; tsi nontahawenonhátie etʼniiorihwí꞉io tsi ní꞉ioht tsi tahiorenhehátie; kwáh thóh ní꞉ioht tsi enshonkwahiatórenhne tsi ní꞉ioht ne iotsatará꞉tses nokenhnoré꞉seras, tsi ní꞉ioht ne kokwitè꞉ne iokenhnó꞉res ionekanóntens nonhóntsa.”

2 Tiér 3:18

Nók iasewatasónteren sewatehiáron thóh nónwe ne rahotenretserákon ó꞉ni ne rahotʼthokhatserákon ne Sonkwaiáner ó꞉ni Sonkwaiatákwen Ié꞉sos Kerístos. Rahónha ne kahiatanerakwátsera, nónwa ó꞉ni tsi nénwe! Éhʼtho naiáwenʼne.

1 Sawátis 5:13

Í꞉se kíʼ iakwahiátonse neh꞉ne aihsewateriéntarake tsi sewáien ne ionnheʼónwe atónnhets—tsi nítsion ne tetsisewetákwen ne Rawenni꞉io Roiénha.