Proverbs 8:5 - Ohiatonhseratokénti

⁵ Áreʼkok kenh tshiekaié꞉ri tsi nisateʼnikonhríson? Satéweienhst ahsateʼnikonhrísa. Tesatenonhwarorí꞉tonte kenh? Satéweienhst ne aiesaʼnikón꞉rote.

Proverbs 8:5 ပူးပေါင်းရင်းမြစ်များ

Psalms 19:7

Né raoianerénsera ne Rawenni꞉io tsi nihiorihwatóken, á꞉se tioshaststenseráwis natónnhets; ne raoianerénhseras ne Roiá꞉ner oriwí꞉io í꞉ken. Tiakó꞉wis atʼthokhátsera tsi niʼiákon ne tsakototʼtáni;

Psalms 94:8

Í꞉se ne tionkwetaksenskweʼokónha, onhnontiéren tsi nió꞉re tsi tesewaʼtenonwaroʼríhtonhte; tisewaʼtón꞉nokte, kát꞉ke onhtèken iahisewaʼnikónroʼte?

Proverbs 1:22

“Tsón꞉kwe ne tesewatenonhwarorí꞉tonte! To nikarí꞉wes iáh thaiesewaʼnikonhrá꞉take? To nikarí꞉wes entsonʼweskwenní꞉heke thaietshié꞉ron ne kaweientéhtshera, iáh kenh nonwén꞉ton thaiesewaweientéhtaʼne?

Proverbs 1:32

Ónhka ne iáh tshiekaié꞉ri tsi nihonaterién꞉tare enhonníheie né tsi iáh thahatiié꞉na ne attokháhtshera. Nón꞉kwe ne iáh thaʼteiakoʼnikonhráthe enhontkarón꞉ni né tsi iáh oʼthé꞉nen thaʼtehonaʼnikónhrhare.

Proverbs 1:4

Enkakwé꞉ni aiakorihónnion nónhka iáh teiakoterién꞉tare teniakohswathé꞉ten tánon eniakorihónnien ne kenʼnithotiién꞉sa nahotiʼnikonhrowanénhake.

Proverbs 3:35

Nón꞉kwe ionttokhahtsherí꞉io eniontatshennakará꞉tate nok nónhka iáh teionttókha nek nen né꞉ʼe enhontatshennáksaʼte.

Proverbs 8:12

Í꞉ʼi ne Attokháhtshera wakkaʼenionhtsherí꞉io; wátien ne karihonnienníhtshera tánon tetiaʼtorehthaʼtsherí꞉io.

Proverbs 8:4

“Kwaʼnekén꞉nis sewakwé꞉kon tkwén꞉nonks ne onhwentsaʼkehró꞉non.

Proverbs 9:4

“Tasewatáweiaʼt ne iáh tesewattókha tánon ne sewanonhwaró꞉ri!” Tánon waʼí꞉ron,

Isaiah 42:13

Né Roiá꞉ner iahaténti tsi ní꞉ioht ne raterí꞉ios, tsi ní꞉ioht ne raterí꞉ios tahonakwénhsere; iathohénrete, iorakaréni tsi wathohénrete, teiotenonʼianíton tsi wahathaténesʼte rahotihénton ne ronwáshons.

Acts 26:18

Tensekakwarísi ó꞉ni tonsashekaraténi tsi non natetiókaras tsi teioskwátʼte niehónne tánon shèkwa ne Raneshonrónon rahosatsténsera nók Rawenni꞉io rahosatsténsera tontashéhion, káti tsi entionkétakwe ne rahothiriwanerahákʼtsera enskanikonrén꞉en tánon enhatiʼiéna neh skátʼke ahonnéseke tsi niháti ne Rawenni꞉io sakohiatarákwen.’

1 Corinthians 1:28

Ne waharáhko tsi nahóten ne tsi ionwenhtsiáte ehtàke iakahónʼnis ó꞉ni iakokenrónʼnis tánon íwenhre iáh thènen tekástha, nahkarihwahthónʼton tsi nahóten ne tsi ionwenhtsiáte íwenhre iorihowáhnen.