Proverbs 8:13 - Ohiatonhseratokénti

¹³ Nó꞉nen entskwénienhsteʼ ne Roiá꞉ner, énhtswen kiʼ ne karihwáksen; íhkswens naʼkatkáhtho tsi nihatiweiennò꞉ten nónhka iontatón꞉ni, ó꞉ni ne karihwanéren tánon ne owennaʼshón꞉ʼa ne kaʼnikonhrhá꞉ton.

Proverbs 8:13 ပူးပေါင်းရင်းမြစ်များ

Job Tánon ne Raoronhiakensera 1:1

Ronkweʼkén꞉en thoraná꞉kereʼkwe tsi watonwentsá꞉ien ne Uz. Job ronwá꞉iatskwe tánon kwáh iáh othé꞉non tewátonskwe ne othé꞉nen ahontahonwárase tánon tronkweʼtaiérihkwe, tánon ne nénska rónkwe kwáh í꞉ken tsi rorihwakweniénstakwe ne Rawenni꞉io tánon ratharonhtsiénskwe tsi nokwáh ne karihwahetkénhsera.

Job Tánon ne Raoronhiakensera 28:28

Tánon wasakawénhase nonkweshón꞉as, ‘Orihwiiohón꞉we, ne raoteronhkwátshera ne Roiá꞉ner tsi né nathokhátsera í꞉ken; tánon né꞉ren ahiénte ne karihwahetkénhsera né꞉ne kaʼnikonhraientátshera í꞉ken.’”

Psalms 101:3

iáh thakatʼtónhtate nakatiátaren nahó꞉ten ne iáh tetkarihwaiéri ó꞉ni tsi nahóten ne iáh othènen tekariwástha. Khéshons tsi nihiákon ne iáh teiakorihwató꞉ken rahonháke ne Rawenni꞉io; kwáh enkheiaʼtsiatonhtákwahse.

Psalms 119:104

Saiahnerenhserákon nónhwe nitékhas ne atʼthokhátsera; káti akwékon ítsons tsi nahoténhsons ne tehiotʼtsátons.

Psalms 119:128

Tánon káti ít꞉sere akwékon ne saianerénhseras. Ít꞉sons akwékon ne wahétkens nihiotánions.

Psalms 138:6

Asèken iawerohátien ne Roiá꞉ner tsi nió꞉re tsi éhʼneken thénteron, tesakoteriéntare kí ne iakothenténion; tánon ne iontatónhni iáh thahónton naiesathaséhten.

Psalms 97:10

Né Roiá꞉ner sakonorónh꞉kwah tsi niʼiákon ierihwáshonhs ne karihwaʼhét꞉kens; ranikónhrare tsi ronhnonnhénions ne rotirihwaʼtóken rahonkwetaʼshón꞉has; shesakoniakéntha tsi nòkwah ne raotisasthenhserákon ne ronhnonkwetaʼhét꞉kens

Exodus 1:17

Ók ne tsiaʼtsniénionhskwe Rawenni꞉io ronhwatʼtsánisʼkwe tánon káti iáh tehonwaʼwenhnaráhkwen ne Ronhnonhtí꞉io; khè꞉kok, wahonwatiʼríhon ne rahtiksaʼhokónhas nahoʼnónhnheke.

Proverbs 10:31

Tiakorihwaié꞉ri nón꞉kwe nek tiontá꞉tis ne karihwí꞉ioʼs, nok ne awenʼnáhson entkawennínekenʼne karihwáksen tenkatáhstonʼ kiʼ.

Proverbs 15:9

Roiá꞉ner ráhswens tsi nihotiianerenhserò꞉ten ne rononkweʼtáksen, nok shakonorónhkhwa nónhka tierihwaié꞉rits.

Proverbs 16:18

Kanaiéhtshera eniakohshá꞉rine tsi nonkwá ne karihwaiesáhtshera, tánon atkenronniáhtshera ehtà꞉ke ieniakoiaʼténhas.

Proverbs 16:5

Roiá꞉ner ráhswens nónhka iakotkenhronniá꞉tskon; iáh nonwén꞉ton thahatiʼniá꞉kenʼne tsi ahshakohré꞉wahte.

Proverbs 16:6

Sarihwatokénhak tánon sanitenrahtskónhak, Rawenni꞉io enshiaʼnikónhrhenʼseʼ tsi sarihwanéren. Tshewèn꞉narahkhwak ne Roiá꞉ner tánon iáh oʼthé꞉nen ne karihwáksen thaiesà꞉raʼne.

Proverbs 3:7

Tóhsa nonwén꞉ton sanonhtonniónhak í꞉se kenh sénha sattókha. Kwáh nek ne tahtshéhtak ne Roiá꞉ner, tánon tóhsa sathón꞉tat kenʼniáhshiere nahò꞉ten iáh tetkariwaié꞉ri.

Proverbs 4:24

Tóhsa nonwén꞉ton tsì꞉ron nahò꞉ten iáh tó꞉kenhske té꞉ken, tóhsa thé꞉nen satsté꞉rihst nahò꞉ten ne onó꞉wen tánon ne owennaʼshón꞉ʼa naiesathaharákwahte.

Proverbs 6:12

Iáh shaʼtékena té꞉ken tsi nihatiiaʼtó꞉ten ne rotirihwaneraʼákskon ne tsi tió꞉konteʼ ronnonwenhtánions.

Isaiah 13:11

Í꞉i kwáh entréhwaʼte ne tsi ionwenhtsá꞉te ne enkarihónhni ne kariwahét꞉ken, tánon ne rotiriwáneren ne tsi nihotirihwáneren; Ní꞉i kwáh ientsiástsi rononhá꞉ke ne ratináies ne rontatkowanáhtha; tánon èhʼtake enkheiónhni ne iáh tehonatehenseráien ne ratinataká꞉riaʼks.

Amos 5:15

Sehriwáshon nahó꞉ten ne kariwáksen, ne sehnó꞉ronk nahó꞉ten ne tkarihwaié꞉ri, tánon serihwaní꞉rat ne kaianéren ne tsi iothenhenrakáronhte; ne naiawenskénhen né꞉tho Roiá꞉ner, ne Sakowenní꞉io ne ratironhiakerononhs, kwáh enhontahorihwaié꞉rihke ne iatehonatathénron rahonhà꞉ke ne Só꞉se.

Amos 6:8

Né Roiá꞉ner Rawenni꞉io kwáh rothaterihwaniráti (rá꞉ton ne Roiá꞉ner rotokénti): Ít꞉sons tsi nihontatónhni nonhkweshón꞉as Nisraeró꞉nonke tánon ít꞉sons tsi nihotinonsí꞉ios; tánon kwáh enkatsakwaríhshi ne kanatowá꞉nen tánon akwé꞉kon ne nón꞉we niká꞉ien.

Zechariah 8:17

Tó꞉sa ne sehwateʼnikonhrón꞉ni ne tahisehwatatkaré꞉wahte. Tó꞉sa ne tasátkaf ne iáh thokenskeʼtéken nó꞉nen shariwahnirá꞉thon. Íksons nonhó꞉wenh, ne iáh tetkarihwaié꞉ri, ó꞉ni ne kariwahetkénhsera.”

Romans 12:9

Kanoronkwátsera ónenk tsi ienhiokontákwen enhioriwatokénhake. Sewáson ne kariwáksen, neh sewatienawasthónhak ne iohiánere.

1 Thessalonians 5:22

tánon satiatatískwat tsi nahoténsons ne karihwákʼsen.

2 Timothy 2:19

Nók ne ioníron thekenstenrotákwen nètho ne Rawenni꞉io rohkéron iáh tahónton ne tahiowéntonwe; tánon thóh ken nikawennótens kahiáton: “Ne Roiá꞉ner rohtheriéntare ónhka ne rahonkwetaʼsónhas” tánon “tsi nihiákon ne iónton Roiá꞉ner rahonkwéta íken ónenk tsi tentionkʼkarathéni tsi nihiontiéra ne iáh tetkaiéri.”

1 Tiér 5:5

Kwáh ne saoríwa ne nitisewahiónsas ietʼtsikweniénstak ne thoʼtí꞉ions. Tánon kwáh sewakwékon teʼiothonwentióʼon naisewatenihiónten ne tkariwaiéri, tesewatateriwáhwas, Asèken wáhton nʼoriwatokénti, “Ne Rawenni꞉io sakonenrotánis ne hiontatónni, nók sakoténras ne ne ehtáke iakotatónh꞉ni.”

1 Samuel 2:3

Tó꞉sa isiʼnónwe nonsashatáti shó꞉tsi kwáh ashenáieʼke, tó꞉sa serí꞉hon natatʼkowahnátshera thóh nahontáwe tsiʼtsakáronʼte; asèken ne Roiá꞉ner ne ne Ní꞉io nakwé꞉kon tseoteriéntare, tánon rahón꞉a tsi niʼieweiennótens nónkwe rakontieríhara.