Proverbs 8:12 - Ohiatonhseratokénti

¹² Í꞉ʼi ne Attokháhtshera wakkaʼenionhtsherí꞉io; wátien ne karihonnienníhtshera tánon tetiaʼtorehthaʼtsherí꞉io.

Proverbs 8:12 ပူးပေါင်းရင်းမြစ်များ

1 Kings 7:14

Né roʼníha iáh ónenh tesrónhnhe, né꞉ne Tyre nónhwe nihanákerekwe, rahónha ó꞉ni rorenhnahónkwe ne karístatsi ahohióten; né ronisténha né꞉ne tsi ratiʼtsiókwahien ne Naphtali nonhwehniʼiehiatarákwe. Ne Huram kwáh íken tsi ratenikonhratʼthokhawe tánon rorenhnáhonhne naharistónhni. Wahatʼthóntate tsi nahotátʼtie ne Ronhnonhtí꞉io Solomon tsi wahohonkáron nohénton iaʼthahátaʼne akwékon tsi nenhaterihwathénhtsaʼte ne karístatsis kahioténhseras.

1 Chronicles 28:12

Tahá꞉wen nonʼné꞉e akwé꞉kon tsi nahiotónhake tsi nihotenikonhrónhni natenhenrákonh tánon tsi ionakténions aktatsesónhas, tánon ne tsi ionhtakweniaienthákwas tsi niwasthasónhas ne Ononsatokentiʼkó꞉waʼne tánon nathatawítsheras nenhonwaiatakweʼní꞉ioste ne Roiá꞉ner.

1 Chronicles 28:19

Né Ronhnontí꞉io Táwit wahénron, “Akwé꞉kon kí꞉ken thóh nón꞉we nikáien tsi niwatenikonhrónhni tsi nikaiatónhnions tsi nitsawénon tsi nihonikonhraientháton ne kwáh rahónha ne Roiá꞉ner tkakáwi ne naiáwenhne.”

2 Chronicles 13:14

Né Judahró꞉nons watontkathónhnionwe tánon wahontkátho tsi tehonwatihonwarónhni. Iathotihénrete rahonháke ne Roiá꞉ner nasakoiénawaʼse, tánon ne ratiʼtsihénstatsis wahatihonrawaʼte.

Psalms 104:24

Ó Saiá꞉ner, tsi niʼiaweʼtowánen sahiothénhen! Satʼthokhaʼtsherákon nón꞉we nitsawénon tsi nahothénson akwékon shasahánionʼ ne tsi ionhontsáte titʼthatíhere né ronhnonnhénion sehiaʼtíson.

Exodus 35:30

Mahís washaʼkawénhase Israerʼró꞉nons, “Ne Roiá꞉ner rohiataráhkwen ne Bezalel, né roiénha ne Uri tánon né roteréha ne Hur né꞉ne Judah rahotiʼtárahkon.

Proverbs 1:4

Enkakwé꞉ni aiakorihónnion nónhka iáh teiakoterién꞉tare teniakohswathé꞉ten tánon eniakorihónnien ne kenʼnithotiién꞉sa nahotiʼnikonhrowanénhake.

Proverbs 8:5

Áreʼkok kenh tshiekaié꞉ri tsi nisateʼnikonhríson? Satéweienhst ahsateʼnikonhrísa. Tesatenonhwarorí꞉tonte kenh? Satéweienhst ne aiesaʼnikón꞉rote.

Isaiah 28:26

Asèken kwáh í꞉ken tsi ronwatiʼrihonhniénhni; ne ne raotiní꞉io sakorihhonhniénhni.

Romans 11:33

Tsi nikowánen ne Rawenni꞉io rahotsiokowátseras! Tsi natehionhótes ne rahonikonraienthátsera ó꞉ni neh rahothokhátsera! Ónhka ahiekwéni naienikonraiénthaʼte tsi natehohiatoretánions? Ónhka ahiekwéni naiakonikonraiéntaʼne ne rahoweiénʼnas?

Ephesians 1:11

Oriwakwékon thóh niʼiawén꞉en tsi nihotenikonrónni ne Rawení꞉io ó꞉ni iatehoriwaiéntase; tánon Rawenni꞉io sonkwahiatarákwen ne rahónha rahonkwétha ahkénhake tahionkwateriwasónterake ne Kerístos ne tsioríhwa tsi rahónha ehnihotenikonrónni, neh rokenserákwen tsi nahóten hiatehoriwaiéntase neh kwáh sonthontásawen.

Ephesians 1:8

Neh tsi nithesonkwáʼwi ne wéso iohthónʼon. Akwékon ne Rawení꞉io Rahothotʼkhátseras ó꞉ni tsi nihokenhenhiónʼon

Ephesians 3:10

ehnahontáwe nónwa nikaháwi, neh tsi ionterenʼnaientákwa neh ahkarihónni neh rathironhiakerónons nahontéweienste kí꞉ken, tsi nihatʼthóka ne Rawenni꞉io neh kwáh tsík nahóten ahkénhake.

Colossians 2:3

Raónha ne kanontónkwa í꞉ken ne kanontétshons akwé꞉kon ne wahshetánions atsiokowáhtsheras ne kariwakwarishióntshera ó꞉ni ne aʼthokhátshera.