Proverbs 6:32 - Ohiatonhseratokénti

³² Tókaʼ ká꞉ti ne rón꞉kwe enhatenahkwaié꞉sahteʼ ne kén꞉ton iáh tehoʼnikòn꞉ra. Kwáh nek ne enhatatkarón꞉ni tsi rónhnhe.

Proverbs 6:32 ပူးပေါင်းရင်းမြစ်များ

Genesis 41:39

Katiʼ ne Pharaoh wahawènhahse ne Só꞉se, “Tsik sénhak ne Rawenni꞉io tsi akwé꞉kon nieianaʼtón꞉ni kí꞉ken, tsi iáh ónhka tho niió꞉re ne thé꞉nen iaieièn꞉tereʼne tánon naionteʼnikonhrattókhake tsi ní꞉se ní꞉ioht.

Exodus 20:14

“Tó꞉sa satenakwaʼiésat.

Proverbs 10:13

Ón꞉kwe ne iakoʼnikonhrowá꞉nen karihwí꞉ioʼs tsi enhontá꞉ti, nok ne iáh tehotiʼnikonhraientátskon teiotonhwentsóhon nahonwatihré꞉wahte.

Proverbs 10:21

Tiakorihwaié꞉ri akowennaʼshón꞉ʼa wé꞉so eniakoiaʼtakéhnha nón꞉kwe, ók ní꞉se enhskwé꞉ni enhsatatenonhwarhiakon tsi nisanonhwaró꞉ri.

Proverbs 11:12

Teiotenonhwarorí꞉tonte ónhka ahshekenhrenʼserón꞉ni. Tókaʼ tesaʼnikonhráhthe thaʼtensató꞉tate kiʼ.

Proverbs 12:11

Raiénthohs ne rotsteʼniá꞉ron wé꞉so kiʼ enhoién꞉take nahò꞉ten à꞉rake nok ne tehotenonhwarorí꞉tonte ratenhniserakaiónhstha iáh oʼthé꞉nen tekariʼwáhsta tsi nihatiéhrha.

Proverbs 2:2

Satahónhsatat tsi nahò꞉ten wattokhahtsherí꞉io tánon sateʼnién꞉ten naiesaʼnikonhraièn꞉taʼne.

Proverbs 24:30

Waʼkéhson tsi thothéhtaien ne rentóhrha tánon tehotenonhwarorí꞉tonte tsi nón꞉we thoiénthon ne oʼnénhare.

Proverbs 6:33

Enhatatshennáksaʼte tánon enhonwário; ienwatkón꞉tahkwe tsi enhatéhen.

Proverbs 8:36

Nónhka iáh thaiontiaʼtatshén꞉ri eniontatkarón꞉ni; nónhka iónkswenhs konwanorónhkhwa ne kenhé꞉ion.”

Proverbs 9:4

“Tasewatáweiaʼt ne iáh tesewattókha tánon ne sewanonhwaró꞉ri!” Tánon waʼí꞉ron,

Jeremiah 5:21

Sehwatennikonhráhren, í꞉se ne tesehwatenonhwaroríhtonʼte ó꞉ni thisehwathónnokʼte tiónkwe, ne sehwáhken, ók iáh tesehwahkwénies nahisehwatʼkátho tánon tesehwahonthakáronte, ók iáh tesehwahkwénies nahisehwatʼthónteʼne.

Jeremiah 5:8

Thóh nihonnonhnhóten tsi ní꞉ioht ne tehanénhia koshá꞉tens kwáh rahonnhinekénʼen, shathihiatátʼtion konhwahnaskáneks ne tehonnonhsahnékens iothihiátʼkonhs.

Ezekiel 18:31

Sehwatiakwahrísi akwékon ne kariwáksenhs tsi nisehwahtieránion, tánon áse sahtiónhni ne sehwahnikónhras ó꞉ni ne sehwéris. Onhnonhtséren ní꞉se Israerʼró꞉nons tsi ísehwere nahisewénheie?

Hosea 13:9

Kwáh enkonhiatónhte, O Israel; ónhka aiekwé꞉ni naiesaiatakéna? Asè꞉ken í꞉i ne saienawaséhtshera í꞉ken.

Hebrews 13:4

Ne kaniá꞉tshera kwáh onhkweʼtakwé꞉kon tsi teiotonwentióʼon naʼieriwahkweniénstake, tánon ne rotiniátʼkons ó꞉ni ne iotiniákons ioteriwíson ne ahotirihwahtokénhake tsi naʼtehónteron. Rawenni꞉io enshakoréwahte nónka ne ieweienʼnáksen ó꞉ni ónhka ne iontenakwaiesátha.