Proverbs 6:24 - Ohiatonhseratokénti

²⁴ Enwá꞉ton é꞉ren enhsatatiaʼtenhá꞉wihte ne iáh tetiotirihwaié꞉ri, ne kí꞉ken iotiniáʼkhon aotiwennaʼshón꞉ʼa naiakonahskanékten ne ronnón꞉kwe.

Proverbs 6:24 ပူးပေါင်းရင်းမြစ်များ

Genesis 39:8

Ók iáh tehothontá꞉ton tánon wahrènhahse ne róhnhaʼs ró꞉ne, “Satahónhsatat, tsi kén꞉en í꞉keʼs, ne rakéhnhaʼs kwáh iáh oh thé꞉nen thaʼtehotateʼnikónhrhare tsi niioterihwatié꞉ren ne kanónhskon, tánon kwáh akwé꞉kon tsi nihó꞉ien tsi Í꞉ʼi rakatahkweniaién꞉ni.

Proverbs 2:16

Enhskwé꞉ni taseriwihiahse ne ión꞉kwe iorihwanerenʼákskon tsi ní꞉ioht tsi enwatá꞉ti kawennaweiénhon tsi ní꞉ioht tsi aontesaʼnikonhratihéntho, enwateʼnién꞉ten karihwanerenʼèn꞉ke niaʼiesaiaʼténhawe,

Proverbs 5:20

Konién꞉ʼa oh niiontié꞉ren nakó꞉ren iakón꞉kwe aontahshé꞉ion sanoronhkhwáhtshera? Oh niiontié꞉ren tsi ne sénha ahserá꞉ko ne ieieronʼtí꞉io nakó꞉ren ró꞉ne?

Proverbs 5:3

Tókaʼ nakó꞉ren ró꞉ne tahshakonoronhkhwánion tókaʼ nón꞉wa thóh naʼteiotsikhé꞉tare tsi ní꞉ioht ne óshes tánon tenhonwanoronhkhwánion thóh ní꞉ioht né꞉ʼe naʼteiotsikhé꞉tare,

Proverbs 7:21

Wahoskanékten ká꞉ti, tsi naʼteiowennatsikhè꞉tare tsi ní꞉ioht tsi ióhthare tho kiʼ niahoʼnikonhrénhawe.

Proverbs 7:5

Ne kí꞉ken enkenikwé꞉ni nahsatatiaʼtohtáhrho nakó꞉ren ronnón꞉kwe rotiniá꞉kon tánon kí꞉ken konnón꞉kwe teiotiʼwennatsikhè꞉tare tánon naiesaʼnikonhrotá꞉ko.

Ecclesiastes 7:26

Waketʼtsénri knahótenk sénha ionikonhráksat tsi ní꞉ioht ne kenhéion—né iónhkwe né thóh nihiónnhothe tsi ní꞉ioht ne waterísthaien. Né kanoronhkwáhtshera thiʼsáwis kwáh thóh ní꞉ioht tsi ensahiéna tsi ní꞉ioht ne ahá꞉re, tánon ne kanenhtsáke ne tesahwahnákʼthon thóh ní꞉ioht tsi ensahiéna tsi ní꞉ioht noronhkwása. Né rónhkwe ne thonikonhraiérits ne Rawenni꞉io enhakwéni nahatèko, ók kíʼ enhiakohiéna nenènhʼne ne rotiriwáhneren.