Proverbs 6:23 - Ohiatonhseratokénti

²³ Tsi nahò꞉ten iesahró꞉ri ne shá꞉ka ne teiohahseráthe; ensaháharahte ensahró꞉ri tsi ní꞉ioht tsi tkariwaié꞉ri nahshónhnheke.

Proverbs 6:23 ပူးပေါင်းရင်းမြစ်များ

Genesis 39:8

Ók iáh tehothontá꞉ton tánon wahrènhahse ne róhnhaʼs ró꞉ne, “Satahónhsatat, tsi kén꞉en í꞉keʼs, ne rakéhnhaʼs kwáh iáh oh thé꞉nen thaʼtehotateʼnikónhrhare tsi niioterihwatié꞉ren ne kanónhskon, tánon kwáh akwé꞉kon tsi nihó꞉ien tsi Í꞉ʼi rakatahkweniaién꞉ni.

Psalms 119:105

Né sawénhna né꞉ne iehaserénhas í꞉ken tsi nónhwe nikhatahitáhas tánon ne tekaswatthétha tsi nón꞉we niwatkháte.

Psalms 119:130

Tsi nikanikonraʼientátha ne sahrihonhnienhnítsheras tekaswathétha, tánon tsiakohawithénhnis natenikkonrahthokhátshera ronhnonháke ne ronhthatonkwetowahnáhtha.

Psalms 141:5

Sehríhon ne rotirihwakwahríshions ahionkatewenhnaiéntonhwe; seríhon ne rotirihwató꞉ken tiontʼkerihwakwahríhshias. Tó꞉sa nonwénhton ne raonénhie ne ronhnonkwetahét꞉kens ne ahionkenontsistókaʼwe, asèken nakaterénhnaient iehiorihwakonhtákwen tsi kát꞉konte tsi nihatiweienhnák꞉sens.

Psalms 19:8

ne raotsiawenhrá꞉tseras ne Roiá꞉ner tsi tkarihwaiéri í꞉ken, Iotsenhnonniaténhnis nawéri; ne raorihwá꞉tatʼtseras ne Roiá꞉ner teioswát꞉te í꞉ken, tánon tiówis ne kanikonhraienthátsera nonikónra;

Proverbs 10:17

Ón꞉kwe ne eniontahónhsatate naiontaterihwakwaríhshien eniakónhnheke, nok ónhka iáh thaierihwaié꞉na tsi teienióhskenʼs, iótteron kiʼ ne raotirihwà꞉ke.

Proverbs 15:24

Nón꞉kwe ne teiakoʼnikonhráthe ne enionthahíta ne iónhnhe ne è꞉neken nieiawé꞉non, iáh ki tsi niiohahó꞉ten ne ehtà꞉ke ne nieiawé꞉non kenhé꞉ion.

Proverbs 15:31

Tókaʼ kwáh tokén꞉ʼen enhsatahónhsatate nónhka naiesarihwakwaríhshien, tesaʼnikonhráthe kiʼ.

Proverbs 29:15

Ahsherihwakwaríhshien tánon ahsheháharate ioiánere ne ratiksaʼokón꞉ʼa, raotirihwà꞉ke. Tókaʼ ronnónha enthonnónhton enhshakonatéhaʼte ne shakotiʼnisténha.

Proverbs 3:18

Nónhka aieié꞉na attokháhtshera ronatonhnháhere; attokháhtshera entiaka꞉wen natónhnhets.

Proverbs 4:13

Tiótkon sehià꞉rak tsi nahò꞉ten wahseweientéhtaʼne. Kaweientehtáhtshera né꞉ʼe ensonhnhéhkwen—senónhstat ká꞉ti.

Proverbs 4:4

Rakeʼníha rakerihonnién꞉ni, wahèn꞉ron: “Sehià꞉rak tsi nahò꞉ten enkí꞉ron tánon tóhsa nonwén꞉ton sasaʼnikónhrhen. Tho ná꞉tsehr nahò꞉ten enkonhró꞉ri tánon enhshónhnheke.

Proverbs 5:12

tánon enhsí꞉ron, “Oh niiotié꞉ren tsi iáh nonwén꞉ton tshiakeweientéhtaʼne? Oh niiotié꞉ren tsi iáh nonwén꞉ton tewakathontá꞉ton nónhka aiontianakwaríhsi?

Ecclesiastes 7:26

Waketʼtsénri knahótenk sénha ionikonhráksat tsi ní꞉ioht ne kenhéion—né iónhkwe né thóh nihiónnhothe tsi ní꞉ioht ne waterísthaien. Né kanoronhkwáhtshera thiʼsáwis kwáh thóh ní꞉ioht tsi ensahiéna tsi ní꞉ioht ne ahá꞉re, tánon ne kanenhtsáke ne tesahwahnákʼthon thóh ní꞉ioht tsi ensahiéna tsi ní꞉ioht noronhkwása. Né rónhkwe ne thonikonhraiérits ne Rawenni꞉io enhakwéni nahatèko, ók kíʼ enhiakohiéna nenènhʼne ne rotiriwáhneren.

Ecclesiastes 7:5

Sénha tsioiánere né꞉ne ronhtenikonhratʼthókʼkha aiesatewenhnaiéntonhwe tsi ní꞉ioht ne thonathónhnokthe tahiesarihwáhkwaʼse tsi taiesanonhweráton.

Isaiah 8:20

né꞉ne karihonhnienhnítshera tánon ne tionthateriwiʼiostenhnítha?” Orihwiʼiohónwe, tsi niiákon ne kí thóh ní꞉ioht tsi iontátis kwáh kí iáh tahiakoiéntahne nahiakórenhne!

Jeremiah 21:8

Ethóhʼne ne Roiá꞉ner wahatró꞉ri nakheiénhaʼse nonhkweshón꞉a, “Sewathahónshaʼtat! Í꞉i, ne Watiá꞉ner, tkwáhwis naʼisehwahthateráhkwaʼse tsi nahtetsiátere tsi niehiotʼthahínonh ne iónhnhe tánon tsi niehiotʼthahínonh ne kenhéien.

Ezekiel 20:11

Thakhéhion nakatiawenhráhtsera tánon wakherihónhnien natianerénhsehras, né꞉ne tkáhas natónnhets nónhka enhiontewénhnahrahkwe.

Leviticus 19:17

“Tó꞉sa sehiatkonhsanósten nakorénson, ók sewarihwasehrónhni tsi naʼtesewátere, né káti ne tó꞉sa ahiʼsewarihwánerake ne ronónha ahatiʼrihónhni.

2 Tiér 1:19

Ne káti ónen sénha ísinon nihionkwanikonraníron nateriwanothátshera tsi nihotirihowanháton ne rohtitokenséhakwe. Kwá íken tsi ensaianerásten thóka kwá ákta tsi ahsatennikonráren, tioríwa tsi kwá neh꞉ne kahásera teioswatʼthéton tsi tetiókaras tsi nióre iatenioswátʼthene noronké꞉ne tánon ne teioswátʼte noronkeʼnéha otsísto iateioswátteton ne seweriánes.

Revelation 2:5

Sashehiá꞉ra káti tsi nahó꞉ten ní꞉se tisahiathénton; sashatatré꞉wat, tánon ne shasateriwathénʼtsiat ne kahioʼténhsera tsi nisahió꞉tekwe ne tiotierénhton. Tó꞉ka iáh, kwáh Í꞉i í꞉seke niénheske tánon é꞉ren ensetkhá꞉wite ne sáwenk wathaseranihiontháhkwa tsi nón꞉we niká꞉ien, nok khók tó꞉ka ken enseshatatré꞉wate.