Proverbs 6:12 - Ohiatonhseratokénti

¹² Iáh shaʼtékena té꞉ken tsi nihatiiaʼtó꞉ten ne rotirihwaneraʼákskon ne tsi tió꞉konteʼ ronnonwenhtánions.

Proverbs 6:12 ပူးပေါင်းရင်းမြစ်များ

Psalms 10:3

Asèken ne ronhkwetahétken ne tehaterenhsaronkwáhtha tsi nithaskáneks ne raweriá꞉ne tsi nikáien né ronwatinénskwas nakorénson rontewenhnaksátha tánon ronwakenrónhni ne Roiá꞉ner.

Psalms 10:7

Ne tsi raʼshahkáronhte ne titkáhere ne karihwanirát꞉tsera tánon kanikonrá꞉ton ó꞉ni karonhiakénsera; né renhnasákon né꞉ne iotakónhta tánon karihwahetkénsera.

Psalms 101:3

iáh thakatʼtónhtate nakatiátaren nahó꞉ten ne iáh tetkarihwaiéri ó꞉ni tsi nahóten ne iáh othènen tekariwástha. Khéshons tsi nihiákon ne iáh teiakorihwató꞉ken rahonháke ne Rawenni꞉io; kwáh enkheiaʼtsiatonhtákwahse.

Psalms 36:3

Nó꞉nen enhontáti akwékon tehiotsákton í꞉ken tánon kanikonhráton; iáh ó꞉nen né teshotihiótens nahó꞉ten ne tkarihwaʼiéri tánon ioiánere.

Psalms 59:7

Satkátho tsatehotihenrétha, rotiwenhnotí꞉ies tsi ní꞉ioht nasarekó꞉wa asèken “Ónhka ónhte” tsi ronhnontón꞉nions “Kwáh enhionkhiʼiathónteʼne?”

Proverbs 10:32

Thotirihwaié꞉ri kawenní꞉ioʼs nahò꞉ten enthatiwennínekenʼne nok ne ronnonkweʼtáksenʼs nek ne thatiwennínekenʼs ne ahshakotiʼnikonhrakaré꞉wahte.

Proverbs 11:6

Ne kaiánere iakoʼniakénhtha nónhka iakorihwakwaríhshion, nok tókaʼ ónhka iáh thahsheniáhese ronnónha enhontátnerenke ne tsi nihonatétshen.

Proverbs 16:27

Nón꞉kwe ne iáh tethotirihwaié꞉ri ronné꞉saks ne ahshakotikarón꞉ni nakotiaʼkéhshon; ók ó꞉ni wátshaʼahs tsi thatiwennínekenʼs.

Proverbs 16:30

Seʼnikón꞉rarak nón꞉kwe rotikonhsaiéhshon tánon rontkahrokeríkhons tsi teiesaká꞉nere; karihwáksen tsi nahò꞉ten ronnonhtonniónkwas.

Proverbs 17:4

Nón꞉kwe ne iáh tetiakorihwaié꞉ri ne iontahónhsatats nahò꞉ten karihwáksenʼs, tánon ne rotinó꞉wenʼs onó꞉wen ne rontahónhsatats.

Proverbs 2:12

Ensaiaʼtakéhnha ne tóhsa tho náhshiere tsi nahò꞉ten iáh tetkaié꞉ri. Ensaiaʼtohtáhrho tsi nón꞉we nihón꞉nes nón꞉kwe ne ratiritstonhnis tsi nahò꞉ten enhonnì꞉ron—

Proverbs 3:32

Ne tsi ne Roiá꞉ner ráhswenhs nónhka iáh tetiakorihwaié꞉ri nok ne tionkweʼtaié꞉ri kwáh otokén꞉ʼen tsi entehshakawéhtahkwe.

Proverbs 4:24

Tóhsa nonwén꞉ton tsì꞉ron nahò꞉ten iáh tó꞉kenhske té꞉ken, tóhsa thé꞉nen satsté꞉rihst nahò꞉ten ne onó꞉wen tánon ne owennaʼshón꞉ʼa naiesathaharákwahte.

Proverbs 6:14

Tió꞉konteʼ nek ronnonhtonniónkwas nahò꞉ten ioʼtáksen nahshakotikarón꞉ni tsi nón꞉we nienhón꞉ne.

Proverbs 8:13

Nó꞉nen entskwénienhsteʼ ne Roiá꞉ner, énhtswen kiʼ ne karihwáksen; íhkswens naʼkatkáhtho tsi nihatiweiennò꞉ten nónhka iontatón꞉ni, ó꞉ni ne karihwanéren tánon ne owennaʼshón꞉ʼa ne kaʼnikonhrhá꞉ton.

Jeremiah 24:2

Ne tiotsierénton áthereh né ne kwáh wahí꞉ios ne wisonkówahs wahʼhihtárion, ne ne tiothihénton iohiaríhon; nó꞉ia áhthereh ne ne wahʼhihtárion ne wahʼhiáksens, sóhtsi wahhiáksen nahiónhiake,

Matthew 12:34

Seȣaȣatsiraksenskȣa, oh nahoni naiaȣenne naontakariȣaierike tsi aeseȣatati, akȣase tsionkȣetaksen, aseken tsinitkananon naȣeriane eh kiniiot tsi ienȣatati naȣennasa.

Acts 20:30

Ienwatenniseríhewe ótsiakes ne ronnónkwes ne kwáh í꞉se sewentiókwakon enhonnowentánion nehne iasakothihiaténhawe nahonwanatsiatáraʼse.

1 Timothy 5:13

Tánon ó꞉ni wahkontirén꞉na nakontenniseratiésaʼthe tsík non iehiotinonsokàton; onk sénha wahétken, wahkontirén꞉na nakontsiokentónni ó꞉ni nakontiritsʼtónni, neh iotitarákwen nahóten ne iáh tathehiothonwentióʼon.

Ne꞉ne Sák Rohiaton 1:21

Kwáh káti akwékon éhren sháwit tsi nahótens ne tehioweienʼnátsions ó꞉ni akwékon nahótens ne kariwahétkens. Rawenniʼióke nòkwati niaháse tánon tiéna nowennasónhas tsi nihaiéntos ne seriá꞉nes, né꞉ne iokwénion ahonsehsaniákente.

Ne꞉ne Sák Rohiaton 3:6

Tánon kíʼ nawenʼnáson kwá né꞉ne ótsire. Kwá ohontsiakwékon tsi iáh tetkaiéri, thóh nón nihiotienawáston nonkwaiéronke tánon ne tehioreniáton ne wahétken ne tewahiatakwékon. Kwá enhiotsirótake tsi nikaríwes entiónnheke, nótsire kwá onèson nón nitewétha tsi hioʼtsiénnis.

1 Samuel 17:28

Ne thoksʼténha rotsíha Eliab wahothónhtene tsi tehotíthahre ne rón꞉kwe; tánon ne Eliab kanakwáhtshera tahkatsiró꞉ten tsi nó꞉kwah ne Táwit. Wahén꞉ron, “Onh nonhtiéren tsi kénʼen nontáse? Ónka washeiatiéten ne thí꞉ken thohʼkárah nikónton teiotinakarontón꞉ʼahs ne thóh iahonwenhtsiaʼthénhake tkón꞉nes? Wakateriéntahreh tsi nisatátʼthareh (tsi kenekerotsotáhrok nashiatóten) tánon tsi niserhiasákʼsen; asèken ní꞉se tsi táhse nék khók nasatʼkátho nateriʼiósera.”