Proverbs 5:16 - Ohiatonhseratokénti

¹⁶ Nónhka akó꞉ren iakón꞉kwe shewirá꞉wi iáh kiʼ ní꞉se thé꞉nen thaʼshatshennonniátahkwe.

Proverbs 5:16 ပူးပေါင်းရင်းမြစ်များ

Genesis 24:60

Tánon waʼontatiaʼtaté꞉rihste ne Rebekah, tánon waʼkonwènhahse, “Tewatenró꞉shen, í꞉se ne kaʼnisténhsera ahsá꞉ton ne tewenʼniaweʼehtsheráhsen ne oié꞉ri tewenʼniaweʼehtsherá꞉sen; aiá꞉wens tsi nienhsathwatsí꞉rine nahshakotiʼshén꞉ni ne kanatowá꞉nenʼs nón꞉we ne ronwatíhswens!”

Psalms 127:3

Tsi iakonekenteronhtseraientáhon Roiá꞉ner nónh꞉we nitsawénon, né꞉ne tsi nahó꞉ten iotonnhéton ne tsi watewirahrá꞉kwah né teiakoterihwasehrákwahse.

Psalms 128:3

Ní꞉se tánon ne teseníteron kwáh wé꞉so enseniwiraiénhtaʼne; tánon ne ratitsaokónhas kwáh enhonatsoʼkowánenhke ne satekwahraʼtserák꞉ta.

Psalms 68:26

“Tehonwanonweráton ne Rawenni꞉io thóh tsi nikentsiokowáʼnen iakoterénhnaien, tehonwaʼnonhweráton ne Roiá꞉ner, sewaʼkwékon ne Israeronónke nón꞉we nitisewatwatsiríhnon!”

Proverbs 5:15

Shekweniénhsthak ne tesenì꞉teron tánon ne sanoronhkhwáhtshera akaonhá꞉ʼa khók tashé꞉ion.

Proverbs 5:17

Ioterihwíson sheienʼokón꞉ʼa nó꞉nen enhontehiá꞉ron ne aiesaiaʼtakéhnha, iáh nakó꞉ren nón꞉kwe ne iáh tesheienté꞉ri.

Proverbs 5:18

Satshennonní꞉hak ká꞉ti tsi saniá꞉kon tánon enhsetshén꞉ri atonhnharáhtshera tsi kí꞉ken iakón꞉kwe seniniá꞉kon—

Proverbs 9:17

“Né꞉ne kahnekanénhskwen sénha ne teiotsikhè꞉tare. Kanaʼtaranénhskwen sénha iawékon.”

Song of Songs 4:12

Tsi kahétaien kanientaron nakorihwáke iatiatenosénha akoʼriwáhke, atsikéta, tsi kahétaien kanientaron, kaʼron tsi tionékote.

Song of Songs 4:15

Ne ne tsi kahétaien ionhékote, ionáʼweroʼte ne iónnhe onékanos, tanon ne waknhekíne kaionhatátse tsi nitsawénon Lebanon.

Isaiah 48:21

Iáh teotiniaʼtatʼthénʼen nó꞉nenh shaʼsakohéntenhse ne iaʼhonwenhtsaʼthénhake; tahanekóten nosthenràke ne raotirihwá꞉ke; waʼtatsthenró꞉ren tánon takanawí꞉nekenʼne.

Deuteronomy 33:28

Káti tsi nienhatwatsí꞉rine ne Jacob skén꞉nenk tsi ronhnónhnhek, ioriwí꞉iot ne rahononhontsà꞉kes ne ahiotón꞉nike ne kwáh wé꞉so onátsa ó꞉ni ne onenharataʼsehontsherákeri, ne tsi iohaweieiástha né꞉ne tsi karonhiá꞉te ionekanóntens nonhóntsa.

Judges 12:9

Asenhniwáhsenh niháti ronekenhteronhtseraiénthaʼkwe tánon asenhniwáhsenh nikónhtiʼkwe rohiathasetseraiénthaʼkwe. Waʼshakoríhon ne sakohiohokónhas nahiotíniake nátsthe tsi nahothitaroténhsons tánon asenhniwáhsenh kíʼ kónhti nitsotihiónhsas tashakohiathénhawe né iáh rahotitarákons tekonhtihiátaraʼkwe nahotíniaʼke ne rahonekentherashón꞉as. Ne Ibzan tsáta nihioseráke washakohéntenhse nʼIsraerʼró꞉nons,