Proverbs 5:11 - Ohiatonhseratokénti

¹¹ Sanaktà꞉ke enhshiaʼtión꞉nike saronhiá꞉ken tsi nishihé꞉ions, saʼwá꞉ron tánon shaierón꞉ta akwé꞉kon enwatekhwísa,

Proverbs 5:11 ပူးပေါင်းရင်းမြစ်များ

Proverbs 2:19

Né꞉ʼe ónhka ienkonwanatahré꞉nahse, iáh kiʼ nonwén꞉ton thaʼtaontaiónhkete, iáh nonwén꞉ton tshiaonsá꞉rawe tsi nón꞉we tioháhonte ne ronnónhnhe.

Proverbs 5:10

Hen, thiionkwè꞉tate ienhatíhawe satshoʼkowáhtshera, tsi nahò꞉ten saioʼtén꞉ʼen akó꞉ren akó꞉wen enskénhake.

Proverbs 5:12

tánon enhsí꞉ron, “Oh niiotié꞉ren tsi iáh nonwén꞉ton tshiakeweientéhtaʼne? Oh niiotié꞉ren tsi iáh nonwén꞉ton tewakathontá꞉ton nónhka aiontianakwaríhsi?

Proverbs 7:23

tsi nón꞉we ne kaièn꞉kwire tenwáweste awerià꞉ne. Thóh ní꞉ioht ne ráonha tsi ní꞉ioht ne tsítenha waʼoié꞉na aʼá꞉rakon—iáh tehattókas tsi iótteron tsi rónhnhe.

Jeremiah 5:31

tsi rontáhtis ne rotitó꞉kense nék khók nohnhówenhs; ne rothikháres enhatísehre tsi nenhthontáti ne rothitó꞉kense, tánon nahkonhkwetaʼshón꞉a iáh thahóten tehathirihwáhiaks. Ók káti nenhatí꞉iere nónenh ienhónnewe tsi iehiótokte?”

Numbers 5:27

Tó꞉ka iotenaʼkwahiesháton, noné꞉kanos kwáh íken tsi tehiotenonhianíton tsi enhioronhiá꞉kenthe; né kanekwenhtáke kwáh enwató꞉we tánon ne kaʼnitʼtshákes enwaʼtókerihke. Naosénhna enkarewáthonke tsi nòkwah nahonkwetashón꞉ʼas.

Romans 6:21

Kwáh oriwihioʼónwe iáh thènen tesewaienáhon onhnahóten nahioʼiánereke tsi naʼohrihoténsons nónwa tsi sewatéhens? Kenhéion iewathihénthos neh naohrihoténsons!

Deuteronomy 32:29

Iáh tehathikwénies nahontkátho nonhtié꞉ren tsi ronhwathishén꞉nion; iáh tehathikwénies nahotinikonhraiéntaʼne tsi nihiá꞉wenhen.

Hebrews 13:4

Ne kaniá꞉tshera kwáh onhkweʼtakwé꞉kon tsi teiotonwentióʼon naʼieriwahkweniénstake, tánon ne rotiniátʼkons ó꞉ni ne iotiniákons ioteriwíson ne ahotirihwahtokénhake tsi naʼtehónteron. Rawenni꞉io enshakoréwahte nónka ne ieweienʼnáksen ó꞉ni ónhka ne iontenakwaiesátha.

Revelation 21:8

Ók ne roʼnát꞉tsens, ne iáh teotí꞉ien ne tewetá꞉kwen, ne teotihiatátions, ne sakonaséh꞉thas, ne roʼthí꞉teha, ne rontahenná꞉ras, ne rontenakwaiesáthas, tánon ratikwé꞉kon ne rotinhó꞉wenhs, ne raotinák꞉tes kwáh thóh nón꞉we tsi kaniatá꞉re ne iotékhas nótsire ó꞉ni iontenatentástha, ne né꞉tho ne tekeníhaton kenhé꞉iat.”

Revelation 22:15

Akste ne kanaʼtó꞉wanenhke thóh ronhnes érhar tánon rontenhenhná꞉ras tánon ne tihó꞉thiteha tánon sakoná꞉sehthas tánon ne rontená꞉kwahiesathas, tánon tsi niiakon ne ienón꞉wes ó꞉ni ne ahiakoioten nonhó꞉nenhs.