Proverbs 4:5 - Ohiatonhseratokénti

⁵ Saièn꞉taʼn ne attokháhtshera tánon iekakaʼeniónhon! Tóhsa sasaʼnikónhrhen tókaʼ ó꞉ni é꞉ren ahshá꞉wihte tsi nahò꞉ten waʼkì꞉ron.

Proverbs 4:5 ပူးပေါင်းရင်းမြစ်များ

2 Chronicles 34:2

Né wahohióten tsi nahó꞉ten naʼhawerienhtí꞉iosthe ne Roiá꞉ner; né waʼhá꞉sehre tsi thonhtahatenienténhste ne rosotkénʼen Táwit, kwáh í꞉ken tsi rotewenhnarahkwenhátse akwé꞉kon ne raoʼianerénhsera ne Rawenni꞉io.

Job Tánon ne Raoronhiakensera 23:11

Rihshé꞉re tsi naʼtewakatekhahakwenhátie tsi nón꞉we natehashiʼtaierón꞉ni; wakatienawáston ne raoweién꞉nas tánon iáh thatesewakatkaraténion.

Psalms 119:157

Tsi nihonatsiokowánen ne iónkshons tánon ionhkeronhiakéntha, ók iáh kí tewakerihwanórons nakatewénhnarahkwe ne saianerénhseras.

Psalms 119:51

Né ronhtatónhni kwáh tiókonte tsi kaieronhseráhkon ionhkónhnis, ók iáh kíʼ éhʼrenh tewakéton tsi nón꞉kwah ne saiá꞉nerensera.

Psalms 44:18

Iáh kʼiʼ tekwanikonhrathénhni, iáh tehionkwatenowénhton ne sarihwatátʼtseras.

Proverbs 16:16

Kwáh sénha ísiʼ non tsi ioiánere nashiena nattokhahtsherí꞉io tsi ní꞉ioht noʼ ohwistanó꞉ron. Nashena kanikonraienthatshera tsi aiesaiatarakwen tsi niiot ne kawistaráken.

Proverbs 17:16

Iáh thetekáhsta ahshatwistakarón꞉ni ahtsheweientéhten ne rononhwaró꞉ri aseʼkénh iáh tehoʼnikonhraientá꞉tskon.

Proverbs 18:1

Nón꞉kwe ne iáh tehontén꞉ros nakohrèn꞉shon rononhá꞉ʼa khók rontaté꞉iahre; akwé꞉kon ratirihwáiaʼks tsi nahò꞉ten akohrèn꞉shon ronaterién꞉tare nahò꞉ten tkariwaié꞉ri.

Proverbs 19:8

Thaʼsatateweientón꞉hahs satéweienhst tsi ní꞉kon enhskwé꞉ni; sehià꞉rak nahò꞉ten wahseweientéhtaʼne sók ensakwáhtsheʼne.

Proverbs 23:23

Ne orihwí꞉io, attokháhtshera, karihonnienníhtshera tánon wanonhtonnionhtsherí꞉io ne kí꞉ken akwé꞉kon shaʼtékena nahskáriaʼke, nok só꞉tsi wé꞉so shaʼtékena nahsatenhní꞉non.

Proverbs 3:1

Konién꞉ʼa tóhsa sasaʼnikónhrhen tsi nahò꞉ten enkonrihónnien. Tiótkon sehià꞉rak thóh náhshiere tsi nahò꞉ten enkonhró꞉ri.

Proverbs 4:7

Naiesaién꞉taʼne ne attokháhtshera né꞉ʼe aonhá꞉ʼa tiorihowá꞉nen tsi nénhshiere. Tókaʼ ó꞉ia nahò꞉ten aiesaién꞉taʼne, ne kiʼ saièn꞉taʼn ne iekakaʼeniónhon.

Proverbs 8:5

Áreʼkok kenh tshiekaié꞉ri tsi nisateʼnikonhríson? Satéweienhst ahsateʼnikonhrísa. Tesatenonhwarorí꞉tonte kenh? Satéweienhst ne aiesaʼnikón꞉rote.

Ne꞉ne Sák Rohiaton 1:5

Nók tóhka ónkak tsi nítion tisewatótʼtani ne kanikonraienthátsera, teʼiontonwentióʼon Rawenniʼióke iasewaterénnaien, rahónha enthetsítion; asèken ne Rawenni꞉io kwáh raweriáne nitewétha ó꞉ni atanitentserákon tsi ákwe tesakówis.