Proverbs 4:26 - Ohiatonhseratokénti

²⁶ Ioianeréhak tsi ní꞉ioht tsi enhsateʼnikonhrísa tánon tsi nenhsátiere akwé꞉kon entkaié꞉rine.

Proverbs 4:26 ပူးပေါင်းရင်းမြစ်များ

Psalms 119:5

Ó tánon tsi nikeweienhnótens aiáwens aiorihwatokenháken ahonkatienawastónhake ne sarihonnienhnítseras!

Psalms 119:59

Tewatiatoréton tsi nikewehienhnó꞉ten, tánon káti wahkaráhratsʼte tsi énkshere ne sarihonhnienhnítsera.

Psalms 37:23

Ne Roiá꞉ner shonkwanikonrahrháties tsi niʼiohahóten tsi niaʼíhtewe tánon theshakónes tsi niʼiákon ne entʼtonwahnikonraiérithe.

Psalms 40:2

Sahatiatathatáko tsi iotʼtionwáʼien ne kenhé꞉ion, éhren sahatiatenháwite tsi nón꞉we ne ionesaronkówaks, tánon ostʼthenrakwenkaráke nón꞉we natonsahátʼtaste, tánon iahontsaníron tsi nón꞉we natonhsakatekháhaʼkwe.

Proverbs 15:21

Nón꞉kwe ne iáh thaʼteiakoʼnikonhráthe ronatonhnháhere tsi rotinonhwaró꞉ri, nok ne ronttokhahtsherí꞉io eʼthó nihatiiérha tsi nahò꞉ten tkariwaié꞉ri.

Proverbs 21:29

Nón꞉kwe ne tionkweʼtaié꞉ris kwáh tokén꞉ʼen ronaterién꞉tare nó꞉nen tkariwaié꞉ri tsi nihontiéhrha; nok ne iáh tetionkweʼtaié꞉ris shakotininonhwaroriʼtón꞉nis nakorèn꞉shon tsi nihontiéhrha.

Proverbs 23:19

Satahónhsatat, konién꞉ʼa, sattokhahtsheriióhak tánon kwáh tokén꞉ʼen sanonhtonnión꞉ko tsi ní꞉ioht tsi sonhnhétie.

Proverbs 4:25

Énska tsi nón꞉we iaʼsatkáhtho saʼnikonhrahnirónhak tsi sarihwakwaríhshion; tóhsa tasatenià꞉renht nahsatéhen.

Proverbs 5:21

Roiá꞉ner akwé꞉kon tehaká꞉nere tsi nihsatiéhrha. Tsi nón꞉we nienhén꞉se, iaʼnikón꞉rare.

Proverbs 5:6

Iáh thóh nón꞉we teiothahitáhkhe tsi nón꞉we ne ionhnheʼón꞉we; wathaharákwas, tánon iáh teioterién꞉tare oh niiawenʼenhátie.

Ezekiel 18:28

Enhátʼthoke tsi nihatiérah tánon enhátkaʼwe tsi roriwahnerahakʼkhonháties, káti kwáh iáh tharénheie, ók enhrónhnheke.

Haggai 1:5

Nón꞉wa rá꞉ton ne Sakoiá꞉ner ne ratironhiaʼkehró꞉nons: Tesewaiaʼtó꞉ret tsi ní꞉ioht tsi tionnhétie.

Haggai 1:7

Káti rá꞉ton ne Sakoiá꞉ner ne ratironhiaʼkehró꞉nons: tesewaiaʼtó꞉ret tsi nitiónhnhetie.

Ephesians 5:15

Káti sewathatenikónrahrak tsi ní꞉ioht tsi entiónnheke. Tóhsa thóh natsionnoténhak tsi ní꞉ioht ne tiakothónʼnokte, nók thóh nationnoténhak tsi ní꞉ioht ne rontʼthókas.

Ephesians 5:17

Tóhsa tasewathonʼnókʼtat, nók satheniénten naseriwatʼtsénri nahóten tehonthohontió꞉ni ne Roiá꞉ner ahisahióten.

1 Thessalonians 3:13

Néki enhiónni natsisewahsatsténseron, tánon kwáh iensewahiataiérike ó꞉ni enhiotokénti rahonháke ne Rawenni꞉io ó꞉ni Kanísera nónen ne Roiá꞉ner Ié꞉sos éntʼre skát꞉ke tsi niháti ne rahonkwetasónha.

2 Thessalonians 3:3

Nók kíʼ ne Roiá꞉ner rorihwahtóh꞉ken, tánon enhiashatsténseron ó꞉ni enhiaiatanónstathe tsi nòkwah ne Ranesonrónon.

Hebrews 12:13

Iasewahtashóntheren sewaʼtahítha ne ioʼtahakwahríshion, ne káti ne ioshitakarewáhton ne tóh꞉sa thènen akahiótathe, nók khèʼkhok ahonshaioiánerenʼne.

1 Tiér 5:10

Nók nónen kén nikariwésʼsha wesewaronhiáken, Rawenni꞉io ne akwékon niesakoténre, shieʼianátons nasatiátaren ne rahówenk kaiatanerakwátsera tsi nénwe ne tsi tehonateriwasóntere ne Kerístos, kwáh rahonhatsíwa enshiakwatákwase tánon éntʼhion ne kariwanirátsʼtsera, kasasténsera, tánon kwáh ioníron tsi tkenstskwáhere.