Proverbs 4:17 - Ohiatonhseratokénti

¹⁷ Rón꞉nehre karihwaksénhtshera tánon ateriiohseraʼón꞉we né꞉ʼe shá꞉ka ne kákhwa tánon nahò꞉ten ahatihnekí꞉ra.

Proverbs 4:17 ပူးပေါင်းရင်းမြစ်များ

Psalms 14:4

Iáh kén tehonatʼthokhatseráien, ratikwékon né꞉ne rotihióthens ne kariwahetkénhsera, tsi niháti ne sakotiiataratsiónkwas nakonkwetashón꞉ha tsi shí꞉ken ní꞉ioht naotinatárakon, tánon iáh tiehonhwanátons ne Roiá꞉ner?

Proverbs 13:2

Nón꞉kwe ne tiakorihwaié꞉ri teniakoterihwaʼserákwahse tsi nahò꞉ten entiewennínekenʼne, sók ne shakotiʼnikonhrhaʼtén꞉nis ne khók rontonhkariá꞉ktha ne thahshakotiʼnikonhrhá꞉ren.

Proverbs 20:17

Nahò꞉ten ensaièn꞉taʼne ne kaʼnikonhrhá꞉ton tho ni꞉iot tsi ensé꞉ke tsi ní꞉iot ne kwáh kakhwí꞉io, nek tsi iohsnó꞉re tsi ní꞉ioht ne oʼnehsarónhkwa thentká꞉raʼne tshà꞉kon.

Proverbs 9:17

“Né꞉ne kahnekanénhskwen sénha ne teiotsikhè꞉tare. Kanaʼtaranénhskwen sénha iawékon.”

Isaiah 5:18

Ní꞉se enseshataʼteriwásthen, í꞉se neh shé꞉sereh ne kariwáneren ne sathironhtákwen nahosehrí꞉ie nonhówenhs tánon ne kariwahétkens kwáh thóh ní꞉ioht kwáh ne ne otsiónkwa aosehrí꞉ie.

Isaiah 5:20

Ensesathateriwásthen, í꞉se ne senahtón꞉kwa ne kariwahetkénsera ioiánere tánon ne ioiánere karihwahekénsera ne senahtónhkwah, ónka teshaténies ne tetsiókaras ne tahioswát꞉thene, tánon ne tehioswát꞉the nahontahiókarawe, ónka teshaténies ne iotskárat ne tahiotsiʼkhétarane tánon ne teiotsiʼkhétare ne ahiotskáraʼne!

Jeremiah 9:4

Kwáh tsi niaʼtehionkwétahke tsi enhonthatennikonhráhren tsi nòkwah ne rontenroshón꞉a, tánon iáh ónhka thahónton nahontahonwenhnéthaʼkwe ne rahothiwáhtsires; asèken rathikwékon ne rahothikwáhtsires thóh nihathinikonhráhtha tsi ní꞉ioht ne Jacob, tánon kwáh onhkwetahkwékon sahkotinikonhrahkareʼwáhtha ne rontenroshón꞉as.

Micah 3:5

Káti ráton ne Roiá꞉ner tsi nokwáh ne rotitokénhse ronónha waʼsakonathahará꞉kwahte nakonkweʼtashón꞉as; ne nó꞉nen thé꞉nen rotí꞉ien nahónhneke ronónha tehotihenré꞉tha ne “skén꞉nonk”; nó꞉nen ne iáh othé꞉non teotí꞉ien nahónhneke, ethò꞉ne enhonterí꞉io ne raónha.

Micah 6:12

Ne raotikwahtsénions kwáh titkáhere ne iáh othé꞉nen teioianerés; ne skátne sewanakerénion rotinó꞉wenhs, ne nawenhná꞉sons ne kanikonrá꞉tha ne tsi ratisaká꞉rontes.

Micah 7:3

Ne ronhtsánakes ne iorenhnàhon ne wahétken tsi nahóntiere; ne ronaterihón꞉tons tánon ne ratirihwénhthas ratirihwanón꞉tons ne khahó꞉tenk ahonwatikáriakse, tánon ne thonatsénhnates ronónha rontá꞉tis nahotkaronhniátshera ne raonatónhnhets; káti tehatisehrí꞉ies ne kaiáneren.

Zephaniah 3:3

Ne rathirihwakweʼní꞉ios nahonkweʼtashón꞉as kwáh né꞉ne kénreks ronatonhriáien, nahonkweʼtashón꞉as ratirihwéntha kwáh né꞉ne oʼkarasné꞉ha nokwáho rotistsiokánon tsi nió꞉re ienhiórenhne

Matthew 23:13

Nok ki tanon nise seȣententasere ne Seȣaiatons oni Pharisian Akonȣara! iestsinnhotonse nonkȣeokon naiontaȣeiate ne Karonhiake; iah ki tanon oni nise teseȣataȣeiatane, iah oni teietsiiaȣis niienre iakataȣeiat, nʼiaiontaȣeiate.