Proverbs 4:13 - Ohiatonhseratokénti

¹³ Tiótkon sehià꞉rak tsi nahò꞉ten wahseweientéhtaʼne. Kaweientehtáhtshera né꞉ʼe ensonhnhéhkwen—senónhstat ká꞉ti.

Proverbs 4:13 ပူးပေါင်းရင်းမြစ်များ

Genesis 32:26

Eʼthó꞉ne wahén꞉ron, “Saskáhtkaʼf, aseʼkénh ó꞉nenh iohrhenʼenhátie.” Ók ne Jacob wahén꞉ron, “Iáh thaonsakoniáhtkaʼwe, tsik enhstiaʼtaté꞉rihste.”

Proverbs 10:17

Ón꞉kwe ne eniontahónhsatate naiontaterihwakwaríhshien eniakónhnheke, nok ónhka iáh thaierihwaié꞉na tsi teienióhskenʼs, iótteron kiʼ ne raotirihwà꞉ke.

Proverbs 23:23

Ne orihwí꞉io, attokháhtshera, karihonnienníhtshera tánon wanonhtonnionhtsherí꞉io ne kí꞉ken akwé꞉kon shaʼtékena nahskáriaʼke, nok só꞉tsi wé꞉so shaʼtékena nahsatenhní꞉non.

Proverbs 3:18

Nónhka aieié꞉na attokháhtshera ronatonhnháhere; attokháhtshera entiaka꞉wen natónhnhets.

Proverbs 3:22

Ne entiesá꞉ion ne satónhnhets naionʼwesénhake tánon aiesatonhnhá꞉rake.

Proverbs 6:23

Tsi nahò꞉ten iesahró꞉ri ne shá꞉ka ne teiohahseráthe; ensaháharahte ensahró꞉ri tsi ní꞉ioht tsi tkariwaié꞉ri nahshónhnheke.

Proverbs 8:35

Nónhka eniontiaʼtatshén꞉ri enietshén꞉ri ne iohnheʼón꞉we, tánon ne Roiá꞉ner enhawerienʼtí꞉io ne raotirihwà꞉ke.

Ecclesiastes 7:12

tánon kwáh eh nenhioriwahníronhke tsi nikakwénies nowísta. Natenikonhratʼthokhátshera sahiatanónhstats—né kí꞉ken iokwénies ne karihonnienhnítshera.

Song of Songs 3:4

Kwáh ónwak sakehiatohétsʼten, Ónen sahihiatatsénri tsi nikáien ne ranorónhkwa nakatónnhets; Wahiʼiéna, tanon iáh teshiʼhiatʼkáwen Tsi nió꞉re ionsahihiaténhawe tsi tsakonónhshote nakenisténha, Tánon thoʼiahatsiatáwehiate tsi tionáktaien tsi nónhwe tewakatonhníson.

John 6:63

Kanikonra se iakaonnhests nok noȣaronk iah neneh othenon tekastak: kehiken nikaȣennoten kȣaroris neh nakȣa aoskon kanikonra oni ionnhe.

John 6:68

Simon Tier tahatati, ȣahenron: Saianer! onka aonsaiakhiiateranentakten? ise ishaȣe noȣenna ne ionnhe onȣe.

Acts 11:23

Siahárawe ó꞉ni wahatʼkátho tsi ní꞉ioht ne Rawenni꞉io sakohiatateríston nonkwesónha, wahatʼtsenónni tánon wasakoretsiáron rathikwékon tsi ahotiriwathokénhake ó꞉ni kwáh roneriasakwékon tsi ahontahonwetakwénhake ne Roia꞉ner.

Acts 2:42

Kwa hiahathikóntaʼkwe wahontéweiensʼte tsi nahonwathirihónʼnien ne ratikweʼkónʼne, wahontsiátaren wathontatsenawase, tánon wathathiʼiéna tsi nahathikwáren, ó꞉ni skatne wahonterénʼnaien.

Deuteronomy 32:47

Kí꞉ken karihonnienhní꞉tsheras iáh owenhnóskon kók té꞉ken; né꞉ne kwáh sehwathonnétstha. Sewatewénhnarak tánon enhión꞉nise entsónnheke ne tsi ionhontsá꞉ien ní꞉se nakaniatharáti ne Jordan ne ó꞉nen thówa iahisewatiaʼtakwehní꞉ioste.”

1 Thessalonians 5:21

Orihwakwé꞉kon sát꞉kens: sateweiénton nahóten neioiánere

Hebrews 2:1

Ne aoríwah ónenk tsi enhiorihwahníronke tsi entewahtiénawasʼte norihwiʼioʼón꞉we tsi nahoténson ionkwahrónken, né꞉ne tósa kénk tiaionkwahiaténhawe.

Revelation 12:11

Ók ne ronwasenhniéton ne raón꞉ha ne raonekwénhsa ne teotinaʼkaronhtónha owí꞉ra tánon nowén꞉na ronatrorhiá꞉ton, tánon ronathateweienhnentá꞉on nahontsakwaríshion tsi ronhnón꞉nhe ó꞉ni nahonní꞉heie.

Revelation 2:13

“Wakaterièn꞉tare tsi nón꞉we nisená꞉kere, tsi nón꞉we nótkon nihotenitswaratsérote. Ne kíʼ sá꞉ka satienawáston nakshén꞉na, tánon ní꞉se iáh tesatonhní꞉en tsi thisetákwen nakonhà꞉ke iekanihá꞉rakwe tsi nihotenhniseraténionhkwe ne Antipas ne rakeriwanirá꞉tis, ne nakonkwè꞉ta ne roriwató꞉ken, ronwanonwarià꞉khon ne thisewatenrohónhne, tsi nón꞉we nótkon nihanákere.