Proverbs 31:9 - Ohiatonhseratokénti

⁹ Sheiatátiaʼs tánon tkariwaié꞉rik tsi tenhshiaʼtó꞉rehte. Tsaʼtanónhstat raotiianerénhsera ne rotí꞉ten tánon ne tehonatkárien.”

Proverbs 31:9 ပူးပေါင်းရင်းမြစ်များ

2 Samuel 8:15

Káti ne Táwit wahatenontí꞉ioste tsi niwatenáskwah ne Israerʼronónke; tánon ne Táwit ne wahateriwathéntsiate nateriwakwarishióntshera ó꞉ni tkarihwaiéri rononhá꞉ke ne raonkwetaʼshón꞉ahs.

Job Tánon ne Raoronhiakensera 29:12

Tiorí꞉wa tsi khenonstà꞉ton ne iakotenhthénions ne teionséntos, tánon ne teiontonhnakárias tánon ne iáh othé꞉nen tehatístha.

Psalms 82:3

Saterí꞉ios ne raotiʼianerénhseras ne rotíten tánon ne tehontonnakárias; satehiotón꞉hak ne tehontkárias tánon ne iahothénen tehatístha.

Proverbs 16:12

Rotinontí꞉ios iáh thahatiié꞉na ne karihwanéren, aseʼkénh aterihwakwarihshiónhtshera tkáhas ne kakoráhsera akaʼshátsteke.

Proverbs 20:8

Ronontí꞉io tehshakoiaʼtoréhtha tánon roterién꞉tare nó꞉nen enhatkáhtho iáh tetkariwaié꞉ri.

Proverbs 29:7

Ne tiakorihwaié꞉ri iakoterién꞉tare tsi nihotiianerenhserò꞉ten ne rotí꞉ten, nok ne iáh tetionkweʼtaié꞉ri iáh nen né꞉ʼe tehotiʼnikonhraién꞉taʼs kí꞉ken nikarihò꞉tenʼs.

Isaiah 1:17

sewatéweienst thóh nasewáier ne ne ioiánere; sewésat kaiáneren, saietʼtsiniákent ne iontateronhiakéntha, ietsiʼiénawas ne iáh tehiakonísen, taiétsine ne ionateré꞉ons.

Isaiah 1:23

Né ieshakoráshons iehonwatsatóntsies ne Ní꞉io tánon ne wahonteroserónhni ne ratinénskwas. Onkwetakwékon ne ienónhwes ne knahótenk tahionthaʼthetsikhetáhroʼse tánon ne ratiriwanóntons athatahwí꞉tsheras ahonwanawíhon. Kwáh iáh tethesakótines ne tehiontonhnakárias, tánon ne ionateréhons ahotirihwashónhas iáh rahotihénton tsewétha.

Isaiah 11:4

ók Karihwakwarihshionʼtsherákon tsi kwáh tensakoiatórehte ne iakóten, tánon thenhaiatóreʼte kwáh sathenhiotónhake ne tsakorihwaiéri ne tsi ionwenhtsáte; kwáh ne enhaiénte ne tsi ionwenhtsáte ne kánia rohnón꞉te tsi rasakarón꞉te, tánon né tsi nihatón꞉ries ne raskwenhtàke kwáh ensakononwarákon ne ronhnonkwetaʼhétkens.

Jeremiah 22:3

“Í꞉i, ne Watiá꞉ner, konnháhon ne ne ahishaʼhióten ne tkariwahiéri tánon ne ioiánere. Tàsheʼne ne iontahtenikonhrahténnis tánon é꞉ren tsi sehwahiatenháwit ne shaʼkonikonhrahtén꞉ni. Tó꞉sa sehiatiéskwen tó꞉ka ó꞉ni ne thaʼsehianikonrhiákʼten ne kenkʼtiʼthoné꞉non, ne tehonthonnahkárhias, tó꞉ka ó꞉ni ne ionahteréhons; tánon tó꞉sa ó꞉ni sehnonhwaʼrhiakónnion ne iáh othènen tehothiníkonh ne kén nónhwe niwahtenátahien.

Jeremiah 23:5

Ne Roiá꞉ner ráton, “Táwe nekawistáheks nónen enhihiaʼtaráko ahononhtí꞉ioʼke ne tronkwetaʼiéri tsi nitotwatsirínonh ne Táwit. Nètho ronnonhtí꞉io kwáh kariwaʼkwahrishonʼtsherákon tsi enhashá꞉riʼne ó꞉ni thóhʼnenháiere ne tkariwaiéri ó꞉ni ne kaiáneren ne ne kwáh ohontsakwékon.

Jeremiah 5:28

nonhtiéren tsi ronahrésenhs ó꞉ni kwáh ioiánere tsi tehonskáhons. Iáh tiehiotókʼte tsi nihatiweiennákʼsens. Iáh tetheshakonáhwis ne tehionthonnahkárhias ne raothihianerénsehras khés nahonnénesʼthe ne tkarihwaiéri tsi nòkwa ne sahkotiwihsáhtha.

Daniel 4:27

Eʼtho káti, Sanontí꞉io, tsé꞉na tsi nenkoniatenʼnikónron. Sáhtkawh tsi nisarihwanerenenhátieʼs, ne tho nátser ne tkarihwaié꞉ri, ó꞉ni saiéntak natanitén꞉ron tsi nonkwá꞉ti ne iakó꞉ten. Eʼtho꞉ne ienwatahshónteren naesaianeráhsten.”

Leviticus 19:15

“Sewarihwatokénhak tánon sewarihwakwahrihshonhat nónen tenhsewahiató꞉rethe ne tsi teiehiatorethákwa; tó꞉sa teietʼtsihiaróton ne iakóten tó꞉ka ó꞉ni aietʼtshitshániʼke ne iakokwáhtshe.

Zechariah 7:9

“Wahón꞉niseh tsi náhe tetʼkhehiá꞉wi nakonkweʼtahshón꞉ʼa ne kaianerénhseras: ‘Kwáh shaterihwahién꞉ni tkariwahié꞉rik tsi ihshá꞉tst ne kaianerénhsera, ó꞉nenhk tsi enshé꞉neste ne kanoronhkwátshera ó꞉ni natanitenráhtshera tsi natesehwátere.

Zechariah 9:9

Sewatonhnhá꞉ren, sewatonhnhá꞉ren, tiónkwe ne Zion! Tesehwahén꞉ret naʼtsenhnonhniá꞉tshera ne Jerusalem nón꞉we! Iasehwatʼkáto, ne tsi Sewahnonhtí꞉io tiohá꞉ke nonhtahawenonhátie! Tsi táhre tekahrensáhron tánon rotʼkwenionhátie, ók eʼtà꞉ke rotahtón꞉ni tánon tewahòn꞉tes rohshaténtie— nitsioʼnaskwahiónha, né꞉ne tewahòn꞉tes akohiénʼa.

John 7:24

Tosa neok teseȣaiatoret tsiniiot tsi kaieronni, neh tanon tehseȣaiatoret tsinitkariȣaieri.

Deuteronomy 1:16

“Ethò꞉ne wakè꞉nahne, ‘Sewatahónsatat ne tekariwakénen tsi nenhiokétote tsi naʼtehónhtere ne tionhkweʼtashón꞉a. Kwáh tkariwaié꞉rik tsi tesewahiató꞉ret ne tekariwakenákston, né꞉ne tó꞉ka ken í꞉se kók tionhkweʼtashón꞉as akénhake tó꞉ka ó꞉ni né꞉ne tihononhontsátes ne skátke sewanákere.

Hebrews 1:9

Sehnorónkwah nahóten ne tkariwahiéri tánon skenrónni nahóten ne iáh tetkariwahiéri. Né ká꞉ti aoríhwa ne Rawenni꞉io, ne Shaʼní꞉io, í꞉se iahiatará꞉kwen nahisanontí꞉ioke tsi ní꞉ioht nón꞉kak akóren rónkwe, tánon sénha wé꞉so thowéron natʼtsenhnonhniátshera ne shonháke sénha tsi ní꞉ioht ne ronátsiakes roʼtinontí꞉ios.”

Revelation 19:11

Eʼthó꞉ne wakatkáto onteronhianhotónko, tánon thóh nón꞉we ní꞉res kanaskwará꞉ken! Ne roʼshá꞉tentse ne ronwanaʼtónhkwa Roʼriwatóken tánon Oriwí꞉io í꞉ken, tánon thóh kariwakwarishontserá꞉kon tsi tehaiatoréhtha tánon rateriioserónhnis.

1 Samuel 19:4

Nó꞉ia sahiórenhne Jonathan watononwehráton ne Táwit rahohén꞉ton ne roní꞉ha Saul, tánon wahawénhase, “Áhnion tó꞉sa ne ronnontí꞉io rahrihwánerak tsi nòkwah ne raonhá꞉tshera Táwit; tsioríhwa tsi iáh neh tehorihwáneren tsi nó꞉kwah ní꞉se, tánon neh aoríhwa ne raohioténhseras tsi niʼioiá꞉nereh tsi nihiahiótenhse ní꞉se;

1 Samuel 20:32

Ethóhʼne ne Jonathan watoriwaserákwahse ne roní꞉ha Saul, “Nontiéren tsi kwáh ahonwanonwarhiákhon? Ónhnihotiéren?”