Proverbs 31:4 - Ohiatonhseratokénti

⁴ Satahónhsatat, Lemuel. Rotinontí꞉ios iáh teioterihwíson ne otsí꞉tsa nahatihnekí꞉ra tókaʼ ó꞉ni ahatinón꞉wake ne iohnekahní꞉ron.

Proverbs 31:4 ပူးပေါင်းရင်းမြစ်များ

1 Kings 16:9

Né Zimri, né꞉ne saiáta íken ne rahonhátsera né asénhnon nihanikonhráraʼkwe ne ronhnonhtí꞉io rahoseresónhas notsónhkwas, wahoterísthaien. Énska kènhne ne Tirzah nónhwe, Né Elah wahonekáthaʼne thóh rahonónskon ne Arza, rahónha né ranikonhráraʼkwe tsi kanonhtiʼiotseráien.

1 Kings 20:12

Né Benhadad wahaiéna ne Ahab tsi tonhsahariwasehráko né꞉ne rahónha tánon ne thonathenró꞉hon, ne óia ratikorásons, tsi roʼtinikíren ne rahonathoserákons. Washakorihónthen ne rahonkwetaʼsónhas niakonhwatsathónti ne kanathowanénhke, tánon káti wahontenakʼthaseronhniánion.

Esther 1:10

Tsatáhkhaton shiwenhniserà꞉ke tsi ronatekhwáhere ó꞉nen ronontí꞉io tsi rohnekí꞉ren tó꞉kenske tsi rotonhnháhere, iahshakó꞉nonke ne tsá꞉ta nihá꞉ti tehonwatineniatáhkwen né꞉ne kwáh ákta raónha ronwaioʼténhse, Mehuman, Biztha, Harbona, Bigtha, Abagtha, Zethar tánon ne Carkas.

Esther 3:15

Ronontí꞉io tsi ní꞉ioht tsi thotá꞉ti akwé꞉kon aiakotó꞉kenhse tsi nón꞉we tkanataʼkweʼní꞉io ne Susa, tánon ne tehonráhtats iahatíhawe kaianerénhsera akwé꞉kon tsi nikanakeráhsera. Ronontí꞉io tánon Haman wahiátien tánon wathiatnekákha, ók ne tsi tkaná꞉taien ne Susa kwáh í꞉ken tsi teioʼnikónhrhare.

Proverbs 20:1

Só꞉tsi wé꞉so enhsnekí꞉ra tesaterienʼtakáriatonke tánon ensanonhwaró꞉rike. Teiotenonhwarorí꞉tonte naiakohné꞉kataʼne.

Proverbs 23:34

Tho oni tsi íhsehre tsi shí꞉ken kaniataraʼkehkó꞉wa iéhseʼs, tisanewaraʼtén꞉ni tsi shí꞉ken sathonwíhare tsi kanáhstote kahonweiaʼkowàhne.

Ecclesiastes 10:17

Ók kíʼ ioteraswí꞉io ne kanakeráhse nahonhnontiʼiótsera rahónʼa akwékon iatehoriwahiéntase tánon ne ohénton iehonhnéton tehontskáhons tsi nihioteriwíson, thóhʼnathateniaró꞉taron tánon iáh tehotinekátas.

Isaiah 5:22

Rotithentáhsere, ne rontatsinástha tsi nihotinekirenháties notsítsa tánon sanikonratsá꞉ni tsi natesnekaiestánions naienekíra,

Habakkuk 2:5

Sénha isiʼnón꞉we ní꞉ken, ne kakwahséhtshera iáh teiorihwató꞉ken; ne iakotetʼtsen hionthatón꞉ni tánon iáh tewatorishentátie. Tehiakotskaráwenh tsi ní꞉ioht ne tsi tiohontsá꞉ien ne kenhé꞉ion; kwáh tsi ní꞉ioht ne iatekaiá꞉ti kenhé꞉ion iáh nonhwén꞉ton teiawerienʼtí꞉ios. Ne káti aorì꞉wa tiotkonhón꞉we nonhkweshón꞉a teotirihwakénen, tánon thóh ní꞉ioht tsi sakotihiaʼtaró꞉roks nonkweshón꞉as tsi shí꞉ken ní꞉ioht ne ronón꞉ha rahononhkweʼtashón꞉as í꞉ken.