Proverbs 30:8 - Ohiatonhseratokénti

⁸ Tóhsa aonkenowénhake, tánon tóhsa aonkkwatshéhake tóhsa ó꞉ni aonkiténhton. Thok ní꞉kon aontáhskon atenná꞉tshera tsik ní꞉kon teiotonhwentsóhon.

Proverbs 30:8 ပူးပေါင်းရင်းမြစ်များ

Genesis 28:20

Ethó꞉ne ne Jacob wahahrhá꞉ratste ratónnions, “Tókaʼ ne Rawenni꞉io eniakenikwekónhake, tánon enhatiaʼtanónhstate tsi nikathahí꞉ne, tánon enthá꞉kon ne kaná꞉taro ná꞉keke tánon natsherónnia nakatsherónnia꞉te,

2 Kings 25:30

Iaʼtewenhniseráke, né꞉ne tsi nikaríwes enrón꞉nheke, kwáh enthonwawísheʼke tsi nahoténsons tahotonhontsoníhake.

Job Tánon ne Raoronhiakensera 23:12

Akwé꞉kon thóh niwatiéren tsi nihakerihwathá꞉ti; wakenorónston ne raowenhnaó꞉kons ne tsi rasakà꞉ronte sénha tsi ní꞉ioht ne kákhwa tsi natahonkatonhontsó꞉nike.

Psalms 119:29

Takenónstat ne tó꞉sa karihwahét꞉kenke nòkwah niáke, tasahrihwaiérik nakonháke tánon takerihónhnien ne saianerénhsera.

Psalms 119:37

Tó꞉sa takeríhon nahontakheiéthakwe ne iotinówenhs kahiatonhnisónhas; tasarihwaiénrik nakonháke ne tsi nisahrahráts꞉ton;

Exodus 16:15

Nónen ne lsraerʼró꞉nons sahontkáto, iáh tehonahteriéntare nahó꞉ten nènhneʼe tánon wathontateriwanonhtónhaʼse, “Nahó꞉ten thí꞉ken?” Mahís wasakawénhaʼse, “Né kí꞉ken ne káʼkhwa ne Roiá꞉ner thaʼtsition nahisewá꞉ke.

Exodus 16:18

Nó꞉nen né sahontenienténhon, tsi nihiákon ne sótsi wéso iakonrónh꞉kwen iáh wéso tehiakoientáhon, tánon tsi nihiákon ne iáh wéso tehiakaʼhonrónhkwen iáh kí kenk níkon tehiakoʼientháhon. Né shaʼtihiatáʼtshons wahonnonhrón꞉ko kíʼ tsi níkon tehó꞉nathonwenhtsóni.

Exodus 16:29

Sewehiá꞉rak tsi Í꞉i, ne Watiá꞉ner, tkwáwi nawenhnísera nahisewathoʼrísen, tánon ne káti aoríwa ne iaʼiákʼkhaton niwenhniserakéhaton kwáh tiókonhte tsi iatekaiéri tsi níkonh èntʼtshion ne ká꞉khwa niaʼtahisewaié꞉riʼse ne tewenhniseràke nikaríwes. Kwáh niatehionkwétake tsi thoʼnónhwe nihatiʼterónhtak tsi nónhwe nenhonʼnésehke ne tsaʼtákʼkhaton niwenhniserakéhaton tánon tó꞉sa ètren írek ne rahoʼnónhskon.”

Exodus 16:35

NʼIsraerʼró꞉nons né꞉ne kaiéri niwáhsen niioseràke nikaríwes né wahonhné꞉ke, tsi nióre iahónhneʼwe ne tsi wathonwenhtsáʼien ne Canaan, tsi nónhwe nahonthaʼtíteron. (

Proverbs 13:5

Nón꞉kwe tionkweʼtaié꞉ri iéswenhs ne onó꞉wen, nok ne raotiwennaʼshón꞉ʼa ne iáh tetionkweʼtaié꞉ri iotéha tánon iáh teiotkwénienʼs.

Proverbs 21:6

Ne iáh teioterihwakwaríhshion tsi enhshié꞉na ne kakwahtshéhsera iohsnó꞉re tsi entsisáhtonʼse, ne entkarihón꞉ni tsi kenheiá꞉tne niensaiaʼténhawe.

Proverbs 22:8

Tókaʼ wahétken tsi nenhsheiatié꞉raʼse nonkwehshón꞉ʼa atkarónnia kiʼ ensehshienthó꞉ko, tánon enwató꞉kten ne nónhka akó꞉ren ahsheʼwíshaʼte.

Proverbs 23:5

Sahwísta iohsnó꞉re ienwáhtshaʼahte tsi shí꞉ken taonttsiraríkhon tánon waʼtkanerahontshón꞉taʼne tsi ní꞉ioht ne á꞉kweʼks waʼtká꞉ten.

Proverbs 30:7

Sewenní꞉io konʼnekén꞉nis, teiorí꞉wake aontáhskon ohén꞉ton tsi niió꞉re enkíheie:

Ecclesiastes 1:2

Kwáh iáh othènenh tehiorihowá꞉nen, iáh othènenh tehiorihowá꞉nen, ráton ne sakorihonhniénhni. Tsi iakónhnhe iáh othénen tehioríhonte, akwékon iáh othénen tekástha.

Isaiah 5:18

Ní꞉se enseshataʼteriwásthen, í꞉se neh shé꞉sereh ne kariwáneren ne sathironhtákwen nahosehrí꞉ie nonhówenhs tánon ne kariwahétkens kwáh thóh ní꞉ioht kwáh ne ne otsiónkwa aosehrí꞉ie.

Isaiah 59:4

Iáh ónhka kaianerenhseráke tseiéntha niaʼtahiorihó꞉taʼke, iáh ónhka kaianerenhseráke tienénhtha nahontakarihwaiérihke; né ratiʼniahésen ne iáh othènon tahonwatiʼnitséron, ronhnowenhtánions, né ronatienawáston ne iotakónta tánon né iehontiʼhéntʼthos ne karihwaneraháktshera.

Jeremiah 37:21

Sók kíʼ ne Ronnonhtí꞉io Zedekiah wahakhónnien atenhénrahkon ne kanonhtiʼiotsherákon nónhwe nahionkheʼnhóton. Thóh ki nónhwe nahkhátien, tánon iatewenhnisehráhke kahnátaro wahonkénonhte tsi hiontenahthaʼronniátha nithatíhasʼkwe tsi nióre iahontenaʼtarókʼten ne kanatowáhnen.

Jeremiah 52:34

Kwáh iaʼtehwenhnisehráhke tsi nikaríwes arónhnheʼke, tánon thonwáhwiskwe tsi nahó꞉ten tahothonwenhtioníhake.

Matthew 6:11

Takȣanont ne kenh ȣente iakionnhekȣen niateȣenniserake.

Matthew 6:33

Neh tanon taseȣatierent seȣesak ne Niio rahonakerasera, nok ne kenh iohaȣiton aksekon nehne ok tentkonne.

Luke 11:3

Takȣanont ne kenh ȣente ne iakionnhekȣen.

John 2:8

Ethone sahenron: seȣanekarako onen, nok hetsiseȣanatonnira ne rostsȣenkaraniionte. Nok iahonȣanatonhase.

Acts 14:15

“Onhnontiéren tsi éhʼtho naisewáiere? Í꞉i kwáh thóh naʼtehiakénonwe tsi kíʼ niseni꞉ióht! Kén꞉en hiákenes nahiakenirihówanaʼte ne kariwí꞉ios, nehne tahonsakwakaraténi tsi nisewasénnaiens ne iáh thènen tekariwástas nók kíʼ neh nahónton neh ahonsahtsisewasénnaien ne ronnhehónwe Ní꞉io, tsi nikáien ne rosahánion ne tsi karonhiátes ó꞉ni tsi ionwentsiáte, kaniatarakekówa, tánon kwáh tsi nahoténsons neh non nikonónnhes.