Proverbs 30:5 - Ohiatonhseratokénti

⁵ “Rawenni꞉io iáh nonwén꞉ton thaonsahoʼnikónhrhen nahò꞉ten enhahrhá꞉ratsteʼ. Tho kiʼ í꞉rate nahshakoiaʼtanónhstate nónhka ionhská꞉neks.

Proverbs 30:5 ပူးပေါင်းရင်းမြစ်များ

Genesis 15:1

Shontóhetsteʼ kí꞉ken nahorihoʼtén꞉shonʼs ne raowén꞉na ne Roiá꞉ner wahoiaʼtó꞉renʼne nʼAbram tsi ní꞉ioht ne wahotahsatáhrhahse tánon wahothón꞉teʼne ne Roiá꞉ner wahohró꞉ri, “Tósa sáhteronʼn, Abram, Í꞉i né satrenhohstáhkhwa í꞉ken; tsi naʼtensaterihwaʼserákwaʼse kwáh í꞉ken tsi enkowanénhake.”

2 Samuel 22:31

Kí꞉ken Ní꞉io—ne raoweién꞉na kwáh tkarihwaiéri; ne raorarát꞉tsera ne Roiá꞉ner kariwanírats tsi iotokenskeʼónwe; rahón꞉a ne iontrenhostákwah í꞉ken ratikwé꞉kon ne rahonháke nón꞉we nenhiotaséhtakwe.

Psalms 119:140

Tsi nahoténsons takarahrátstenhni kwáh í꞉ken tsi orihwí꞉io í꞉ken! Tsi niió꞉re tsi kerihwahnorónhkwah!

Psalms 12:6

Ne raowenhnashónhas ne Roiá꞉ner né꞉ne kwáh orihwiʼiohónwe í꞉ken, tsi ní꞉ioht ne kawistaráken aóskon iónhni né karistákon, watkénhse tsáta niʼiorihwáken.

Psalms 144:2

Rahónha tákenes tánon tehakatsiatháton, ne nakáwenk ne waskwáhere tánon shatsatákwas, rahonháke nónhwe nitewaketákwen né꞉ne skenenkówak í꞉ken. Rahónha shakosénhnies nonkweshónhas tánon í꞉i rakonhkwetáwis nakhehiatkórasʼte.

Psalms 18:2

Roiá꞉ner se nakisténhra í꞉ken, nakatenhénhra, tánon ne sahtiathákwen, akeNí꞉io, nakisténhra ne rahonháke nón꞉we nikatasehthákwah, ne nakatʼroʼosthákwah, né꞉ne kashaststénhsera sewatiathákwen, ne nakáwenk iotenhenraníron.

Psalms 18:30

Kí꞉ken Ní꞉io—ne raoweién꞉na kwáh tkarihwaiéri; ne raorarát꞉tsera ne Roiá꞉ner kariwanírats tsi iotokenskeʼónwe; rahón꞉a ne iontrenhostákwah í꞉ken ratikwé꞉kon ne rahonháke nón꞉we nenhiotaséhtakwe.

Psalms 18:31

Asèken ónka nènhne ne Ní꞉io í꞉ken, nék khók ne Roiá꞉ner í꞉ken? Tánon ónka nènhne ne osténra í꞉ken, nek ki ne onkwaNí꞉io í꞉ken?—

Psalms 19:8

ne raotsiawenhrá꞉tseras ne Roiá꞉ner tsi tkarihwaiéri í꞉ken, Iotsenhnonniaténhnis nawéri; ne raorihwá꞉tatʼtseras ne Roiá꞉ner teioswát꞉te í꞉ken, tánon tiówis ne kanikonhraienthátsera nonikónra;

Psalms 3:3

Ók ʼI꞉se, Saiá꞉ner, ne tehioniatasthá꞉kwa í꞉ken ne tewakénes, I꞉se nakerenhsharón꞉tshera í꞉ken tánon i꞉se takenikonranírats.

Psalms 84:11

Hen, ne Rawenni꞉io, né꞉ne Roiá꞉ner, rahónha ne karáhkwa í꞉ken, teshonkwáhwis ne kaswatʼthétshera tánon natónnhets. Rahónha teshonkwatiatáton, rahónha teshonkwáhnes. Teshonkwáhwis ne kanoronkwáhtshera tánon kakwenienstatserákon tsi shonkwaiénas, né꞉ne tsi niʼiákon ne iáh othènon teiakoníkon tsi iakónnhe né tesakówis ne kowánen í꞉ken ne ioiánere kaiataterítshera.

Psalms 91:2

enhonhwénhase ne Roiá꞉ner, “Í꞉seke nón꞉we nikatasehtákwah tánon í꞉se nakathenhénra í꞉ken; í꞉se nakení꞉io í꞉ken, shón꞉hake nón꞉we nitewaʼkethákwen.”

Proverbs 2:7

Ráonha thatká꞉waʼs kaiaʼtakehnháhtshera tánon enhshakonónhstate ne ronwarihwakweniénhstha tánon ne tiakorihwaié꞉ri.

Proverbs 29:25

Iótteron tahsatateʼnikonhrhá꞉ren tsi nahò꞉ten ronnonhtónnions nakohrèn꞉shon ní꞉se sarihwà꞉ke, nok kiʼ tókaʼ tsheniahé꞉sen ne Roiá꞉ner skén꞉nen enhsanonhtonniónheke.

Romans 7:12

Thoʼkáti, ne kaianerénsera iotokénti, ó꞉ni nahtsawenretiéra iotokénti nón꞉ne, tkaiéri, tánon ioiánere.

Ne꞉ne Sák Rohiaton 3:17

Nók ne karonhiáke nitiawénon ne kanikonraienthátsera kwa né aóskon íken; tánon ó꞉ni sakthíken, tioriwaiéri, ó꞉ni wateroserí꞉io; kwá thitʼkáhere nataniténron ó꞉ni ne kaientwákwas ne kahiotenseríʼios; iáh ó꞉ni tehiotkenronniáskon iáh ó꞉ni kaierónsera tèken.