Proverbs 30:4 - Ohiatonhseratokénti

⁴ Ónhka kenh ó꞉nen akwé꞉kon tiakorihwahsaʼáhton ne karonhiaʼkéhkha kaweientehtáhtshera? Ó꞉nen kenh ónhka iehsnonsà꞉ke ionhtsaʼnénhawe ne ówera? Tókaʼ ó꞉ni oniaʼtaraʼá꞉ke ohné꞉ka ahsweʼnón꞉ni? Tókaʼ ó꞉ni ahskwatá꞉ko tsi kaieronnítston tsi ionhwentsá꞉te? Ónhka ká꞉ti, tókaʼ saterién꞉tare? Ónhka ká꞉ti shakotiienʼokón꞉ʼa?

Proverbs 30:4 ပူးပေါင်းရင်းမြစ်များ

Genesis 32:29

Eʼthó꞉ne ne Jacob wahoriʼwanón꞉tonhse, “Ahsathón꞉tate, takhró꞉ri, nahó꞉ten iesá꞉iats.” Nok wahén꞉ron, “Nontié꞉ren tsi seriʼwanóntha nakhsèn꞉na?” Tánon thóh nón꞉we nahoiaʼtaté꞉rihste.

Job Tánon ne Raoronhiakensera 11:7

“Askwé꞉ni ken natsiataʼtshén꞉ri ne Ní꞉io natsiatísake? Askwé꞉ni ken naserihwatshén꞉ri thóh nihosénhnes ne Roshatstenhserowanenhkó꞉wa?

Job Tánon ne Raoronhiakensera 11:8

Sénha iosénhnes tsi nitioterónhiate, onhní꞉ioht tsi askwé꞉ni ne thé꞉nen náshiere? Ne raotenienténtshera sénha teionó꞉tes tsi ní꞉ioht tsi tionhontsá꞉ien ne kenhé꞉ion nón꞉we, onhní꞉ioht tsi saterienʼtá꞉re?

Job Tánon ne Raoronhiakensera 26:8

Ne wathawahnàk꞉te nokenʼnorésehras ne raówenk katsikerá꞉tens, tánon notsì꞉keras iáh teioterá꞉tion iawerohátien tsi niwé꞉so kanekárakwe.

Psalms 135:7

Rahónha seh rónhnis nahontontʼtsaʼtakaráthate ne tsi iehiotonhontiót꞉te; rónhnis ne tahonhninekarahwá꞉nion nó꞉nen eniokénhnore tánon thawerihnekénstha tsi nón꞉we nihateweienthónkwah.

Psalms 2:7

Kwáh enkerihó꞉wanate ne Roiá꞉ner tsi nitsisewarihwatáti: Wahakénhase, “I꞉se ne konhiénha; ónhwa wenhniseráte í꞉ih ne ianíha wakáton.

Psalms 22:27

Akwé꞉kon ne tsi iehiotonhontiokʼtaníhon kwáh enhiakehiá꞉rahke tánon Roiá꞉ner nokwáhti nienshón꞉ne; tánon iewaʼtsirakwékon nonkweshón꞉ha tsi enhonwasenhnaien rahó꞉henton.

Psalms 24:2

asèken kaniatarakhekówane nón꞉we nihahontiónhni, tánon rorihwaʼniráhton ne tsi kaniataré꞉nions.

Psalms 68:18

Onotoharakénhiaʼte niahá꞉re, ronatsokowánen sakohiatenháwi ne ratinótonkwe; waʼhaienásehron nathatawítseras tsi nahonwahwí꞉hon ne ronhnerhiasanírons, né nahónton nètho Roiá꞉ner Rawenni꞉io thóh nón꞉we nahenterónhtake.

Exodus 15:10

Ók énskak khók iaʼsahthonhniserónhti, Saiá꞉ner, tánon ne Egyptró꞉nons wahaʼtískoʼnhe; thóh ní꞉ioht tsi wahonʼtenonwàhien tsi ní꞉ioht noʼristhakwènhthe tsi natehiotenonʼhianí꞉ton ne kaniaʼtarahkhekówa.

Exodus 6:3

Khehiaʼthotashiénʼni ne Abraham, ó꞉ni ne lsaac, ó꞉ni ne Jacob tsi Wakeshatsʼtenseroʼwáhnen Ní꞉io, ók iáh kíʼ né tewakathatonhniáton Watiá꞉ner ne roʼnonhàke tsi ne naʼiontsenterestaʼkwe natʼsenhnató꞉kenti.

Isaiah 45:18

Asèken ne aoríhwa rá꞉ton ne Roiá꞉ner, tsi rahónha ró꞉son ne tsi karonhiá꞉tes (rahónha ne Ní꞉io í꞉ken!) rahónha raieronhtón꞉ni ne tsi ionwenhtsáte tánon rahónhni (rorihwanirá꞉ton; iáh né teosahá꞉ton ne tsikʼtsaiawénhon, né rahonhniá꞉ton naienákereke!): I꞉i ne Watiá꞉ner, tánon iáh ónhka nakó꞉ren né꞉ne akénhake.

Isaiah 53:8

Tsi iotkarenhrakwáhton ne kariwakwahrihshióntshera iehonwaiathénha. Ónka iahiakóhe tsi niahawenonhátie? Asèken ronwahiák꞉se ne tsi watonhóntsaien ne iakonʼnhehónwe, né roiénton ne raoʼtirihwaneraháktsheras nakonkwetaʼshón꞉has.

Isaiah 7:14

Né ká꞉ti aoríhwa ne Roiá꞉ner rahonhatsíwa éntʼhion natenienhténtsera. Satkátho, ne kawí꞉non í꞉ken iowiraientásereh tánon enhionekenteronhtsheraiéntaʼne, tánon Immanuel enhonátonhkwe.

Isaiah 9:6

Asèken raksáha ronakeráton nonkwariwàke, Roskenrakéta owiráha tionkhiʼiáwi! Ne kahshatsténsera ranenhsáke nón꞉we nikáhere; tánon ne ronhwasénhnawi Roiatanerákwah Ratsenhaieskówa, Roshatstenhserowánen Ní꞉io, né꞉ne tsi nènhwe Kanhísera enkénhake, rahónha Ronwakowánen ne skénnen í꞉ken.

Jeremiah 23:6

Ne nónen enhonontí꞉ioʼke, nonhkweshón꞉a ne Judah kwáh enshontatewenhní꞉ioʼke, tánon nonhkweshón꞉a ne Israerʼró꞉nons skénnon tsi enshonnónhnheke. Ne enhonwanahtónkwahke ‘Ne Roiá꞉ner nonhkwahiathaʼkenhátshera.’

Matthew 11:27

Oriȣakȣekon Rakeniha rakaȣi; iahonka tehonȣaienteri ne Roienha, akȣa neok ne Roniha, toka ken onkakiok onshakororihake ne Roienha.

Luke 10:22

Akȣekon Rakenineha nitiaȣenon tsinikon ȣakien; nok iah onka tehonȣaienteri ne Roienha neok ne Roniha; iah oni onka tehonȣaienteri ne Roniha neok ne Roienha, tanon tokat onkakiok ensakororike ne Roienha.

John 3:13

Aseken iah nonȣenton onka tiieiakokȣathon ne Karonhiake, nakoren akenhake, neh ok neh nithaȣenon; neh nʼOnkȣe Roienha Karonhiake thanakere.

Romans 10:6

Nók ken nahóten kéntons noriwatokénti tsi ní꞉ioht nahonsaiakoteriwaserónʼnien tsi natehóntere ne Rawenni꞉io: “Neh꞉ne tóhsa ahsatateriwanóntonse, ónhka iaierà꞉then karonhià꞉te?” (ne káti naiaiéron, neh karonhiáke niehénien nehʼne ahonwariwanónthonse ne Kerístos tahonthasonkwáterate).

Deuteronomy 28:58

“Tó꞉ka iáh orihwakwé꞉kon tahioriwatokénhake tsi ashatewénhnaraʼkwe ne Rawenni꞉io rahorihonhnienhní꞉tsheras tsi nikahiatón꞉nion ne kén꞉en kahiatonhserá꞉kon tánon tó꞉ka iáh tathasherénhsaron ne ionerákwat ó꞉ni iorá꞉se raoshén꞉na ne Roiá꞉ner saNí꞉io,

Deuteronomy 30:12

Iáh tsi karonhià꞉te nón꞉we tseká꞉ien. Iáh thatehiothonhontsó꞉hon nashisewariwanónhton, ‘Ónhka iaierà꞉then karonhià꞉te tánon nahontahionkhihiaksnenthákwahse, ne káti nahónton nahiakwatahonshatáte tánon nahontahiakwéthakwe?’

Revelation 19:12

Ne raká꞉rakes kwáh né꞉ne otón꞉kwa ó꞉tsire, tánon wé꞉so rononwaró꞉rons; tánon thóh kashénhnare né꞉tho iáh ón꞉ka teiakoterièn꞉tare nahó꞉ten kén꞉tons kwáh rahonhatsí꞉wa khók roterièn꞉tare.

Judges 13:18

Ne raronhiakeró꞉ron watharihwasehráko, “Onhnonhtséren tsi thetsathonhontsóni nahitsatheriénhtarane nahó꞉ten hiónhtsiats? Né꞉ne kasénhna ne ionerákwat.”