Proverbs 30:2 - Ohiatonhseratokénti

² Katshé꞉nen sénha tho nitiaʼtò꞉ten tsi ní꞉ioht ne ón꞉kwe; iáh tho té꞉ioht tsi wakeʼnikonhraién꞉taʼs tsi ní꞉ioht ne tsón꞉kwe.

Proverbs 30:2 ပူးပေါင်းရင်းမြစ်များ

Psalms 49:10

Tsík ónhka aiekwéni nahiontkátho shé꞉kon kíʼ nonʼné꞉e ne ronhtenikonratthókas ronhnihéions kíʼ, kwáh satèhiot ne tehiakotenonwaʼroríhtonhte tánon ne tsiakotónhnokte. Akwékon etʼiekáien ne raonattsiokowátseras ónhkak akorénstsi entsiakohiatatériste.

Psalms 73:22

Tewaʼkatenonhwaʼrohríhtonte iáh othènon tewakenikonhraiéntas; thóh niwaʼkatatiéren tsi ní꞉ioht ne katʼtshénen tsi nòkwah ní꞉se.

Psalms 92:6

Nek khók ne teiakotenonwaʼroríhtonhte iáh taiekwéni nahiakonikonhraiéntaʼne, ne tiakotónhnokte iáh taiekwéni nahiakonikonraiéntaʼne kí꞉ken:

Proverbs 12:1

Nónhka ienorónhkhwa ne karihonnienníhtshera eniontshennón꞉ni nahshehró꞉ri nahò꞉ten iáh tethotirihwaierí꞉ton. Iáh kiʼ tewattokhahtsherí꞉io nónhka iéhswenhs naiontaterihwakwaríhshien.

Proverbs 30:1

Ne kí꞉ken Agur, Jakeh roién꞉ʼa, iorihwahní꞉rons raowennaʼshón꞉ʼa teharihwathé꞉tha tsi nihotiianerenhserò꞉tens: “Rawenni꞉io iáh teiakenikwé꞉kon, Rawenni꞉io iáh teiakenikwé꞉kon, iáh kiʼ thakkwé꞉ni akatatiaʼtakéhnha iáh tewakeʼshatstenhserá꞉ien.

Proverbs 5:12

tánon enhsí꞉ron, “Oh niiotié꞉ren tsi iáh nonwén꞉ton tshiakeweientéhtaʼne? Oh niiotié꞉ren tsi iáh nonwén꞉ton tewakathontá꞉ton nónhka aiontianakwaríhsi?

Isaiah 6:5

Tánon waʼkí꞉ron, “Enskatateriwásthen! Wakatsiathatónhon, asèken Í꞉i ne kónkwe ne iáh tehiotkwéniens ne kerihtsakes, tánon ne skát꞉ne iakwahnákere ne iáh tehiotʼkwéniens ne ratiritsákes; eʼthóhʼsàne ne kharàke ró꞉ken ne Ronnontí꞉io í꞉ken, né꞉ne Sakoiá꞉ner ne ronterí꞉ios ratironhiakeró꞉nons!”

Jeremiah 10:14

Tsi nenhiontkathóseron kí꞉ken, nonhkweshón꞉a tahiakotonniótʼtahne tánon iáh othènen karihwatésken; tánon tsi niháti ne ratihiathonniserónnis entʼthatinikónrenʼne, tioríhwa ne rahothihiatónnis tsi iáh oriwí꞉io tèken tánon iáh tekonnónnhe.

Romans 11:25

Kwáh seh kariwasetánion naʼteriwakwarisióntshera, tewatenrosónhas, tsi nahóten ne kwáh tewakathonwentió꞉ni naihsewateriéntaraʼne, asèken neh ensewanónstate ne tóhsa aihsewathatenontónʼnionse tsi nahisewakthókhake. Tsi nihonatenontsistaniráton ne Israerʼró꞉nons iáh kíʼ tsehiotkontákwen, nók thóh khók nikaríwes tsi nióre ne iáh tehatisitaeronons tekaiatoreton tonihati ne Rawenní꞉ioke nienhón꞉ne.

1 Corinthians 3:18

Tóhsa níse sewahtatenonwahroritónni. Tóhka nónka tsi nítion ísewere sewatʼtót꞉kha né tsi nisewáhsere tsi nikaweienʼnótens ne kén꞉en ionwentsiáte, ahówenk tashahtenonwahrorithónten, né ahkarihónni ne kwáh ahsatʼtótʼkhake.

1 Corinthians 8:2

Tsi niháti ne rónnereh knahótenk rohnateriéntare kwáh oriwí꞉io tsi iáh tehonateriéntatreh tsi naʼtehiotonhontióʼon nahonateriéntarahke.

Ne꞉ne Sák Rohiaton 1:5

Nók tóhka ónkak tsi nítion tisewatótʼtani ne kanikonraienthátsera, teʼiontonwentióʼon Rawenniʼióke iasewaterénnaien, rahónha enthetsítion; asèken ne Rawenni꞉io kwáh raweriáne nitewétha ó꞉ni atanitentserákon tsi ákwe tesakówis.