Proverbs 30:11 - Ohiatonhseratokénti

¹¹ Ótiaʼke nón꞉kwe enhshakotikenhrenʼserón꞉ni ne kaʼníhsera tánon iáh tehshakotikweniénhstha ne kaʼnisténhsera.

Proverbs 30:11 ပူးပေါင်းရင်းမြစ်များ

Exodus 21:17

“Ónhka nenhoʼnikonhʼrákʼsathe ne roʼníha tó꞉ka ó꞉ni ne roʼnisténha kwáh kíʼ enhonwanonhwaʼrhiákon.

Proverbs 20:20

Tókaʼ enhshekenhrenʼsenón꞉ni iesaién꞉ʼa, tsi sónhnhe enwató꞉kten tsi ní꞉ioht ne oháhsera aón꞉swa nó꞉nen tetió꞉karas.

Proverbs 23:22

Etshatahónhsatat ne iaʼníha; tókaʼ iáh ráonha thaʼkénhake iáh kiʼ kén꞉ʼen thashéhseke. Nó꞉nen saʼnisténha entiakó꞉ionʼne shenaʼtón꞉hahs tsi sherihwakweniénhstha.

Proverbs 30:17

Tókaʼ thentshié꞉ron ne iaʼníha tókaʼ ó꞉ni enhshéhswen saʼnisténha nó꞉nen eniontiaʼtísa, kwáh orihwà꞉ke wenheión꞉taks én꞉wake tsi sónhnhe tókaʼ ó꞉ni tsokaweʼkó꞉wa aiesakahratàhko.

Leviticus 20:9

Ne Roiá꞉ner tahátkaʼwe kí꞉ken tehioterihwasónhteres. Ónhka tsi nítsion naʼietʼtsinikonhrakaréwaʼte ne ianíha tó꞉ka ó꞉ni sanisténha tsi enhonwanonhwariákon; Kwáh kíʼ í꞉se iensewatátkwahse tsi enhhietsiʼnonhwariákon.

Malachi 1:6

Ne raksá꞉ʼa rokweniènhstha ne roʼníha, tánon ne rahnhá꞉tshera rokweniènhstha ne raiaʼtakweʼní꞉io. Tókaʼ kaʼníhsera ní꞉ʼi í꞉ken, káʼne kakwenienhstáhtshera tsi ní꞉ʼi naʼtewakatèn꞉tshon? Rá꞉ton ne Sakoiá꞉ner ne ratironhiaʼkehró꞉nonʼs ne tsonhá꞉ke, Oh sewatsihènhstatsiʼs, Í꞉se wesewakèn꞉ron nakhsèn꞉na. Sewá꞉ton, “Oh ní꞉ioht tsi waʼakwakèn꞉ron ne sahsèn꞉na?”

Matthew 3:7

Nok tanon ȣasakoken Kentiokoȣanen, ne Pharisien, oni Sadusean ratiriȣanontons aontenekȣaeste, ȣasakaȣenhase: Kaȣatsiraksenskȣa! Onka ietsirori naeseȣatekȣase ne Niio raonakȣensera?

Deuteronomy 27:16

“‘Rawenni꞉io shakorewá꞉tha nónhka iáh thashakotikwénienste ne ronwatihioʼokón꞉as.’ “Tánon kwáh onkweʼtakwé꞉kon tsi tenhieriwaʼserá꞉ko, ‘É꞉tho niʼiáwen!’

1 Timothy 5:4

Onk tóhkaʼ ne iotheréʼons iowíraien tóhkaʼ ó꞉ni iotherésen, neh kwáh tiotserentákwen nakothirihwahiériʼthe tsi naʼtehiothonwentióhon nahothiʼriwiʼiosthóntseras tsi nòkwa ne ahothiwáhtsires tánon neh kí꞉ken enkarihónni nahonsahonwahthikárhiakʼse ne ronwahtiʼienha ó꞉ni ne sakotisótʼtha, tsioríhwa tsi neh kí꞉ken rawerentiʼióstha ne Rawenni꞉io.

1 Timothy 5:8

Onk tóhkaʼ ónhkak iáh tathesakotirihwásnieʼse ne rontátenons, sénha ne kwáh ronónha rahothiwáhtsireh, wahkonwathonníhase ne tewethákwen ó꞉ni sénha ronónha rathiweniennáksen tsi ní꞉ioht ne iáh tetiakawetákwen.

1 Tiér 2:9

Nók í꞉se ne kentiókwa ne ietʼtsiʼiatarákwen, ne Ronontí꞉io rahotsihénstatsis, ne otiokwatokénti, ne kwáh Rawenni꞉io rahonkwetaʼsónha, kahiatarákwen nahontʼróri ne ionerakwathénion ne Rawenni꞉io rahoweiénnas, ietsisewennónkon tsi tetiókaraskwe tánon thonónwe nonsatsisewátʼkawe ne ioriwanerákwat raoskwatetʼtserákon.