Proverbs 30:10 - Ohiatonhseratokénti

¹⁰ Tóhsa nonwén꞉ton enhserí꞉wakwaʼse ne kontihnhá꞉tshera raohén꞉ton ne raiaʼtakweʼní꞉io. Ensatkenhrenʼserón꞉ni tánon enhsatkarón꞉ni ne aorihwà꞉ke.

Proverbs 30:10 ပူးပေါင်းရင်းမြစ်များ

Genesis 8:21

Tánon nó꞉nen ne Roiá꞉ner shahoienʼkwaráhsho tsi naʼtewenserateníhonhs tsi niwenhserá꞉kon, ne Roiá꞉ner, raonhá꞉ke khók tsi wahén꞉ron, “Kwáh iáh nonwén꞉ton shé꞉kon thaonsakatkón꞉ten nonhwentsà꞉ke ne nonkwehshón꞉ʼa akorihwá꞉ke, asèkenh tsi nikarihwáksen tsi nihonnonhtónnions ne raonerià꞉ne kwáh kenʼk nentiakó꞉ionke; Iáh ó꞉ni shé꞉kon nonwén꞉ton thaonsakheiáhtonʼte ne ronnonhnhénions, tsi nón꞉wa ná꞉tiere.

Proverbs 11:26

Ón꞉kwe enhonwakenhrenʼserón꞉ni nónhka rateweién꞉tons ká꞉nen, rohrhá꞉re ne sénha aonthará꞉tate tsi nikanó꞉ron, nok tenhonwanonhwerá꞉ton nónhka óksaʼk enhahtké꞉ron.

Proverbs 28:27

Tashé꞉ion ne iakó꞉ten tánon iáh nonwén꞉ton thaiesenténhton. Tókaʼ saʼnikonhrón꞉nis tsi iáh teshé꞉kenhs ne iakó꞉ten, wé꞉so nón꞉kwe tsi eniesateraʼswaksá꞉ten.

Ecclesiastes 7:21

Tó꞉sa thénen kariwaʼsónhni tsi nahiontónnheʼke nonhkweshón꞉ʼa—onhtiérenk ensatʼthóntene ne sahnáhtshera iakenrensehrónhnis,

Daniel 6:13

Eʼthó꞉ne wahonwahró꞉ri ne ronnontí꞉io, “Daniel tsi niká꞉ien ne thonwarekwáhton ne Judah, iáh tehiakweniénstha Sanontí꞉io iáh ó꞉ni teharihwakweniénhstha ne saianerenhseríhson. Kwáh iorihwató꞉ken ne áhsen nienwá꞉teratste raterénnaiens né sewénhnisera.”

Daniel 6:24

Eʼthó꞉ne kátiʼ ne ronnontí꞉io wahaténhnhaʼne ahonwatiié꞉na ratikwé꞉kon né ronwarihwárhoskwe né Daniel, ó꞉ni wahshakaónnien né iahonwatiiaʼtón꞉ti, thiahatikwé꞉kon ne rotiniá꞉khon ó꞉ni ne shakotiioʼokón꞉ʼa, né tsi tionatshónwaien ne kèn꞉reks. Né ohén꞉ton shiahón꞉newe ne tsi tkaʼnónhkwaien, okná꞉ʼa ne kèn꞉reks iaʼakonatiaʼtón꞉ti ó꞉ni iaʼakonatiaʼtahnéhkwane.

Romans 14:4

Iáh tesateriwaiénʼni ne taseiatórete nakorénson rahothinhátsera? Neh꞉ne ronwáhnhas iatenhotiriwaiéntase tóhkaʼ ken iatenhonnótʼten tóhkaʼ ó꞉ni enhothiʼriwanóron. Tánon kíʼ ó꞉ni enhonateriwaténtsiaʼse, neh tsi rokwénion ne Roiá꞉ner nasakohahónnien niatahonnhótʼten.

Deuteronomy 15:9

Tó꞉sa sewateʼnikonráksat ne tsík nahoʼténhsons aieʼtsíni, né꞉ne ahisewateriwahkèn꞉serahkwe tsi ó꞉nen tó꞉wa iahonsakáhewe nóhsera nó꞉nen tsi nón꞉we nihiakotkaró꞉tons ne tenskanakónhke. Tó꞉sa sewatʼthontat ne niwanonhtonʼnionhtseráksen iahontáwehiaʼte ne sewanikonhrá꞉ke. Tó꞉ka ensaterihwaié꞉saʼte nasewístani, iaʼtenhonsèn꞉tho raonhà꞉ke ne Roiá꞉ner tsi nokwáh ní꞉se ók kwáh enshaʼnonhtà꞉nake.

Deuteronomy 23:15

“Tó꞉ka ne ratináskwas ensehshakotiʼniakénsehse ne ratihiaʼtakwehní꞉ios tánon í꞉se aieshahiatórenhne nahontásehne, tó꞉sa shasehiaʼtékwak.

1 Samuel 24:9

Ne Táwit wahawenhá꞉se ne Saul, “Onhnontiéren tsi satahón꞉satats ne raotiwenhnashón꞉has ne tsi nihá꞉ti ne rón꞉ton, ‘Ne Táwit iahiatísaks nahiakaréwate’?

1 Samuel 26:19

Ónenh kiʼ nón꞉wa tserí꞉hon natiá꞉ner ne ronnontí꞉io nahothónhte ne raowenhnasónhas ne raonhá꞉tsera. Tó꞉ka raón꞉ha ne Roiá꞉ner wahiónhnien naskatʼkónten, aiá꞉wenhs ahoienkwaráswoh; ók tó꞉kaʼ ónkwe, aiá꞉wenhs ahatiriwaiésha raohén꞉ton ne Roiá꞉ner, asèken wahontiatinékenhwe ne kén wenhniseráte ne ne tó꞉sa othènon ahontiatáhetste ne rahohóntsa ne Roiá꞉ner, ‘rontón꞉nions wáhs, neh teseriwásnies ne thiʼhátite ní꞉ios.’

1 Samuel 30:15

Ne Táwit wahawénhase, “Kwáh iastiaʼténhaf thóh nón꞉we thí꞉ken ratinataká꞉rias kentsió꞉kwa?” Wahénron, “Takeriwanírats rahonháke ne Ní꞉io nètho ní꞉se tsi iáh taskenonwarhiá꞉khon, khéhs niaʼskatiakwahrísi rahonháke ne ratiatakweʼní꞉io, tánon kwáh kiʼ ienkonhiaténhawe tsi tón꞉nes.”