Proverbs 3:7 - Ohiatonhseratokénti

⁷ Tóhsa nonwén꞉ton sanonhtonniónhak í꞉se kenh sénha sattókha. Kwáh nek ne tahtshéhtak ne Roiá꞉ner, tánon tóhsa sathón꞉tat kenʼniáhshiere nahò꞉ten iáh tetkariwaié꞉ri.

Proverbs 3:7 ပူးပေါင်းရင်းမြစ်များ

2 Samuel 12:20

Ehʼthóhʼne ne Táwit thontahá꞉tane nonhontsáke, wahatáwenh, wahatsiatakónhonste, tánon thonsahatathakwénion. Raothoserákon ne Roiá꞉ner iahatáwehiate, tánon wahaterénhnaien; ehʼthóhʼne tsi thohʼnónshoʼte nionsáre; tánon nó꞉nenh sahariwanónton, wahonwakwahérase tánon watatská꞉on.

Nehemiah 5:15

Ne thatikó꞉rakwe nohén꞉ton ní꞉i thóh rotí꞉ien ne iorieniátste rononhà꞉ke nonkweshón꞉as, tánon washakotinatarákwa ó꞉ni nonenharákeri, tséskate ne kaié꞉ri niwáhsen nikakontserá꞉kes kawistará꞉kens; ne raonhatserashón꞉as kwáh ó꞉ni rotishatstenhseraién꞉takwe tsi nokwáh nonkweʼshón꞉as, ók iáh ní꞉i thóh tewatié꞉ren tiorì꞉wa tsi ritsá꞉nis ne Rawenni꞉io.

Job Tánon ne Raoronhiakensera 1:1

Ronkweʼkén꞉en thoraná꞉kereʼkwe tsi watonwentsá꞉ien ne Uz. Job ronwá꞉iatskwe tánon kwáh iáh othé꞉non tewátonskwe ne othé꞉nen ahontahonwárase tánon tronkweʼtaiérihkwe, tánon ne nénska rónkwe kwáh í꞉ken tsi rorihwakweniénstakwe ne Rawenni꞉io tánon ratharonhtsiénskwe tsi nokwáh ne karihwahetkénhsera.

Job Tánon ne Raoronhiakensera 28:28

Tánon wasakawénhase nonkweshón꞉as, ‘Orihwiiohón꞉we, ne raoteronhkwátshera ne Roiá꞉ner tsi né nathokhátsera í꞉ken; tánon né꞉ren ahiénte ne karihwahetkénhsera né꞉ne kaʼnikonhraientátshera í꞉ken.’”

Exodus 20:20

Ne Mahís wathariʼwaserako, “Tó꞉sa sewá꞉teronhk; ne Rawenni꞉io nèkse aoríwa tá꞉hre natsiʼsewateniénten tánon natsiʼtsiónhnien nahtsiʼsewawenhnaráhkwahʼke, ne káti ne tó꞉sa ahisewariwá꞉nerahke.”

Proverbs 14:16

Nón꞉kwe tehotiʼnikonhráthe ratiʼnikón꞉rare tóhsa tahatiʼnióhskenʼne, nok ne iáh thaʼtehotiʼnikonhráthe iáh tshiaʼtehonnonhtónnions só꞉tsi tehotihskenhniase.

Proverbs 14:27

Tesatonhwentsó꞉ni kenh aseniá꞉kenʼne ne kenhé꞉ion? Ehtskweniénhstak ne Roiá꞉ner aseʼkénh ne thatká꞉waʼs natónhnhets.

Proverbs 16:6

Sarihwatokénhak tánon sanitenrahtskónhak, Rawenni꞉io enshiaʼnikónhrhenʼseʼ tsi sarihwanéren. Tshewèn꞉narahkhwak ne Roiá꞉ner tánon iáh oʼthé꞉nen ne karihwáksen thaiesà꞉raʼne.

Proverbs 23:4

Kwáh iatekaièn꞉tak tsi tesaʼnikonhrátheʼk ne tóhsa tahsatatwishenhé꞉iaʼte tsi sateʼniéntha naesakwáhtsheʼne.

Proverbs 26:12

Nónhka ne kwáh tehotenonhwarorí꞉tonte ráonha sénha ioiánere raorihwà꞉ke tsi ní꞉ioht ne ónhka rón꞉nehre ronttókha tánon iáh tho té꞉ioht.

Proverbs 26:5

Tahserihwaʼserá꞉ko nahò꞉ten ne teiotenonhwarorí꞉tonte, sók ne ónhka wahariʼwanón꞉ton, enháttoke tsi iáh kwáh thaʼtehoʼnikonhráthe tsi ní꞉ioht tsi ranonhtónnions.

Proverbs 28:11

Nón꞉kwe ne rotikwáhtshe tiótkon rón꞉nehre ronteʼnikonhrattókha, nok ne ró꞉ten rakaʼenionhtsherí꞉io tenhaiaʼtó꞉rehte tsi nihatiweiennò꞉tens, ráonha kiʼ sénha shakoʼnikonhraienté꞉ri.

Proverbs 28:26

Teiotenonhwarorí꞉tonte ne áhtshere tsi nisaʼnikonhrò꞉ten. Satatiaʼtanónhstat: íhtshehr ne tehotiʼnikonhráthe raotirihonnienníhtshera.

Proverbs 8:13

Nó꞉nen entskwénienhsteʼ ne Roiá꞉ner, énhtswen kiʼ ne karihwáksen; íhkswens naʼkatkáhtho tsi nihatiweiennò꞉ten nónhka iontatón꞉ni, ó꞉ni ne karihwanéren tánon ne owennaʼshón꞉ʼa ne kaʼnikonhrhá꞉ton.

Ecclesiastes 12:13

Ethohʼsáne, énskak khók tsi nahó꞉ten aiaiéron: Etsenhnaiénsek ne Rawenni꞉io, tánon satewénhnarak ne raoriwahtátʼtsheras, tsioríhwa tsi né ahoríwah hionkhihiatishaháton.

Isaiah 5:21

Rothithentáhsere, tsi nihá꞉ti ne rónhnereh rontenikonraʼtókhas ne kwáh ronón꞉ha ratiká꞉rakes, tánon thóh nethá꞉kwen tsi nihontkáthos!

Romans 11:25

Kwáh seh kariwasetánion naʼteriwakwarisióntshera, tewatenrosónhas, tsi nahóten ne kwáh tewakathonwentió꞉ni naihsewateriéntaraʼne, asèken neh ensewanónstate ne tóhsa aihsewathatenontónʼnionse tsi nahisewakthókhake. Tsi nihonatenontsistaniráton ne Israerʼró꞉nons iáh kíʼ tsehiotkontákwen, nók thóh khók nikaríwes tsi nióre ne iáh tehatisitaeronons tekaiatoreton tonihati ne Rawenní꞉ioke nienhón꞉ne.

Romans 12:16

Satehiothónhak tsi naʼthahisewathatsatakéna tóhsa sewanaiéhak, nók ahkwékon satahisewahiotenseroténhake; Tóhsa satatenonthónnions nasatʼthókhaʼke.