Proverbs 3:5 - Ohiatonhseratokénti

⁵ Tsheniáhes Roiá꞉ner akwáh seriahsakwé꞉kon. Tóhsa nonwén꞉ton í꞉se satateniáhes tsi nahò꞉ten íhsehre saterién꞉tare.

Proverbs 3:5 ပူးပေါင်းရင်းမြစ်များ

Ezra 8:23

Káti wahonkwentónhtiete tánon wahakwahterén꞉naien ne Rawenni꞉io nasonhkwahiathanónsthate, tánon watharihwaʼsehrá꞉ko nonhkwahterénhnaient.

Job Tánon ne Raoronhiakensera 13:15

Satká꞉tho kwáh enhakenonwarià꞉kon; iáh othé꞉non tesewakararahtsherá꞉ien; ók kwáh ki entkatá꞉tene tsi nikeweienhnó꞉tens ne raohénton.

Psalms 125:1

Tsi niʼiákon ne tonhwetákwen ne Roiá꞉ner kwáh né꞉ne tsi ionónhte ne Zion, iáh thahónton nahioriáneronhke, ók tsi nénhwe enkátake.

Psalms 37:3

Tatʼtsetakwénhak ne Roiá꞉ner tánon kaiotensherí꞉io tsi shaióthen; tánon éhʼtho ensehnákereʼke ne tsi ionwentsáte tánon kwáh skénhnonk thenkénhake.

Psalms 37:5

Roiá꞉ner thá꞉tion ne tsi shónne; tatietakwéhak, tánon enhiasniénon.

Psalms 37:7

Sák tasahthatón꞉ni raohénton ne Roiá꞉ner, tánon sanikonkáts꞉te tsi tsiateráhrat tsi nenháiere; Tóhsa sehiaskanétsek tsi niháti ne rotihianerasténni tsi nihatiweienhnóten, Tó꞉ka ní ó꞉ni tsi niháti né꞉ne raʼtihá꞉wi tsi nihonatenikonríhshon ne karihwaʼhetkénsera.

Psalms 62:8

Tatsisehwethakwénhak ne Rawenni꞉io tiotkonhónwe kénhak, Ó tiónkwe; iatesehwatatʼtsáhak ne rahohénton; Rawenniʼióke séh nón꞉we nitewatasehthákwah. Selah

Proverbs 22:19

Tewakatonhwentsó꞉ni natsheniáhese ne Roiá꞉ner; ne ká꞉ti enkarihón꞉ni ó꞉nen enkonhró꞉ri.

Proverbs 23:4

Kwáh iatekaièn꞉tak tsi tesaʼnikonhrátheʼk ne tóhsa tahsatatwishenhé꞉iaʼte tsi sateʼniéntha naesakwáhtsheʼne.

Proverbs 28:26

Teiotenonhwarorí꞉tonte ne áhtshere tsi nisaʼnikonhrò꞉ten. Satatiaʼtanónhstat: íhtshehr ne tehotiʼnikonhráthe raotirihonnienníhtshera.

Proverbs 3:7

Tóhsa nonwén꞉ton sanonhtonniónhak í꞉se kenh sénha sattókha. Kwáh nek ne tahtshéhtak ne Roiá꞉ner, tánon tóhsa sathón꞉tat kenʼniáhshiere nahò꞉ten iáh tetkariwaié꞉ri.

Isaiah 12:2

Oriwiʼiohónwe ne Ní꞉io tsi né natsatakeʼnátsera í꞉ken; kwáh kí enhini tánon iáh kí tahónteronhne, asèken ne Roiá꞉ner rahónha rakeshatstenhseráwis ó꞉ni ne nakerénhna; rahónha ne rotónhon natsatakeʼnátsera.

Jeremiah 10:23

Saiá꞉ner, wakateriéntahre iáh ónhka ne tsi nihiátion tetsionkwahniaróh꞉tahron tsi niahonkweʼnonhátie; iáh ónhka ne tsi nihiátsion tetsionkwaniaró꞉tahron ne tsi iatiónnhe.

Jeremiah 9:23

Ne Roiá꞉ner ráton, “Kíʼ attokháhtshera iáh tehiówenhk ne tahathirénsahron ne rahothinikonrowahnátshera, tóh꞉ka ó꞉ni tsi nikashástsʼte ne raothishastsʼténsera, tóh꞉ka ó꞉ni tsi ne iókwats ne raonatʼtsokohwátshera.

Numbers 9:20

Sehwatiéren notsíkera tokàra khók nónhta thóh èhneken íwes tsi nónhwe niwatóhserote; ók kíʼ tsík nahiotónhake, thóh kíʼ ratíteron khès ne tenhshonʼnátakwe, né entewanónhton tsi nenhshaʼkoróri ne Roiá꞉ner.

Numbers 9:22

Né꞉ne tewenhniseráke khók, khès ne sewenhníta, tsósehra, tó꞉ka ó꞉ni sénha karíhwes, tsi nióre notsíkera thóh èhneken íwes tsi nónhwe niwatóhsehrote, iáh kíʼ thatahonhnáthaʼkwe; ók kíʼ nónenh èhren ènsewete thóh ne kíʼ tenshonʼnáthaʼkwe.

Romans 12:16

Satehiothónhak tsi naʼthahisewathatsatakéna tóhsa sewanaiéhak, nók ahkwékon satahisewahiotenseroténhake; Tóhsa satatenonthónnions nasatʼthókhaʼke.

Ephesians 1:12

Ánionʼkiʼ, tsi í꞉i tionkwatserénton tetsitewethákwen ne Kerístos, tethewatenonweráton ne Rawenni꞉io rahohiathanerakwátsera.